សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃប្រេងបានធ្លាក់ចុះជាង ១ ភាគរយកាលពីថ្ងៃព្រហស្បតិ៍ ដោយសារការរំខានលើការដឹកជញ្ជូនតាមផ្លូវសមុទ្រក្រហមបានធូរស្រាល បើទោះបីជាភាពតានតឹងនៅមជ្ឈិមបូព៌ានៅតែបន្តកើតមានក៏ដោយ។
ទន្ទឹមនឹងនេះ តម្លៃប្រេងឆៅម៉ាក Brent បានធ្លាក់ចុះប្រហែល ១,៣ ភាគរយ ឬ ៧៨,៦៣ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក WTI ធ្លាក់ចុះ ១,១ ភាគរយ ឬ ៧៣,២៩ ដុល្លារក្នុងមួយបារ៉ែល។ កាលពីថ្ងៃពុធ តម្លៃប្រេងបានធ្លាក់ចុះជិត ២ ភាគរយ បន្ទាបពីក្រុមហ៊ុនដឹកជញ្ជូនធំៗបានចាប់ផ្តើមត្រឡប់ទៅសមុទ្រក្រហមវិញ។
ក្រុមហ៊ុនដាណឺម៉ាក Maersk (MAERSKb.CO) នឹងបញ្ជូនកប៉ាល់កុងតឺន័រត្រឡប់ទៅធ្វើដំណើរតាមព្រែកជីកស៊ុយអេវិញ ដែលជាផ្លូវផ្សារភ្ជាប់រវាងអាស៊ី និងអឺរ៉ុប ខណៈពេលដែលបង្វែរតែមួយចំនួនតូចប៉ុណ្ណោះជុំវិញទ្វីបអាហ្រ្វិក។ កាលពីដើមខែនេះ ក្រុមហ៊ុនដឹកជញ្ជូនធំៗរួមមាន ក្រុមហ៊ុនកុងតឺន័រយក្ស Maersk និង Hapag-Lloyd (HLAG.DE) បានឈប់ប្រើប្រាស់ផ្លូវសមុទ្រក្រហម និងព្រែកជីកស៊ុយអេ បន្ទាប់ពីក្រុមសកម្មប្រយុទ្ធ Houthi របស់យេម៉ែន បានចាប់ផ្តើមកំណត់គោលដៅលើនាវានៅសមុទ្រក្រហម ដែលរំខានដល់ពាណិជ្ជកម្មពិភពលោក។
ទោះបីជាយ៉ាងណាក្តី សម្ព័ន្ធភាពដឹកនាំដោយសហរដ្ឋអាមេរិកក្នុងការបន្ថយភាពតានតឹងនៅសមុទ្រក្រហមរហូតមកដល់ពេលនេះ មិនទាន់ទទួលបានសកម្មភាពសម្របសម្រួលដូចការរំពឹងទុកនោះទេ។ មួយសប្តាហ៍បន្ទាប់ពីការចាប់ផ្តើមនៃកងកម្លាំងដែនសមុទ្រ សម្ព័ន្ធមិត្តជាច្រើនមិនចង់ពាក់ព័ន្ធជាមួយបញ្ហានេះទេ ដោយមួយផ្នែកបានឆ្លុះបញ្ចាំងពីការប្រេះស្រាំដែលបង្កើតដោយជម្លោះនៅតំបន់ហ្គាហ្សា ដែលពួកគេបានមើលឃើញថា សហរដ្ឋអាមេរិករក្សាបានការគាំទ្រយ៉ាងរឹងមាំសម្រាប់អ៊ីស្រាអែល ទោះបីជាការរិះគន់អន្តរជាតិកើនឡើងចំពោះការវាយលុករបស់ខ្លួនក៏ដោយ។ មិនត្រឹមតែប៉ុណ្ណោះ សង្គ្រាមរវាងអ៊ីស្រាអែលបានបង្កភាពតានតឹងកាន់តែខ្លាំងឡើង ដែលធ្វើឲ្យសង្រ្គាមនេះនឹងបន្តរយៈពេលជាច្រើនខែ។
កាលពីថ្ងៃពុធ ទិន្នន័យពីក្រុមឧស្សាហកម្មវិទ្យាស្ថានប្រេងអាមេរិកបង្ហាញថា ស្តុកប្រេងឆៅបានកើនឡើង ១,៨៤ លានបារ៉ែលកាលពីថ្ងៃទី ២២ ខែធ្នូ បើធៀបទៅនឹងការប៉ាន់ប្រមាណរបស់អ្នកវិភាគថា មានការធ្លាក់ចុះចំនួន ២,៧ លានបារ៉ែល។
ទន្ទឹមនឹងនោះ មានការរំពឹងទុកខ្ពស់ពីការកាត់បន្ថយអត្រាការប្រាក់នៅអឺរ៉ុប និងសហរដ្ឋអាមេរិកក្នុងឆ្នាំ ២០២៤ បានផ្តល់ភាពវិជ្ជមានដល់ទស្សនៈនៃតម្រូវការប្រេង៕
Account
Security
Favourite Content