សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃប្រេងបានធ្លាក់ចុះជាង ៧% បន្ទាប់ពីអ៊ីរ៉ង់បានវាយប្រហារមូលដ្ឋានយោធាអាម៉េរិកក្នុងប្រទេសកាតា ជាការសងសឹកចំពោះការវាយប្រហាររបស់មហាអំណាចមួយនេះមកលើទីតាំងនុយក្លេអ៊ែររបស់ខ្លួន។
ទន្ទឹមនឹងនេះ តម្លៃប្រេងម៉ាក Brent ធ្លាក់ចុះ ៧,២% ឬ មានតម្លៃ ៧១,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ៧,២% ឬ មានតម្លៃ ៦៨,៥១ ដុល្លារក្នុងមួយបារ៉ែល។ ការធ្លាក់ចុះដល់ទៅ ៧,២% របស់ Brent គឺជាការធ្លាក់ចុះខ្លាំងបំផុតចាប់តាំងពីខែសីហា ឆ្នាំ២០២២។ តម្លៃប្រេងបានធ្លាក់ចុះយ៉ាងខ្លាំងបន្ទាប់ពីអ៊ីរ៉ង់បានសងសឹកប្រឆាំងនឹងការវាយប្រហារតាមអាកាសរបស់សហរដ្ឋអាម៉េរិកមកលើទីតាំងនុយក្លេអ៊ែរសំខាន់ៗរបស់ខ្លួន ដោយអ៊ីរ៉ង់បានប្រើមីស៊ីលវាយប្រហារទៅលើមូលដ្ឋានទ័ពអាកាស Al Udeid របស់អាម៉េរិកក្នុងប្រទេសកាតា ដែលជាកន្លែងប្រតិបត្តិការយោធាដ៏ធំបំផុតរបស់អាម៉េរិកនៅមជ្ឈិមបូព៌ា។
អ្នកវិនិយោគព្រួយបារម្ភថា ការសងសឹករបស់អ៊ីរ៉ង់នឹងរំខានដល់ការនាំចេញប្រេងពីឈូងសមុទ្រមជ្ឈិមបូព៌ា។ អ៊ីរ៉ង់បានគំរាមបិទច្រកសមុទ្រ Hormuz ដែលជាច្រកដឹកជញ្ជូនប្រេងប្រហែលមួយភាគប្រាំនៃការផ្គត់ផ្គង់ប្រេងសរុបរបស់ពិភពលោក និងជាផ្លូវឆ្លងកាត់របស់អ៊ីរ៉ង់ដឹកប្រេងទៅកាន់រោងចក្រចម្រាញ់ទូទាំងពិភពលោក ខណៈដែលប្រទេសនេះគឺជាអ្នកផលិតប្រេងឆៅធំជាងគេទីបីរបស់អង្គការ OPEC។ អ៊ីរ៉ង់គំរាមថា ការវាយប្រហាររបស់អាម៉េរិកលើទីតាំងនុយក្លេអ៊ែររបស់ខ្លួនបានពង្រីកជួរនៃគោលដៅស្របច្បាប់សម្រាប់កងកម្លាំងប្រដាប់អាវុធរបស់ខ្លួន។
យ៉ាងណាមិញ មន្ត្រីយោធាអាម៉េរិកម្នាក់លើកឡើងថា បន្ទាប់ពីមានការវាយប្រហារ មិនមានការរំខានដល់ការដឹកជញ្ជូន ឬការផលិតថាមពលរបស់កាតានោះទេ។ កាតាគឺជាប្រទេសនាំចេញឧស្ម័នធម្មជាតិរាវដ៏ធំបំផុតមួយរបស់ពិភពលោក ហើយការនាំចេញទាំងអស់របស់វាឆ្លងកាត់ច្រកសមុទ្រ Hormuz ផងដែរ។លោក Andy Lipow ប្រធានក្រុមហ៊ុនប្រេង Lipow Oil Associates លើកឡើងថា ភាពតានតឹងភូមិសាស្ត្រនយោបាយទាំងអស់នៅក្នុងមជ្ឈិមបូព៌ា មិនថាជាអ៊ីស្រាអែល អ៊ីរ៉ង់ ឬប្រទេសផ្សេងទៀតមិនដែលបិទច្រកសមុទ្រ Hormuz នោះទេ ទោះបីជាជម្លោះកាន់តែអាក្រក់ក៏ដោយ។ អ្នកវិនិយោគព្យាករណ័ថា ប្រសិនបើច្រកសមុទ្រត្រូវបានបិទពិតមែន នោះតម្លៃប្រេងម៉ាក Brent នឹងកើនឡើងលើសពី ៨០ ល្លារក្នុងមួយបារ៉ែល៕
Account
Security
Favourite Content