សហគ្រិនស្ត្រីមានការកើនឡើងជាលំដាប់ ខណៈការស្វែងរកកម្ចីឥណទាននៅតែជាបញ្ហា

គិតមកទល់ពេលបច្ចុប្បន្ន សហគ្រិនស្ត្រីមានការកើនឡើងគួរឲ្យកត់សម្គាល់ ដោយគេសង្កេត​ឃើញថាស្រ្តីក្នុងវ័យ ២០ ទៅ ៣០ ឆ្នាំ (Gen Y & Z ) ហ៊ាន​ចាប់ផ្តើម​អាជីវកម្មថ្មីៗ និងហ៊ានក្នុង​ការចូលរួមដឹកនាំ ក៏ដូចជាហ៊ានធ្វើជាអ្នកសម្រេចចិត្តក្នុងក្រុមហ៊ុន។ ប៉ុន្តែបើទោះបីជាអាជីវកម្មថ្មីៗដែលមានស្ត្រីជាអ្នកកាន់កាប់ច្រើនក៏ដោយ ភាគច្រើនគឺជាប្រភេទអាជីវកម្មខ្នាតតូច (Micro SME) ដែលទាមទារឱ្យពួកគេមានការយកចិត្តទុកដាក់ក្នុងការអភិវឌ្ឍសមត្ថភាពរបស់ខ្លួនបន្ថែមទៀត។

លោកស្រី យូ បូរី អនុប្រធានសមាគមសហគ្រិនវ័យក្មេងកម្ពុជាបានឱ្យដឹងថា ទោះបីជាមានការកើនឡើងនូវចំនួនសហគ្រិនជាស្ត្រី ប៉ុន្តែបញ្ហាចម្បងដែលពួកគេជួបប្រទះគឺ ការមិនទទួលបានកម្ចីពីធនាគារ។

លោកស្រីបន្តរៀបរាប់ថា ៖ សហគ្រិនស្ត្រីភាគច្រើនមានការប្រឈមមុខខ្លាំងទៅនឹង​លក្ខខណ្ឌកម្ចី​ពីធនាគារ ស្ថាប័នហិរញ្ញ​វត្ថុផ្សេងៗ ដោយសារតម្រូវការលក្ខខណ្ឌអនុលោមភាគច្រើនដែល​សហ​គ្រិន​ស្រ្តី​មិនមានលទ្ធភាព​នឹងបំពេញបាន ដូចជា ខ្វះខាតទ្រព្យដាក់បញ្ចាំ លិខិតបញ្ជាក់​អាជីវកម្ម និងមានការទាមទារលើបញ្ជីចំណូលចំណាយជាដើម។

លោកស្រីបន្តសង្កត់ធ្ងន់ថា បច្ចុប្បន្នការផ្ដល់លក្ខខណ្ឌកម្ចីលើកលែងផ្សេងៗសម្រាប់សហគ្រិនស្រ្តី នៅមានកម្រិតនៅឡើយ។ ជាក់ស្ដែង ស្ត្រីនៅលីវ ឬស្ត្រីដែលលែងលះ មិនអាចឈរឈ្មោះម្នាក់​ឯងខ្ចីឥណទាន បើ​ទោះបីជាពួកគេមានអាជីព​ ឬអាជីវកម្មក៏ដោយ។

ដោយឡែក បច្ចុប្បន្ននេះ សហគ្រិនស្ត្រីដែលប្រើប្រាស់ឈ្មោះរបស់ខ្លួនក្នុងការយកកម្ចីគឺមានតិចតួច (ត្រឹមតែ ២០%) ដោយភាគច្រើនត្រូវបង្ខំចិត្តប្រើប្រាស់កម្ចីក្រៅផ្លូវការដើម្បីដំណើរអាជីវកម្មរបស់​ខ្លួន។ នេះបើតាមការឱ្យដឹងបន្ថែមពីលោកស្រី យូ បូរី។

យ៉ាងណាក៏ដោយ ការមិនទទួលបានកម្ចីអាជីវកម្មពីធនាគារនេះក៏មានចំណែកចេញពីសហគ្រិនដែរ ដែលពួកគេភាគច្រើនមិនទាន់បានយល់ដឹងច្បាស់អំពីការប្រើប្រាស់ទុន ការរៀបចំឯកសារ និងកង្វះការបង្ហាញផ្លូវជាដើម។ ដូច្នេះហើយ សហគ្រិនខ្លួនឯងក៏ត្រូវតែមានការខិតខំប្រឹងប្រែងបន្តទៀតដែរ។

យោងតាមរបាយការណ៍ស្រាវជ្រាវអំពី «តួនាទីរបស់សហគ្រាសធុនតូច និងមធ្យមក្នុងសេដ្ឋកិច្ច​ឌីជីថល​កម្ពុជា» បានឱ្យដឹងថា​ សហគ្រាសធុនតូច និងមធ្យមតំណាងឱ្យអាជីវកម្មប្រហែល ៩០% និងការងារជាង ៥០% នៅទូទាំងពិភពលោក។ ក្នុងនោះ សហគ្រាសធុនតូច និងមធ្យមដែលចុះ​បញ្ជីផ្លូវ​ការ បានរួមចំណែកដល់ ៤០% នៃចំណូលជាតិ (GDP) នៅក្នុងប្រទេសកំពុងអភិវឌ្ឍន៍។

តាមការប៉ាន់ស្មាននៅក្នុងរបាយការណ៍ខាងលើ ពិភពលោកនឹងត្រូវការការងារចំនួន ៦០០ លានកន្លែងបន្ថែមទៀតនៅឆ្នាំ២០៣០ ដើម្បី​ស្រូបយកកម្លាំងពលកម្មពិភពលោកដែលកំពុង​កើនឡើងជាលំដាប់​។ ដូច្នេះហើយ ការអភិវឌ្ឍ​សហគ្រាសធុនតូច និងមធ្យមនឹង​ក្លាយជា​អាទិភាពខ្ពស់សម្រាប់រដ្ឋាភិបាលជា​ច្រើននៅជុំវិញ​ពិភពលោក។ ទោះបីយ៉ាងណា លទ្ធភាពទទួលបានហិរញ្ញប្បទានគឺជាឧបសគ្គចំពោះការរីកចម្រើន​របស់​សហគ្រាស​ធុនតូច និងមធ្យម (SME)៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»