សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីបានផ្អាកការប្រារព្ធអស់រយៈពេល២ឆ្នាំដោយសារវិបត្តិកូវីដ-១៩ សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅឆ្នាំនេះបានបើកដៃឲ្យប្រារព្ធពិធីបុណ្យចូលឆ្នាំប្រពៃណីជាតិឡើងវិញ។ ក្នុងនោះផងដែរ សម្ដេចបានបង្ហើបអំពីខេត្តចំនួន២ដែលទទួលបានការកក់បន្ទប់ស្នាក់នៅច្រើនសម្រាប់ពេលចូលឆ្នាំខាងមុខ។
ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្រគ្រឹស្នា បានមានប្រសាសន៍ថា សណ្ឋាគារ ផ្ទះសំណាក់ភាគច្រើនគឺត្រូវបានប្រជាពលរដ្ឋកក់ទុកអស់ហើយ ជាពិសេសគឺនៅតាមកោះនានាក្នុងខេត្តព្រះសីហនុ ដែលការកក់ទុកនេះ គឺត្រៀមសម្រាប់ការសម្រាកលំហែរនាពេលចូលឆ្នាំខ្មែរខាងមុខ។ ប៉ុន្តែទន្ទឹមនឹងនេះ បញ្ហាដែលប្រជាជនតែងតែត្អូញត្អែរនោះគឺតម្លៃដែលហក់ឡើងខុសប្រក្រតីនៃ កន្លែងស្នាក់នៅក្នុងតំបន់ដែលពេញនិយមសម្រាប់ភ្ញៀវទេសចរ។ យ៉ាងណា ប្រធានមន្ទីរទេសចរណ៍រូបនេះបានអះអាងថា ការឡើងថ្លៃនេះគឺជារឿងធម្មតានោះទេ ព្រោះនេះគឺជាឱកាសក្នុងការរកស៊ីរបស់បងប្អូនអាជីវករ។ ប៉ុន្តែការឡើងថ្លៃដែលមិនធម្មតានោះគឺឡើងហួសហេតុខ្លាំងពេកពីតម្លៃដែលដាក់លក់ក្នុងថ្ងៃធម្មតា។
ឆ្លើយតបនឹងបញ្ហានេះ លោកបន្តថា ៖
“សម្រាប់វិធានការទប់ស្កាត់គឺក្រសួងបានណែនាំហើយ ដោយចុះចែកសេចក្ដីជូនដំណឹងឲ្យអ្នកផ្ដល់សេវាកម្មទាំងអស់ គាត់ត្រូវដាក់តម្លៃជូនភ្ញៀវ!ហើយប្រសិនបើគាត់ចង់ឡើង គាត់ត្រូវដាក់តម្លៃអោយគេដឹងមុន។ គាត់អាចឡើងបាន ប៉ុន្តែនៅក្នុងកម្រិតមួយដែលមិនថ្លៃហួសហេតុ! ព្រោះធម្មតាទេ យើងមានសេដ្ឋកិច្ចទីផ្សារសេរី ពេលមានបុណ្យទានអី គឺគាត់អាចឡើងបាន”
ដោយឡែក សម្រាប់ខេត្តសៀមរាបឯណោះវិញក៏មិនខុសគ្នាប៉ុន្នានដែរ បន្ទប់នៅតាមសណ្ឋាគារ ផ្ទះសំណាក់ផ្សេងៗត្រូវបានភ្ញៀវសម្រុកកក់ទុក ប៉ុន្តែបើទោះជាយ៉ាងនេះក្ដី ខេត្តមួយនេះក៏នៅតែមានចន្លោះជានិច្ចសម្រាប់ភ្ញៀវទេសចរ ដោយហេតុថាខេត្តមួយនេះជាខេត្តទេសចរណ៍ស្រាប់ មានការផ្គត់ផ្គង់ទូលាយ និងសម្បូរបែប។
ដើម្បីទប់ស្កាត់ភាពកកកុញនៃភ្ញៀវទេសចរ ក៏ដូចជាបង្កាការការឆ្លងជំងឺកូវីដ១៩ផងនោះ អ្នកជំនាញទេសចរណ៍ លោកជំទាវ ឆាវ ស៊ីវលីន បានមានប្រសាសន៍ណែនាំឲ្យបងប្អូនប្រជាពលរដ្ឋគួរងាកមើលទៅខេត្តផ្សេងៗទៀត ព្រោះនៅមានកន្លែងជាច្រើនទៀតដែលទេសចរក្នុងស្រុកគួរតែបានទៅទស្សនា។
លោកជំទាវបន្តថា៖
“ក្នុងឱកាសនេះ ខ្ញុំចង់ឲ្យបងប្អូនប្រជាពលរដ្ឋយើងក្រឡេកមើលទៅតំបន់ និងខេត្តផ្សេងៗ ដូចជាខេត្តពោធិ៍សាត់ក៏ស្អាត បាត់ដំបងក៏ស្អាត ហើយឥឡូវផ្លូវក៏បានស្អាតបាតច្រើន រីឯការផ្គត់ផ្គង់ក៏គ្រាន់បើដែរ…ម៉្យាងទៀត តំបន់រមណីយដ្ឋានក៏នៅឆ្ងាយៗពីគ្នា ដែលយើងអាចទៅលេងដោយមិនបារម្ភនឹងការកកស្ទះ”
គួរបញ្ជាក់ថា កាលពីថ្ងៃទី២៨ ខែមីនា ឆ្នាំ២០២២ កន្លងទៅ ក្នុងពិធីសម្ពោធជាផ្លូវការអគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ សម្តេចតេជោ ហ៊ុន សែន បានលើកឡើងថា កន្លែងស្នាក់នៅភាគច្រើននៅក្នុងខេត្តព្រះសីហនុ និងខេត្តសៀមរាបគឺត្រូវបានប្រជាជនសម្រុកកក់ទុកអស់ច្រើនហើយ សម្រាប់ត្រៀមកំសាន្ដក្នុងពិធីបុណ្យចូលឆ្នាំប្រពៃណីខ្មែរខាងមុខនេះ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content