សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទោះបីស្ថិតក្នុងលក្ខខណ្ឌមិនបញ្ចេញអត្តសញ្ញាណក្តី ប៉ុន្តែកាសែត The Wall Street Journal (WSJ) កាលពីដើមសប្តាហ៍កន្លងមកនេះហ៊ានអះអាងថា ប្រភពដែលបានទទួលគឺអាចទុកចិត្តបានថា ខណៈដែលរដ្ឋាភិបាលនៃប្រទេសចិន និងប្រទេសគុយបាពិតជាកំពុងរៀបចំផែនការក្នុងការសាងសង់មូលដ្ឋានហ្វឹកហាត់ទ័ពនៅលើប្រទេសដែនកោះមួយនេះពិតមែន។
ដំណឹងនេះចាត់ទុកថាជាគឺជាផែនការដែលមានភាពគំរាមកំហែងយ៉ាងខ្លាំងទៅដល់ប្រទេសអាមេរិកដែលជាប្រទេសមានព្រំដែនទឹកជិតគ្នាបំផុតប្រមាណត្រឹមតែ៩០ម៉ាល ឬត្រូវជា១៤៤គីឡូម៉ែត្រប៉ុណ្ណោះពីគុយបា ហើយមានន័យថាការសាងសង់មូលដ្ឋានហ្វឹកហាត់របស់ចិននៅគុយបានឹងអាចអនុញ្ញាតឲ្យមានវត្តមានយោធារបស់រដ្ឋាភិបាលប៉េកាំងស្ថិតនៅជិតដែនទឹករបស់សហរដ្ឋអាមេរិកបំផុត។
ប្រភពដដែលបានរាយការណ៍ទៀតថា ទោះបីជាដំណើរការចរចាគ្នារវាងរដ្ឋាភិបាលក្រុងប៉េកាំង និងហាវ៉ាណាឈានចូលមកដល់ដំណាក់កាលចុងក្រោយក្តី ប៉ុន្តែនៅមិនទាន់មានការសម្រេចចិត្តជាផ្លូវការនៅឡើយ ហើយកន្លងមកក្រុមមន្ត្រីរបស់រដ្ឋាភិបាលរបស់លោកប្រធានាធិបតីអាមេរិក Joe Biden ក៏បានព្យាយាមក្នុងការបញ្ចុះបញ្ចូលរដ្ឋាភិបាលគុយបាក្នុងការបដិសេធមិនទទួលយកកុងត្រាណាមួយជាមួយនឹងចិនចំពោះបញ្ហានេះជាដាច់ខាត។
របាយការណ៍ចេញផ្សាយចុងក្រោយដោយ WSJ បានធ្វើឡើងនៅក្រោយពេលមួយថ្ងៃប៉ុណ្ណោះបន្ទាប់ពីដំណើរទស្សនកិច្ចរយៈពេល២ថ្ងៃដោយរដ្ឋមន្ត្រីការបរទេសរបស់សហរដ្ឋអាមេរិក លោក Antony Blinken នារដ្ឋធានីប៉េកាំង ដែលក្នុងនោះមន្ត្រីជាន់ខ្ពស់រូបនេះក៏បានជួបជាមួយនឹងប្រធានាធិបចិន លោក Xi Jinping ផងដែរ។
កិច្ចជំនួបកម្រិតកំពូលរវាងចិន និងអាមេរិកនាពេលនេះ គឺជាកិច្ចជំនួបលើកដំបូងបន្ទាប់ពីភាពតានតឹងរវាងរដ្ឋាភិបាលមហាយក្សទាំងពីរនាឆ្នាំ២០១៨នៅពេលដែលជម្លោះពាណិជ្ជកម្មបានកើតឡើង។ ជាលទ្ធផលនៃកិច្ចប្រជុំភាគីទាំងពីរបានលើកសរសើរអំពីដំណើរការដ៏ល្អប្រសើរឡើងវិញនៃទំនាក់ទំនងចិន និងអាមេរិក ព្រមទាំងបានសន្យានឹងរៀបចំជំនួបដោយផ្ទាល់មួយទៀតរវាងមេដឹកនាំកំពូលរបស់អាមេរិក និងចិនក្នុងឆ្នាំនេះផងដែរ៕
Account
Security
Favourite Content