សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា សង្កាត់នានាក្នុងទីក្រុងសៀងហៃបានជន់លិចនៅថ្ងៃសុក្រនេះ បន្ទាប់ពីទីក្រុងធំជាងគេរបស់ចិនមួយនេះត្រូវបានវាយប្រហារដោយព្យុះទីហ្វុងចំនួន ២លើក។
ទីក្រុងសៀងហៃ គឺជាទីក្រុងធំជាងគេបំផុតរបស់ចិន ដែលមានប្រជាជនចំនួន ២៥ លាននាក់ ហើយវាកម្រនឹងទទួលរងការវាយប្រហារដោយព្យុះទីហ្វុង។ កាលពីថ្ងៃចន្ទ ខ្យល់ព្យុះមានឈ្មោះថា Bebinca បានវាយប្រហារទីក្រុងសៀងហៃ ដែលជាខ្យល់ព្យុះខ្លាំងខ្លាបំផុតជាលើកដំបូងក្នុងរយៈពេល ៧៥ ឆ្នាំចុងក្រោយនេះ។ ខ្យល់ព្យុះទីហ្វុង Bebinca បានបោកបក់នៅប្រហែលម៉ោង ៧ និង៣០នាទី ព្រឹក ថ្ងៃចន្ទ ជាមួយនឹងល្បឿនអតិបរមា ១៥១ គីឡូម៉ែត្រក្នុងមួយម៉ោង និងបានបំផ្លាញមជ្ឈមណ្ឌលហិរញ្ញវត្ថុ។ ភ្លាមៗនោះ មនុស្សជាង ៤១៤ ០០០ នាក់ត្រូវបានជម្លៀសចេញមុនពេលមានខ្យល់បក់ និងភ្លៀងធ្លាក់ខ្លាំង ខណៈដែលសាលារៀនត្រូវបានបិទ។
យោងតាមប្រព័ន្ធផ្សព្វផ្សាយក្នងុស្រុកបានឲ្យដឹងថា ភ្លៀងធ្លាក់ខ្លាំងបណ្តាលឲ្យលិចផ្លូវ និងរលំ បាក់ដើមឈើនៅកន្លែងមួយចំនួន។ អាជ្ញាធរបាននិយាយថា ខ្យល់កន្ត្រាក់បានបំផ្លាញដើមឈើជាង ១ ម៉ឺនដើម និងបង្កការដាច់ចរន្តអគ្គិសនីនៅតាមផ្ទះយ៉ាងហោចណាស់ ៣៨០ គ្រួសារ ព្រមទាំងធ្វើឱ្យខូចខាតផ្ទះចំនួន ៤ ខ្នងផងដែរ។ មិនត្រឹមតែប៉ុណ្ណោះ ដីស្រែចម្ការចំនួន ៥៣ ហិកតាត្រូវបានជន់លិច។
ជាអកុសល ទីក្រុងសៀងហៃត្រូវបានវាយប្រហារដោយខ្យល់ព្យុះទីហ្វុងជាលើទី២ នៅប៉ុន្មានថ្ងៃបន្ទាប់។ កាលពីយប់ថ្ងៃព្រហស្បតិ៍ ខ្យល់ព្យុះទីហ្វុងមានឈ្មោះថា Pulasan បានបោកបក់នៅក្នុងតំបន់ Fengxian នៃទីក្រុងសៀងហៃ ជាមួយនឹងល្បឿនខ្យល់អតិបរមា ៨៣ គីឡូម៉ែត្រក្នុងមួយម៉ោង។ នៅព្រឹកថ្ងៃសុក្រនេះ ភ្លៀងនៅតែបន្តធ្លាក់ក្នុងទីក្រុងសៀងហៃដែលបណ្តាលឲ្យលិចផ្លូវសឹងតែគ្រប់ទីកន្លែង ប៉ុន្តែវាមិនបង្កការការខូចខាតធ្ងន់ធ្ងរ ឬមានជនរងគ្រោះច្រើននោះទេ។ យោងតាមប្រភពដដែល បានឲ្យដឹងថា ខ្យល់ព្យុះ Bebinca បានបង្កឲ្យបាក់រលំដើមឈើជាង ១ ៨០០ ដើមនិងផ្តាច់ចរន្តអគ្គិសនីប្រើប្រាស់ដល់គ្រួសារជាង ៣ ម៉ឺន។ បន្ថែមពីនេះ រថយន្តជាច្រើនគ្រឿងត្រូវបានខូចខាត ដោយសារការលិចទឹក និងការបាក់រលំដើមឈើ។ មិនត្រឹមតែប៉ុណ្ណោះ ខ្យល់ព្យុះក៏បានរំខានដល់សេដ្ឋកិច្ចក្នុងអំឡុងពេលមានពិធីបុណ្យពាក់កណ្តាលរដូវស្លឹកឈើជ្រុះរយៈពេលបីថ្ងៃរបស់ចិនផងដែរ។ អាជ្ញាធរចិនរំពឹងថា នឹងមានការកើនឡើងយ៉ាងខ្លាំងនៃការប្រើប្រាស់ក្នុងអំឡុងពេលបុណ្យទាន ដោយសារវាជំរុញឲ្យប្រជាជានចំណាយកាន់តែច្រើន ប៉ុន្តែខ្យល់ព្យុះបានជាឧបសគ្គរារាំងដល់សេដ្ឋកិច្ច។ ក្នុងពេលឥឡូវនេះ តម្រូវការរបស់អ្នកប្រើប្រាស់កំពុងធ្លាក់ចុះជាខ្លាំង។
ទន្ទឹមនឹងនេះ អ្នកវិទ្យាសាស្ត្រនិយាយថា បម្រែបម្រួលអាកាសធាតុត្រូវបានជំរុញដោយការបញ្ចេញឧស្ម័នផ្ទះកញ្ចក់ ដែលបង្កឱ្យមានគ្រោះមហន្តរាយអាកាសធាតុកាន់តែញឹកញាប់ និងខ្លាំងឡើង។ លើសពីនេះ ការកើនឡើងកម្តៅនៅមហាសមុទ្រក្តៅដែលបង្កឡើងដោយវិបត្តិអាកាសធាតុ កំពុងនាំព្យុះឱ្យកាន់តែខ្លាំងឡើងយ៉ាងឆាប់រហ័ស។ Bebinca គឺជាព្យុះទីហ្វុងធំទី២ បន្ទាប់ពីខ្យល់ព្យុះទីហ្វុង Yagi ដែលកើតឡើងនៅក្នុងឆ្នាំនេះ។ Yagi បានសម្លាប់មនុស្ស ៤ នាក់នៅខេត្តហៃណា បន្ទាប់ពីការបាក់ដីកាលពីថ្ងៃទី ៦ ខែកញ្ញា ជាមួយនឹងល្បឿនខ្យល់អតិបរមា ២៣០ គីឡូម៉ែត្រក្នុងមួយម៉ោង ហើយវាបានឆក់យកជីវិតមនុស្សជាច្រើនរយនាក់នៅតំបន់នៃអាស៊ីអាគ្នេយ៍ផងដែរ៕
Account
Security
Favourite Content