សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី CBS News បានបង្ហាញថា ភាគច្រើន តម្លៃមាសឡើងថ្លៃក្នុងកំឡុងពេលកើតមានវិបត្តិអតិផរណាខ្ពស់ ដែលធ្វើឲ្យអ្នកវិនិយោគ ឬអ្នកទិញចាត់ទុកវាជាទ្រព្យសម្បត្តិដែលមានសុវត្ថិភាពដើម្បីទុកវិនិយោគ និងការពារហិរញ្ញវត្ថុរបស់ពួកគេ។
ជាមួយនឹងលក្ខខណ្ឌម៉ាក្រូសេដ្ឋកិច្ច និងការប្រែប្រួលទីផ្សារ មាស គឺជាទំនិញដែលត្រូវបានគេចាប់អារម្មណ៍ជាងគេ។
លោក Steve Azoury នាយកប្រតិបត្តិក្រុមហ៊ុន Azoury Financial នៅ Troy បានលើកឡើងថា មាសទទួលបានការចាប់អារម្មណ៍ពីមនុស្ស ដោយសារតម្លៃឡើងចុះរបស់វា ហើយតម្លៃមាសត្រូវបានជំរុញដោយកត្តាមួយចំនួន។
កត្តាទី១ អតិផរណា គឺជាកត្តាចម្បងដែលជំរុញតម្លៃមាស ដោយសារអត្រាអតិផរណាបង្កើនចំណាប់អារម្មណ៍របស់វិនិយោគិនក្នុងការទិញ។ ដូច្នេះ ការផ្គត់ផ្គង់ និងតម្រូវការបានធ្វើឱ្យតម្លៃកើនឡើង។ នៅពេលដែលអតិផរណាឡើងខ្ពស់ ប្រាក់ដុល្លារអាមេរិកធ្លាក់តម្លៃ ហើយការផ្លាស់ប្តូរតិចតួចមានផលប៉ះពាល់យ៉ាងសំខាន់ទៅលើការជួញដូរប្រាក់ដុល្លារសម្រាប់ទំនិញ និងសេវាកម្ម។ មាស មានទំនាក់ទំនងជិតស្និទ្ធជាមួយអតិផរណាពេលតម្លៃកើនឡើង ហើយតម្លៃនៃមាសក៏មាននិន្នាការកើនឡើងផងដែរ។ ដូចនេះ វិនិយោគិនតែងតែសម្លឹងមើលទៅមាសជាមធ្យោបាយមួយដើម្បីការពារតម្លៃនៃផលប័ត្ររបស់ពួកគេក្នុងអំឡុងពេលអតិផរណា។
កត្តាទី២ ដែលប៉ះពាល់ដល់តម្លៃមាស គឺអត្រាការប្រាក់ ដោយសារការកើនឡើងអត្រាការប្រាក់ជាធម្មតាជំរុញឱ្យតម្លៃមាសធ្លាក់ចុះ ហើយការថយចុះអត្រាការប្រាក់នឹងធ្វើឱ្យតម្លៃមាសកើនឡើង។ ដូចនេះ នៅពេលដែលអត្រាការប្រាក់ខ្ពស់ក្នុងរយៈពេលវែង តម្លៃមាសកាន់តែធ្លាក់ចុះ។ យ៉ាងណាមិញ នៅពេលដែលអត្រាការប្រាក់រយៈពេលវែងធ្លាក់ចុះ មូលបត្របំណុល និងរតនាគារមាននិន្នាការបាត់បង់សន្ទុះរបស់ពួកគេ ដែលនាំឱ្យមាសតម្រូវការមាសកាន់តែខ្ពស់។
កត្តាទី៣ ដែលជំរុញចលនាតម្លៃមាសគឺភាពមិនច្បាស់លាស់នៅក្នុងទីផ្សារ។ អ្នកខ្លះយល់ថា តម្លៃមាសអាចការពារសេដ្ឋកិច្ចក្នុងពេលមានការធ្លាក់ចុះ ពីព្រោះមាសទាក់ទាញមនុស្សជាច្រើននៅពេលដែលសេដ្ឋកិច្ចកំពុងជួបការលំបាក។ ដូច្នោះហើយ មាសគឺជាទ្រព្យសម្បត្តិដែលមានសុវត្ថិភាព ពីព្រោះនៅពេលដែលទីផ្សារ និងស្ថានភាពសេដ្ឋកិច្ចមានការលំបាក អ្នកវិនិយោគនឹងទំនោរទៅរកមាសសម្រាប់វិនិយោគ ដែលបណ្តាលឱ្យតម្លៃរបស់វាឡើងថ្លៃ៕
Account
Security
Favourite Content