សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា សហជីពរបសក្រុមហ៊ុនអេឡិចត្រូនិកធំជាងគេនៅប្រទេសកូរ៉េខាងត្បូង Samsung បានប្រកាសធ្វើកូដកម្មមិនកំណត់រយៈពេលបន្ទាប់ពីបរាជ័យក្នុងការដោះស្រាយជម្លោះដ៏ចម្រូងចម្រាសរវាងកម្មករ និងក្រុមហ៊ុនបច្ចេកវិទ្យាយក្សមួយនេះជុំវិញប្រាក់ឈ្នួល ប្រាក់រង្វាន់ និងថ្ងៃឈប់សម្រាកប្រចាំឆ្នាំ។
ការធ្វើកូដកម្មបានកើតឡើងនៅដើមសប្តាហ៍នេះ ពាក់ព័ន្ធនឹងកម្មករចំនួន ៦ ០០០ នាក់ ដែលភាគច្រើនមកពីផ្នែក semiconductor របស់ក្រុមហ៊ុន។ សហជីពប្រចាំក្រុមហ៊ុនអេឡិចត្រូនិច Samsung (NSEU) បាននិយាយថា សមាជិកចំនួន ៣១ ០០០ នាក់របស់ខ្លួន តំណាងឱ្យជិតមួយភាគបួននៃកម្លាំងការងារសរុបរបស់ក្រុមហ៊ុននៅក្នុងប្រទេស នឹងចាប់ផ្តើមកូដកម្មមិនកំណត់ចាប់ពីថ្ងៃទី ១០ ខែកក្កដា ដែលជាសកម្មភាពដ៏ធំបំផុតនៅក្នុងប្រវត្តិសាស្ត្រ ៥៥ ឆ្នាំរបស់ក្រុមហ៊ុនយក្សមួយនេះ។ សហជីពបានលើកឡើងនៅក្នុងបង្ហោះលើគេហទំព័រផ្លូវការរបស់ខ្លួនថា ក្រុមហ៊ុននឹងសោកស្តាយចំពោះការគេចវេសពីតុចរចា។ NSEU បាននិយាយថា ប្រសិនបើការធ្វើកូដកម្មប្រើរយៈពេលយូរជាងនេះ ខាងគណៈគ្រប់គ្រងអាចនឹងប្តូរចិត្តធ្វើកិច្ចចរចារជាមួយ NSEU។
នៅថ្ងៃពុធនេះផងដែរ ក្រុមហ៊ុន Samsung Electronics បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុននៅតែប្តេជ្ញាចិត្តក្នុងការចូលរួមក្នុងការចរចាដោយស្មោះត្រង់ជាមួយសហជីព ដោយធានាថានឹងមិនមានការរំខានណាមួយកើតឡើងនៅក្នុងខ្សែផលិតកម្មនោះទេ។ ទោះយ៉ាងណាក្តី លោក Son Woomok មេដឹកនាំសហជីព និយាយថា វានឹងចំណាយពេលយូរដើម្បីស្តារផ្នែកមួយចំនួនដែលត្រូវបានបិទ ដោយសារតែការធ្វើកូដកម្ម។ គួរឲ្យបញ្ជាក់ដែរថា ជម្លោះនេះបានកើតឡើងក្នុងខែមិថុនា បន្ទាប់ពីការចរចារទទួលបរាជ័យជុំវិញរចនាសម្ព័ន្ធប្រាក់ខែឲ្យមានតម្លាភាពជាងមុន និងលក្ខខណ្ឌការងារល្អប្រសើរជាងមុន ហើយសហជីពបានធ្វើកូដកម្មរយៈពេលមួយថ្ងៃ។
Samsung ដែលជាក្រុមហ៊ុនផលិតគ្រឿងអេឡិចត្រូនិក និងបន្ទះឈីបដ៏ធំមួយរបស់ពិភពលោកមួយនេះបានជួបផលលំបាករយះពេលពីរបីឆ្នាំ ដោយសារប្រឈមនឹងការខ្វះខាតជាប្រវត្តិសាស្ត្រនៃបន្ទះឈីបកុំព្យូទ័រក្នុងអំឡុងពេលរាតត្បាត ហើយតម្រូវការបានបន្តធ្លាក់ចុះកាលពីឆ្នាំមុន ដោយសារភាពមិនប្រាកដប្រជានៃសេដ្ឋកិច្ចពិភពលោកបានធ្វើឥ្យតម្រូវការអតិថិជនសម្រាប់គ្រឿងអេឡិចត្រូនិកចុះខ្សោយ។ យ៉ាងណាមិញ Samsung បានចាប់ផ្តើមរីកចម្រើនផ្នែក AI ដែលជំរុញឲ្យក្រុមហ៊ុននេះមានក្តីសង្ឃឹមអំពីការកើនឡើងនៃតម្រូវការទូស័ព្ទដៃក្នុងឆ្នាំនេះ ជាពិសេសជាមួយនឹងការចេញលក់ផលិតផលថ្មីៗដូចជាស្មាតហ្វូនដែលដំណើរការដោយ AI ។ កាលពីសប្តាហ៍មុន ក្រុមហ៊ុន Samsung Electronics បានប៉ាន់ប្រមាណថា ប្រាក់ចំណេញប្រតិបត្តិការនៅត្រីមាសទីពីររបស់ខ្លួននឹងកើនឡើងច្រើនជាង ១៥ ដង បើប្រៀបធៀបទៅនឹងពេលវេលាដូចគ្នាកាលពីឆ្នាំមុន។
ផ្អែកលើការរីកចម្រើននេះ និយោជិតចង់ឲ្យមានដំឡើងប្រាក់ខែសម្រាប់ពួកគេ ប៉ុន្តែក្រុមហ៊ុនមិនបានអនុវត្តឲ្យបានត្រឹមត្រូវចំពោះបុគ្គលិកនោះទេ។ លោក Son Woomok លើកឡើងថា ទោះបីជាប្រាក់ចំណេញប្រតិបត្តិការកើនឡើងដល់កម្រិតខ្ពស់ក៏ដោយ ប៉ុន្តែក្រុមហ៊ុនបែរជាលើកឡើងថា ខ្លួនស្ថិតក្នុងស្ថានភាពវិបត្តិអស់រយៈពេលជាង ១០ ឆ្នាំមកហើយ ដែលជាមូលហេតុធ្វើឲ្យបុគ្គលិកកាន់តែមិនពេញចិត្តនឹងការខ្វះខាតនៃការដំឡើងប្រាក់រង្វាន់របស់ក្រុមហ៊ុន៕
Account
Security
Favourite Content