សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ័៍ថា ប្រាក់អឺរ៉ូបានធ្លាក់ចុះដល់កម្រិតខ្សោយបំផុតធៀបនឹងប្រាក់ដុល្លារអាមេរិកក្នុងរយៈពេលជាងពីរឆ្នាំចុងក្រោយនេះ ខណៈដែលសេដ្ឋកិច្ចធំបំផុតរបស់អឺរ៉ុបក៏កំពុងធ្លាក់ចុះ និងមានវិបត្តិថាមពលទូទាំងតំបន់។
ថ្មីៗនេះ តម្លៃប្រាក់អឺរ៉ូបានធ្លាក់ចុះ ០,៤ ភាគរយធៀបនឹងប្រាក់ដុល្លារអាម៉េររិក ដោយ ១,០៣ អឺរ៉ូស្មើរនឹង ១ ដុល្លារអាម៉េរិក។ ការធ្លាក់ចុះនេះជាកម្រិតទាបបំផុតបើគិតចាប់តាំងពីខែវិច្ឆិកា ឆ្នាំ២០២២ ដែលជាអំឡុងពេលសហភាពអឺរ៉ុបខ្វះខាតឧស្ម័នក្នុងរដូវរងារបន្ទាប់ពីតំបន់នេះបានរារាំងឥន្ធនៈហ្វូស៊ីលរបស់រុស្ស៊ី។ មិនត្រឹមតែប៉ុណ្ណោះ ការដាក់ទណ្ឌកម្មនេះបានប៉ះពាល់ដល់សេដ្ឋកិច្ចអាល្លឺម៉ង់ ដែលជាសេដ្ឋកិច្ចធំបំផុតរបស់សហភាពអឺរ៉ុប។ ក្នុងនាមជាឧស្សាហកម្មដ៏ខ្លាំងមួយរបស់អឺរ៉ុប អាល្លឺម៉ង់បានតស៊ូជាមួយនឹងការឡើងថ្លៃតម្លៃថាមពលចាប់តាំងពីខ្លួនបានចៀសឆ្ងាយពីប្រេង និងឧស្ម័នរបស់រុស្ស៊ី។ លើសពីនេះ សេដ្ឋកិច្ចអាល្លឺម៉ង់បានបន្តធ្លាក់ចុះដល់ឆ្នាំ២០២៣ និងឆ្នាំ២០២៤ ខណៈពេលដែលធនាគារកណ្តាលរបស់ប្រទេសបានព្យាករណ៍ពីកំណើនតិចតួច ០,២ ប៉ុណ្ណោះសម្រាប់ឆ្នាំ២០២៥។ មិនត្រឹមតែប៉ុណ្ណោះ ក្រុមហ៊ុនអាល្លឺម៉ង់ដែលឈានមុខគេ ដូចជា Volkswagen និង Bosch បានប្រកាសកាត់បន្ថយបុគ្គលិកកាលពីឆ្នាំ២០២៤។
ទន្ទឹមនឹងនេះ អស្ថិរភាពនយោបាយក៏បានធ្វើឱ្យប្រាក់អឺរ៉ូធ្លាក់ចុះកាន់តែធ្ងន់ធ្ងរផងដែរ ដោយរដ្ឋាភិបាលនៃប្រទេសអាល្លឺម៉ង់ និងបារាំងបានដួលរលំកាលពីចុងឆ្នាំំ២០២៤។ លើសពីនេះ សហភាពអឺរ៉ុបទាំងមូលកំពូងព្រួយបារម្ភពីពន្ធគយរបស់ប្រធានាធិបតីជាប់ឆ្នោតអាម៉េរិក លោក Donald Trump ។
កាលពីឆ្នាំ២០២៤ ធនាគារកណ្តាលអ៊ឺរ៉ុបបានកាត់បន្ថយអត្រាការប្រាក់ ៤ ដង ហើយគេបានព្យាករណ៍ថា ប្លុកនេះនឹងប្រកាសពីការកាត់បន្ថយបន្ថែមទៀតនៅឆ្នាំ២០២៥ ។ ប្រសិនបើ Donald Trump ពិតជាដំឡើងពន្ធលើការនាំចូលមែននោះ ការធ្លាក់ចុះសេដ្ឋកិច្ចនៅសហភាពអឺរ៉ុបនឹងកាន់តែធ្ងន់ធ្ងរ ហើយប្រាក់អឺរ៉ូចុះខ្សោយនឹងកាន់តែចុះខ្សោយ។ អឺរ៉ុបគឺជាតំបន់មួយដែលងាយរងគ្រោះបំផុតពីការគំរាមកំហែងរបស់ Trump ក្នុងការបង្កើនពន្ធលើការនាំចូលមកកាន់សហរដ្ឋអាមេរិក។ សហរដ្ឋអាមេរិកគឺជាអ្នកទិញដ៏ធំនៃការនាំចេញរបស់សហភាពអឺរ៉ុបរួមមាន រថយន្ត សារធាតុគីមី និងកាបូបប្រណីត ហើយការដំឡើងពន្ធនឹងបន្ថែមសម្ពាធលើសេដ្ឋកិច្ចដែលកំពុងចុះខ្សោយ។
មិនត្រឹមតែប៉ុណ្ណោះ ការចុះខ្សោយរបស់ប្រាក់អឺរ៉ូក៏ទាក់ទងទៅនឹងភាពរឹងមាំ និងការប្រើប្រាស់យ៉ាងទូលំទូលាយនៃប្រាក់ដុល្លារអាម៉េរិកផងដែរ។ តម្រូវការទ្រព្យសកម្មជារូបិយប័ណ្ណរបស់សហរដ្ឋអាម៉េរិកកំពុងកើនឡើងដោយសារមនុស្សជាច្រើនយល់ឃើញថា គោលនយោបាយរបស់ Trump នឹងជំរុញកំណើនសេដ្ឋកិច្ច និងបង្កើនប្រាក់ចំណេញសាជីវកម្មនៅក្នុងសហរដ្ឋអាម៉េរិក។ ជាលទ្ធផល និន្នាការនេះបានជះឥទ្ធិពលដល់រូបិយប័ណ្ណសកលភាគច្រើនដែលមានដំណើរការទាក់ទងគ្នាជាមួយនឹងទ្រព្យសកម្មរបស់អាមេរិក។ លើសពីនេះ ការធ្លាក់ចុះសេដ្ឋកិច្ចនៃប្រទេសមួយរបស់សហភាពអឺរ៉ុបជំរុញឲ្យមានការចុះខ្សោយនៃប្រាក់អឺរ៉ូទូទាំងប្លុក ដោយសារជាង ២០ ប្រទេសកំពុងប្រើប្រាសល់រូបិយប័ណ្ណអឺរ៉ូតែមួយ។
អ្នកវិភាគជឿថា បញ្ហារួមបញ្ចូលគ្នាទាំងនេះបាននាំឱ្យប្រាក់អឺរ៉ូអាចធ្លាក់ចុះមកស្មើជាមួយនឹងប្រាក់ដុល្លារនៅឆ្នាំ២០២៥ នេះ។ បន្ទាប់ពីជម្លោះអ៊ុយក្រែនបានកើតឡើងភ្លាមៗនៅឆ្នាំ ២០២២ វាគឺជាកំណត់ត្រាចុងក្រោយដែលប្រាក់អឺរ៉ូធ្លាក់ចុះមកមានតម្លៃស្មើរនឹងប្រាក់ដុល្លារអាម៉េរិក៕
Account
Security
Favourite Content