សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Investing បានលើកឡើងថា តម្លៃប្រេងបានធ្លាក់ចុះបន្តិច ខណៈដែលមានការរំពឹងទុកថា ភាពរឹងមាំនៃប្រាក់ដុល្លារអាម៉េរិកអាចនឹងធ្វើឲ្យធនាគារកណ្តាលអាម៉េរិកកាត់បន្ថយអត្រាការប្រាក់នៅឆ្នាំនេះ។
កាលពីថ្ងៃចុងសប្ដាហ៍កន្លងទៅនេះ តម្លៃប្រេងឆៅម៉ាក Brent បានធ្លាក់ចុះ ០,៤ ភាគរយ ឬ ៨៥,៤១ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានធ្លាក់ចុះ ០,៥ ភាគរយ ឬ ៨០,២៥ ដុល្លារក្នុងមួយបារ៉ែល។ ទន្ទឹមនឹងនេះ ការស្ទុះងើបឡើងវិញយ៉ាងខ្លាំងនៃប្រាក់ដុល្លារក៏បានធ្វើឱ្យប៉ះពាល់ដល់តម្លៃប្រេងឆៅផងដែរ ដោយសារតែការកាត់បន្ថយអត្រាការប្រាក់ភ្លាមៗដោយធនាគារជាតិស្វីសបានធ្វើឱ្យពាណិជ្ជករងាកទៅរកប្រាក់ដុល្លារ។ សន្ទស្សន៍ប្រាក់ដុល្លារបានកើនឡើងដល់កម្រិតខ្ពស់រយៈពេលពីរសប្តាហ៍បន្ទាប់ពីបានធ្លាក់ចុះក្រោយពីកិច្ចប្រជុំរបស់ធនាគារកណ្តាល។
ទន្ទឹមនឹងនេះ សហរដ្ឋអាម៉េរិកគ្រោងនឹងរៀបចំកិច្ចប្រជុំសេចក្តីព្រាងសេចក្តីសម្រេចទៅកាន់អង្គការសហប្រជាជាតិស្តីពីបទឈប់បាញ់ជាបន្ទាន់នៅក្នុងតំបន់ហ្គាហ្សា។ សង្គ្រាមអ៊ីស្រាអែល និងក្រុមហាម៉ាស់បង្កជាភាពមិនច្បាស់លាស់មួយចំនួន និងការវាយប្រហាររបស់ក្រុម Houthi នៅសមុទ្រក្រហមបានបង្កការរំខានលើការដឹកជញ្ជូនប៉ះពាល់ដល់ការផ្គត់ផ្គង់។ លោក Antony Blinken រដ្ឋមន្ត្រីការបរទេសអាម៉េរិក រំពឹងថា កិច្ចពិភាក្សាក្នុងប្រទេសកាតាអាចនាំមកនូវបទឈប់បាញ់នៅតំបន់ហ្គាហ្សា។
ការកើនឡើងនៃសន្ទស្សន៍ប្រាក់ដុល្លារនាពេលថ្មីៗនេះ រួមជាមួយនឹងរបាយការណ៍នៃបទឈប់បាញ់អាចផ្តល់ប្រាក់ចំណេញយ៉ាងសំខាន់នៅក្នុងទីផ្សារប្រេង។ កាលពីដើមខែមីនា តម្លៃប្រេងបានកើនឡើងដល់កម្រិតខ្ពស់ក្នុងរយៈពេល ៤ ខែ ដោយសារការរំពឹងទុកនៃការផ្គត់ផ្គង់សកលកាន់តែតឹងតែង។ ទោះបីជាតម្លៃប្រេងឆៅបានធ្លាក់ចុះពីកម្រិតខ្ពស់ក្នុងរយៈពេល ៤ ខែក៏ដោយ ប៉ុន្តែពាណិជ្ជករនៅបន្តមើលថា ទស្សនវិស័យនៃទីផ្សារប្រេងអាចនឹងមិនច្បាស់លាស់បន្ថែមទៀតនៅឆ្នាំ២០២៤។
ស្របពេលដែលស្តុកប្រេងរបស់សហរដ្ឋអាម៉េរិកបានធ្លាក់ចុះដោយមិននឹកស្មានដល់ក្នុងសប្តាហ៍នេះ ក្រុមប្រទេសនាំចេញប្រេង OPEC បានបង្ហាញសញ្ញាថា ពួកគេកំពុងកាត់បន្ថយការនាំចេញប្រេងរបស់ពួកគេផងដែរ។ យ៉ាងណាមិញ សកម្មភាពផលិតកម្មរបស់សហរដ្ឋអាមេរិកបានកើនឡើងច្រើនជាងការរំពឹងទុកនៅក្នុងខែមីនា។ លើសពីនេះ ការវាយប្រហាររបស់អ៊ុយក្រែនលើរោងចក្រចម្រាញ់ប្រេងរបស់រុស្ស៊ី បានធ្វើឲ្យទិន្នផលប្រេងរបស់រុស្ស៊ីធ្លាក់ចុះកម្រិតទាប។ យ៉ាងណាក៏ដោយ ទោះបីជាការផ្គត់ផ្គង់កាន់តែតឹងតែង ប៉ុន្តែទស្សនវិស័យតម្រូវការកាន់តែប្រសើរឡើង ដោយសារការពង្រឹងសេដ្ឋកិច្ចរបស់សហរដ្ឋអាមេរិក និងការងើបឡើងវិញនៃសេដ្ឋកិច្ចចិន៕
Account
Security
Favourite Content