សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងឆ្នាំ២០២២ កម្ពុជាបាននាំចេញ-នាំចូលទំនិញទៅកាន់ទីផ្សារអន្តរជាតិ ក្នុងតម្លៃទឹកប្រាក់ជាង ៥២ពាន់លានដុល្លារអាមេរិក កើនឡើង ៩.២%បើធៀបនឹងរយៈពេលដូចគ្នា កាលពីឆ្នាំ២០២១ ដែលមានតម្លៃទឹកប្រាក់សរុប ៤៨ពាន់លានដុល្លារអាមេរិក ។ នេះបើយោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា កាលពីថ្ងៃទី១០ ខែមករា ឆ្នាំ២០២៣។
ទិន្នន័យបានបញ្ជាក់ថា ពីខែមករា ដល់ខែធ្នូ ឆ្នាំ២០២២ កម្ពុជានាំចេញទំនិញក្នុងតម្លៃ ២២ ៤៨២ លានដុល្លារ កើនឡើង ១៦.៤% បើធៀបនឹងរយៈពេលដូចគ្នាកាលពីឆ្នាំ២០២១ ដែលតម្លៃ ១៩ ៣០៨ លានដុល្លារ។ ទន្ទឹមគ្នានេះ កម្ពុជាបាននាំចូលទំនិញមកវិញក្នុងតម្លៃ ២៩ ៩៤១ លានដុល្លារ កើនឡើង ៤.៣% ដែលធ្វើឱ្យទំហំពាណិជ្ជកម្មរវាងកម្ពុជា និងទីផ្សារអន្តរជាតិ ក្នុងតម្លៃ ៥២ ៤២៤លានដុល្លារ កើនឡើង ៩.២%។
សហរដ្ឋអាមេរិក គឺជាប្រទេសដែលកម្ពុជាបាននាំចេញទំនិញច្រើនជាង ដោយសម្រេចបានជាងជិត ៩ពាន់លានដុល្លារ ខណៈវៀតណាម ស្ថិតនៅលំដាប់ទី២ ដែលបានកម្ពុជាបានចេញទំនិញក្នុងតម្លៃជាង ២ពាន់លានដុល្លារ និងនាំចេញទៅចិន ក្នុងតម្លៃជាង ១២០០លានដុល្លារ រួមនឹងបណ្តាប្រទេស ដែលជាដៃគូនាំចេញទំនិញសំខាន់មួយចំនួនទៀត។
ប្រទេសដៃគូពាណិជ្ជកម្មនាំចូលសំខាន់ៗរបស់កម្ពុជា មានដូចជា៖ ប្រទេសចិន វៀតណាម ថៃ សិង្ហបុរី ស្វីស សហរដ្ឋអាមេរិក សហភាពអឺរ៉ុប វៀតណាម ជប៉ុន អាល្លឺម៉ង់ កាណាដា និងកោះតៃវ៉ាន់ ហើយទំនិញភាគច្រើនដែលកម្ពុជា នាំចូលពីប្រទេសទាំងនោះ រួមមាន វត្ថុធាតុដើមវាយនភណ្ឌកាត់ដេរ ផលិតផលត្បូងចម្រុះ និងគ្រឿងអលង្ការមានតម្លៃ ប្រេងឥន្ធនៈ សម្ភារសំណង់ គ្រឿងអេឡិចត្រូនិក យានយន្ត ឱសថ និងបរិក្ខាពេទ្យ ព្រមទាំងគ្រឿងឧបភោគបរិភោគជាដើម។
របាយការណ៍ អគ្គនាយកដ្ឋានគយ និងរដ្ឋាករកម្ពុជាបានឱ្យដឹងថា ផលិតផល ដែលនាំចេញសំខាន់ៗរបស់កម្ពុជា រួមមានសម្លៀកបំពាក់ ស្បែកជើង ផលិតផលសម្រាប់ធ្វើដំណើរ ផលិតផលកសិកម្ម ផលិតផលឧស្សាហកម្មមិនមែនកាត់ដេរ ក្នុងនោះរួមមាន បំណែកគ្រឿងអេឡិចត្រូនិក សម្ភារអគ្គិសនី គ្រឿងបង្គុំរថយន្ត កង់ គ្រឿងសង្ហារឹម និងប្រ្លាស្ទីក និងទំនិញកសិកម្មមួយចំនួន ដូចជា អង្ករ កៅស៊ូ ដំឡូងមី ចេក និងស្វាយ ជាដើម ។ ខណៈទំនិញនាំចូលសំខាន់ៗរួមមាន ប្រេង និងឧស្ម័ន វត្ថុធាតុដើមសម្រាប់កាត់ដេរ ស្បែកជើង និងផលិតផលធ្វើដំណើរ យានជំនិះ គ្រឿងចក្រ គ្រឿងអេឡិចត្រូនិក និងផលិតផលប្រើប្រាស់ផ្សេងៗ។ របាយការណ៍នៅឆ្នាំ២០២២ កម្ពុជាបាននាំចេញសម្លៀកបំពាក់ក្នុងតម្លៃជាង ៩ពាន់លានដុល្លារ ម៉ាស៊ីន និងឧបករណ៍អគ្គិសនីតម្លៃជិត ២ពាន់លានដុល្លារ កើនឡើង ៨៤.៨%, គ្រាប់ធញ្ញជាតិចំនួនជាង ១ ២០០លានដុល្លារ ថយចុះ៣.៧% និងស្បែកជើងចំនួន ១ ៧០០លានដុល្លារ កើនឡើង២៤.៨%៕
Account
Security
Favourite Content