សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ មន្ត្រីជាន់ខ្ពស់ក្រសួងកសិកម្ម បានអញ្ជើញជាអ្នកតំណាងទទួលវិញ្ញាបនបត្រកំណត់ត្រាពិភពលោកស្តីពីត្រីទឹកសាបធំបំផុតរបស់កម្ពុជា ពីស្ថាប័នកំណត់ត្រាពិភពលោក (Guinness World Records) ខណៈដែលវិទ្យាស្ថានស្រាវជ្រាវ និងអភិវឌ្ឍណ៍ជលផលទឹកសាបនៃរដ្ឋបាលជលផល បានចូលរួមរៀបចំពិធីសិក្ខាសាលាថ្នាក់អន្តរជាតិស្តីពីស្ថានភាពត្រីបបែលយក្សទឹកសាបក្នុងតំបន់ទន្លេមេគង្គ នៅថ្ងៃទី១៤ ខែវិច្ឆិកា ឆ្នាំ២០២៣។
ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ គឺជាអ្នកតំណាងក្នុងការទទួលវិញ្ញាបនបត្រកំណត់ត្រាពិភពលោកចំនួនពីរ ដែលប្រគល់ជូនក្រសួងកសិកម្ម រុក្ខាប្រមាញ់ និងនេសាទ នាថ្ងៃនេះ រួមមាន៖ ត្រីទឹកសាបធំបំផុត (ត្រីបបែលយក្សទម្ងន់៣០០គីឡូក្រាម ដែលអ្នកនេសាទចាប់បានដោយចៃដន្យនាថ្ងៃទី១៣ ខែមិថុនា ឆ្នាំ២០២២ នៅភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង) និងសំណាកត្រីបបែលយក្ស ដែលធំបំផុតពីស្ថាប័នកំណត់ត្រាពិភពលោក (Guinness World Records)។
សហគមន៍នេសាទ និងអ្នកពាក់ព័ន្ធចំនួន២៦នាក់ ដែលបានចូលរួមថែរក្សាក្នុងកិច្ចការពារ និងអភិរក្សធនធានជលផល ដែលកំពុងរងគ្រោះថ្នាក់ ក៏ត្រូវបានប្រគល់ជូនប័ណ្ណសរសើរដោយឯកឧត្តម ហាស់ សារ៉េត ក្នុងកម្មវិធីនោះផងដែរ។
សមិទ្ធផលដ៏គួរឱ្យកត់សម្គាល់នេះ បានមកពីកិច្ចខិតខំប្រឹងប្រែងរបស់ថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ដែលមានរដ្ឋបាលជលផលជាសេនាធិការ ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ អង្គការដៃគូអភិវឌ្ឍន៍ជាតិ និងអន្តរជាតិ និងសហគមន៍នេសាទ ដែលបានចូលរួមថែរក្សា ការពារ និងអភិរក្សធនធានជលផល ដែលការចូលរួមថែរក្សា ការពារ និងអភិរក្សប្រភេទត្រីមេពូជនៅក្នុងទន្លេមេគង្គលើ គឺជាការរក្សាបាននូវប្រភពពូជត្រី សម្រាប់ចែកចាយទៅតំបន់បឹងទន្លេសាប ទន្លេមេគង្គក្រោម និងតំបន់លិចទឹកផ្សេងទៀត ដែលជាកន្លែងនេសាទរបស់ប្រជាពលរដ្ឋនៅមូលដ្ឋានធ្វើនេសាទសម្រាប់ដោះស្រាយជីវភាពប្រចាំថ្ងៃ។
សូមបញ្ជាក់ថា ត្រីបបែលទឹកសាបយក្សមួយក្បាលនៅកម្ពុជា ដែលត្រូវបានបញ្ចូលក្នុងសៀវភៅកំណត់ត្រាហ្គីណេស(Guiness Book of Records) ដ៏ល្បីល្បាញ ត្រូវបានកត់សម្គាល់ថាជាត្រីទឹកសាបធំជាងគេក្នុងពិភពលោក។ សៀវភៅហ្គីណេស ចែងថា ត្រីបបែលទឹកសាបយក្សទម្ងន់ ៣០០ គីឡូក្រាម (៦៦១ ផោន) ត្រូវនេសាទបានពីទន្លេមេគង្គក្នុងប្រទេសកម្ពុជា នៅថ្ងៃទី១៣ ខែមិថុនា ឆ្នាំ ២០២២។
ក្រុម Wonders of the Mekong Team បញ្ជាក់ថា ៖
«ត្រីទំហំ១៣ហ្វីត ទម្ងន់៦៦១ ផោន (៣០០ គីឡូក្រាម) ឥឡូវនេះកំពុងបន្លាស់ទីដោយសេរី ដោយអាចនិយាយថា “ចាប់តាំងពីការចេញផ្សាយវាមក យើងបានប្រមូលព័ត៌មានដែលមិនអាចកាត់ថ្លៃបានអំពីត្រីដ៏អស្ចារ្យនេះ តាមរយៈប្រព័ន្ធទទួលសូរស័ព្ទរបស់យើង។ វានឹងជួយយើងការពារប្រភេទសត្វជិតផុតពូជនេះ និងបានតាមដានត្រីទឹកសាបយក្ស ក្រោយការលែងបានមួយឆ្នាំចូលទន្លេមេគង្គ»។
គម្រោងស្រាវជ្រាវអច្ឆរិយៈនៃទន្លេមេគង្គ ដែលផ្តល់មូលនិធិដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) អ្នកវិទ្យាសាស្ត្របានដាក់ឈ្មោះត្រីបបែលថា បូណ៍មី Boramy ដែលមានន័យថា «ព្រះច័ន្ទពេញវង់»ជាភាសាខ្មែរ ដែលជាត្រីទឹកសាបធំជាងគេលើពិភពលោក ។
ការសិក្សាដែលផ្តល់មូលនិធិដោយ USAID នឹងបោះពុម្ពផ្សាយការរកឃើញដ៏មានតម្លៃ។ USAID មានមោទនភាពក្នុងការចូលរួមកិច្ចខិតខំប្រឹងប្រែងដើម្បីការពារអច្ឆរិយៈនៃទន្លេមេគង្គ និងការពារប្រភេទសត្វជិតផុតពូជ ដើម្បីជួយទ្រទ្រង់ធនធានជលផល និងជីវភាពរស់នៅដ៏សម្បូរបែបរបស់កម្ពុជាសម្រាប់ប្រជាជនកម្ពុជា ។
អ្នកវិទ្យាសាស្ត្រដឹងតិចតួចណាស់អំពីត្រីបបែលទឹកសាបយក្ស ដែលជាប្រភេទសត្វដែលមានចំនួនធ្លាក់ចុះយ៉ាងខ្លាំងនៅទូទាំងតំបន់អាស៊ីអាគ្នេយ៍។
លោក Kerry Pelzman នាយកបេសកកម្មរបស់ USAID/Cambodia មានប្រសាសន៍ថា ទន្លេមេគង្គដែលហូរកាត់ប្រទេសចំនួនប្រាំមួយនៅអាស៊ី គឺជាចំណុចក្តៅនៃជីវចម្រុះពិភពលោក និងជាជម្រករបស់ត្រីជិត ១ ០០០ ប្រភេទផ្សេងៗគ្នា រួមទាំងត្រីបបែលទឹកសាបដ៏ធំបំផុតរបស់ពិភពលោកផងដែរ៕
Account
Security
Favourite Content