សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ ការទិញផ្ទះដោយបង់រំលស់ កំពុងធ្វើឱ្យអតិថិជនមួយចំនួនប្រឈមនឹងបញ្ហាដោយសារតែចំណូលនៅបន្តប៉ះពាល់ធ្វើឱ្យការបង់រំលស់ប្រចាំខែទៅកាន់ម្ចាស់គម្រោង ឬអ្នកអភិវឌ្ឍន៍មិនទាន់ពេលវេលា ដែលត្រូវទទួលការផាកពិន័យ ឬរហូតដល់ដំណាក់កាលធ្ងន់ធ្ងរដោយសារអ្នកអភិវឌ្ឍន៍យកផ្ទះត្រលប់ទៅវិញ។ ទាំងអស់នេះជាមេរៀនមួយសម្រាប់អ្នកមានបំណងទិញផ្ទះដោយបង់រំលស់ ត្រូវបង្កើនការប្រុងប្រយ័ត្នឱ្យបានកាន់តែខ្ពស់ជាងមុន។
ការទិញផ្ទះដោយបង់រំលស់កាលពីប៉ុន្មានឆ្នាំមុននេះ ក៏ដូចជាបច្ចុប្បន្ននេះ នៅតែមានការពេញនិយម ព្រោះទោះជាមួយលុយមិនគ្រប់គ្រាន់ក៏អាចទិញផ្ទះថ្មីបានដែរ ប៉ុន្តែមានអ្នកខ្លះបានគិតគូរច្បាស់លាស់ពីចំណូល និងចំណាយប្រចាំខែ ដោយឡែក អ្នកខ្លះទៀត មិនបានគិតគូរពីបញ្ហាចំណូល និងចំណាយរបស់ខ្លួនច្បាស់លាស់នោះទេ រហូតធ្វើឱ្យជួបប្រទះនឹងបញ្ហាក្រោយពេលទិញផ្ទះបានមួយរយៈ ជាពិសេសក្រោយពេលដែលមានការប្រែប្រួលនៃសេដ្ឋកិច្ចជាដើម។
កាលពីពេលកន្លងទៅថ្មីៗនេះ អ្នកជំនាញហិរញ្ញវត្ថុ លោក ង៉ែត ជូ ធ្លាប់បានលើកឡើងពីការទិញផ្ទះដោយបង់រំលស់ ដោយត្រូវគិតគូរម៉ត់ចត់ចំពោះចំណូល និងចំណាយដោយមិនត្រូវទិញផ្ទះដោយបង់រំសល់លើសពី៣០ភាគរយនៃចំណូលប្រចាំខែនោះឡើយ។ ឧទាហរណ៍ថា ពីរនាក់ប្តីប្រពន្ធមានចំណូល ១០០០ដុល្លារ ត្រូវលៃលកយ៉ាងណារកទិញផ្ទះណាដែលត្រូវបង់ត្រឹម៣០០ដុល្លារអាមេរិកយ៉ាងច្រើនទើបមិនមានហានិភ័យ។ ទោះយ៉ាងណាក្ដី បើក្រលេកមកមើលពលរដ្ឋមួយចំនួនដែលជាអតិថិជនទិញផ្ទះដោយបង់រំលស់វិញ មានអ្នកខ្លះបានទិញផ្ទះដោយការបង់រំលស់លើសពីក៣០ភាគរយ ខ្លះរហូតដល់៥០ភាគរយ ហើយខ្លះទៀតមានរហូតដល់៧០ភាគរយនៃចំណូលរបស់ខ្លួន។ ទាំងនេះគឺជាហានិភ័យខ្ពស់ចំពោះហិរញ្ញវត្ថុរបស់ពួកគេនៅពេលមានការប្រែប្រួលនៃកត្តាសេដ្ឋកិច្ច ។
ជាមួយគ្នានេះដែរ មានអ្នកជំនាញអចលនទ្រព្យជាច្រើនបានរំលឹកចំពោះការទិញផ្ទះដោយបង់រំលស់ដែរថា ក្នុងស្ថានភាពនេះ ការទិញផ្ទះដោយការបង់រំលស់ក្នុងគោលបំណងវិនិយោគយកចំណេញ វាមិនសូវជាល្អប៉ុន្មាននោះទេ ព្រោះក្នុងដំណាក់កាលនេះគឺជាដំណាក់កាលមួយដែលមានអ្នកលក់ច្រើនជាងអ្នកទិញ ដូច្នេះហើយការទិញដើម្បីវិនិយោគគឺមានហានិភ័យខ្ពស់ ជាពិសេសនោះគឺអ្នកមានចំណូលទាប និងមធ្យម៕
Account
Security
Favourite Content