សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្តែងនូវការសាទរ និងពេញចិត្តជាខ្លាំងចំពោះសមិទ្ធផលកើតចេញពីទំនាក់ទំនង និងកិច្ចសហប្រតិបត្តិការរវាងកម្ពុជា និងកូរ៉េខាងត្បូង នៅក្នុងអាណត្តិការងារជាឯកអគ្គរដ្ឋទូតរបស់លោក ប៉ាក ហឹងឃ្យង និងបានបង្ហាញនូវការគាំទ្រពេញទំហឹង ចំពោះគម្រោងវិនិយោគ កែច្នៃសំរាម ទៅជាថាមពលប្រើប្រាស់ ដែលក្រុមហ៊ុន ECOCAM របស់កូរ៉េខាងត្បូង បាន និងកំពុងស្វះស្វែងរកការគាំទ្រ ដើម្បីវិនិយោគកែច្នៃសំរាម ទៅជាថាមពលប្រើប្រាស់នៅក្នុងប្រទេសកម្ពុជា។
ក្នុងឱកាសទទួលបានការអនុញ្ញាតពីសម្តេចតេជោ ហ៊ុន សែន ឱ្យលោកចូលជួបជម្រាបលាបញ្ចប់បេសកកម្មការងារជាឯកអគ្គរដ្ឋទូតកូរ៉េនៅកម្ពុជា លោក ប៉ាក ហឹងឃ្យូង ក៏បានឆ្លៀតស្វែងរកការគាំទ្រពីលើគម្រោងវិនិយោគកែច្នៃសំរាមទៅជាថាមពលប្រើប្រាស់របស់ក្រុមហ៊ុន ECOCAM របស់កូរ៉េខាងត្បូង ។
លោកឯកអគ្គរដ្ឋទូត ប៉ាក ហឹងឃ្យង ក៏បានគោរពអរគុណយ៉ាងជ្រាលជ្រៅជូនសម្តេចតេជោ ហ៊ុន សែន មន្ត្រីរាជការ ក៏ដូចជាប្រជាពលរដ្ឋកម្ពុជា ដែលបានផ្តល់កិច្ចសហប្រតិបត្តិការល្អ ញ៉ាំងឱ្យបេសកកម្មការទូតរបស់លោកនៅកម្ពុជាទទួលបានជោគជ័យ ធ្វើឱ្យទំនាក់ទំនង និងកិច្ចសហប្រតិបត្តិការរវាងប្រទេសទាំងពីរកាន់តែល្អប្រសើរ។
សម្តេចតេជោ ហ៊ុន សែន ក៏បានអរគុណលោកឯកអគ្គរដ្ឋទូត និងរដ្ឋាភិបាលកូរ៉េ ដែលបានគាំទ្រភាពជាប្រធានអាស៊ានរបស់កម្ពុជា រួមជាមួយនឹងការសម្តែងពីក្តីរីករាយជាមួយសមិទ្ធផលធំៗ ដែលកើតចេញពីទំនាក់ទំនងល្អ និងកិច្ចសហប្រតិបត្តិការល្អរវាងកម្ពុជា និងកូរ៉េ។
សូមបញ្ជាក់ថា សម្ដេចតេជោ ហ៊ុន សែន បានសម្តែងការគាំទ្រទាំងស្រុងចំពោះសំណើរកែច្នៃសំរាមទៅជាថាមពលប្រើប្រាស់ ដែលអាចចូលរួមចំណែកយ៉ាងសំខាន់ដល់បរិស្ថានកម្ពុជា ជាពិសេសគឺការបំប្លែងសំរាម និងកាកសំណល់ទៅជាប្រយោជន៍ផ្នែកសេដ្ឋកិច្ច និងការប្រើប្រាស់របស់មនុស្ស។ យោងរបាយការណ៍របស់ក្រសួងបរិស្ថានបានឱ្យដឹងថា ក្នុងមួយឆ្នាំកម្ពុជាបានបង្កើតសំរាមជិត ៤លានតោន ពោលគឺនៅទូទាំងប្រទេសមានសំរាមជាង ១ម៉ឺនតោនក្នុងមួយថ្ងៃ។ ដោយឡែកនៅរាជធានីភ្នំពេញ សំរាមដែលបង្កើតឡើងមានចន្លោះពី ២ ៧០០ ទៅ ៣ ០០០តោន ក្នុងមួយថ្ងៃ ដោយក្នុងនោះសំណល់ម្ហូបអាហារមានចំនួន ៥៧.៤០% សំណល់ថង់ប្លាសស្ទិក មានប្រមាណ ១៨.១០% សំណល់ក្រដាស ៦% កៅស៊ូ និងស្បែក ០.២% សំណល់ស្មៅ ឈើ ក្រណាត់ ថ្ម និងផ្សេងៗមានចំនួន ១៨.៣០%៕
Account
Security
Favourite Content