សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖លោកបណ្ឌិត លឹម អូន អគ្គនាយកនៃធនាគារសហគ្រាសធុនតូច និងមធ្យមកម្ពុជា (SME Bank) បានឱ្យ AMS Economy ដឹងថា រហូតមកដល់ចុងខែធ្នូ ឆ្នាំ២០២៣នេះ ធនាគារ SME Bank បានផ្តល់កម្ចីក្នុងទំហំទឹកប្រាក់ ៤៨០ លានដុល្លារអាមេរិកទៅឱ្យសហគ្រាសជាង ៣ ២០០។ ការផ្តល់កម្ចីទាំងនេះកើតចេញពីយន្តការសំខាន់ៗចំនួន២រួមមាន៖ គម្រោងហិរញ្ញប្បទានដោយផ្ទាល់ និងគម្រោងសហហិរញ្ញប្បទាន។
សហគ្រាសដែលទទួលបានកម្ចី រួមមានវិស័យកែច្នៃកសិផល និងកម្មន្តសាលចំនួន ១៦២ លានដុល្លាអាមេរិក ស្មើនឹង ៤១% និងវិស័យផ្សេងទៀត ២៣២ លានដុល្លារអាមេរិក ស្មើនឹង ៥៩% ។
លោកបណ្ឌិត បានបញ្ជាក់ថា បើគិតក្នុងឆ្នាំ២០២៣ ធនាគារបានផ្តល់កម្ចីក្នុងទំហំទឹកប្រាក់ប្រម៉ាណ ៤៧ លានដុល្លារអាមេរិក ដល់ ១៨៨ សហគ្រាស ក្នងនោះមានវិស័យកែច្នៃកសិផល និងកម្មន្តសាលចំនួន ២២ លានដុល្លាអាមេរិក ស្មើនឹង ៤៦% និង វិស័យផ្សេងទៀត ២៥ លានដុល្លារអាមេរិក ស្មើនឹង ៥៤%។
គួរជម្រាបថា គម្រោងហិរញ្ញប្បទានសហគ្រាសធុនតូច និងមធ្យម ត្រូវបានអភិវឌ្ឍន៍ឡើងក្នុងគោលបំណងផ្តល់ការគាំទ្រដល់ម្ចាស់សហគ្រាសធុនតូច និងមធ្យមទូទៅនៅក្នុងព្រះរាជាណាចក្រកម្ពុជា តាមរយៈគម្រោងហិរញ្ញប្បទានដែលមានលក្ខខណ្ឌអនុគ្រោះ និងអត្រាការប្រាក់់ទាប។ សហគ្រិនទូទៅអាចប្រើប្រាស់គម្រោងហិរញ្ញប្បទានដើម្បីយកទៅពង្រីកអាជីវកម្ម ឬដំណើរការអាជីវកម្មថ្មី។
សហគ្រាសធុនតូច និងមធ្យម ដែលស្ថិតនៅក្នុងប្រទេសកម្ពុជា ដែលមានម្ចាស់ភាគហ៊ុនជាជនជាតិខ្មែរយ៉ាងហោច ៥១%,សហគ្រាសធុនតូច និងមធ្យម ស្ថិតក្នុងវិស័យអាទិភាព និងបានចុះបញ្ជីអាជីវកម្ម ត្រូវបានលើកទឹកចិត្ត។
អាជីវកម្មទាំងឡាយដែលស្ថិតនៅក្នុងវិស័យអាទិភាពមានដូចជា ៖ ផលិតកម្ម និងការកែច្នៃចំណីអាហារ,សហគ្រាសដែលស្ថិតនៅក្នុងតំបន់ប្រមូលផ្តុំដោយសហគ្រាសធុនតូច និងមធ្យម និងសហគ្រាសដែលអភិវឌ្ឍតំបន់នេះ,កម្មន្តសាលដែលផលិតទំនិញប្រើប្រាស់ប្រចាំថ្ងៃ,កម្មន្តសាលដែលផលិតគ្រឿងបង្គំ ឬ គ្រឿងបន្លាស់ដើម្បីផ្គត់ផ្គង់ឲ្យកម្មន្តសាលដទៃទៀត,កម្មន្តសាលដែលផលិតឧបករណ៍វេជ្ជសាស្ត្រ និងឱសថ,កម្មន្តសាលដែលផលិតទំនិញបម្រើឲ្យវិស័យទេសចេរណ៍,អាជីវកម្មលើការស្រាវជ្រាវ និងអភិវឌ្ឍបច្ចេកវិទ្យាព័ត៌មានដែលមានលក្ខណៈនវានុវត្តន៍ និងអាជីវកម្មទាំងឡាយដែលគាំទ្រវិស័យអាទិភាព។
ចំណែកគម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម នៅក្នុងជំហានទី២ (“SCFS-II”) ជាគម្រោងដែលមានលក្ខណៈ ប្រហាក់ប្រហែលទៅនឹងគម្រោងសហហិរញ្ញប្បទាន ជំហានទី១ ដែរ តែគម្រោងទី២ នេះត្រូវបានកែសម្រួលឲ្យមានលខ្ខខណ្ឌប្រសើរជាងមុន ស្របតាមគោលដៅរបស់រាជរដ្ធាភិបាល ដើម្បីជួយសម្រួលដល់ការផ្តល់សេវាហិរញ្ញវត្ថុជូនដល់សហគ្រាសដែលចុះបញ្ជី និងមិនចុះបញ្ជី យ៉ាងមានប្រសិទ្ធភាព និងស្ថេរភាព ដើម្បីគាំទ្រដល់សហគ្រាសធុនតូច និងមធ្យមក្នុងស្រុកក្នុងគោលបំណងដើម្បីជំរុញការធ្វើពិពិធកម្មសេដ្ឋកិច្ច និងបង្កើនការនាំចេញ។
អាជីកម្មទាំងឡាយដែលស្ថិតនៅក្នុងវិស័យអាទិភាពរួមមាន ៖ ផលិតកម្ម និងការកែច្នៃចំណីអាហារ,សហគ្រាសដែលស្ថិតនៅក្នុងតំបន់ប្រមូលផ្តុំដោយសហគ្រាសធុនតូច និងមធ្យម និងសហគ្រាសដែលអភិវឌ្ឍតំបន់នេះ,កម្មន្តសាលដែលផលិត ទំនិញប្រើប្រាស់ប្រចាំថ្ងៃ,កម្មន្តសាលដែលផលិតគ្រឿងបង្គំ ឬ គ្រឿងបន្លាស់ដើម្បីផ្គត់ផ្គង់ឲ្យកម្មន្តសាលដទៃទៀត,កម្មន្តសាលដែលផលិតឧបករណ៍វេជ្ជសាស្ត្រ និងឱសថ,កម្មន្តសាលដែលផលិតទំនិញបម្រើឲ្យវិស័យទេសចេរណ៍,អាជីវកម្មលើការស្រាវជ្រាវ និងអភិវឌ្ឍបច្ចេកវិទ្យាព័ត៌មានដែលមានលក្ខណៈនវានុវត្តន៍ និងអាជីវកម្មទាំងឡាយដែលគាំទ្រវិស័យអទិភាព។គម្រោងសហហិរញ្ញប្បទាននេះក៏គាំទ្រផងដែរ ទៅកាន់វិស័យធម្មតាដូចជាការលក់ដុំ លក់រាយនិងសេវាកម្មផងដែរ៕
Account
Security
Favourite Content