សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចាប់តាំងពីខែមិថុនានៃប្រតិបត្តិការវាយបកទ្រង់ទ្រាយធំរបស់អ៊ុយក្រែនបានធ្វើឲ្យយោធារបស់ខ្លួនបាត់បង់ជីវិតកើនទៅដល់ជាង ៦៦ ០០០នាក់ ហើយសព្វាវុធធុនធ្ងន់ជាង ៧ ៥០០គ្រឿងត្រូវបានបំផ្លាញ។ លទ្ធផលមិនសូវល្អប្រសើរដូចការរំពឹងទុករបស់សម្ព័ន្ធមិត្តបានធ្វើឲ្យសកម្មភាពរបស់អ៊ុយក្រែនមានសភាពកាន់តែយឺតយ៉ាវ និងស្ងប់ស្ងាត់ ដោយមិនអាចដណ្តើមទីតាំងណាមួយពីប្រទេសរុស្ស៊ីវិញនោះទេ។
ក្នុងពេលដែលស្ថានភាពប្រយុទ្ធគ្នាកំពុងត្រជាក់បន្តិច រដ្ឋមន្ត្រីការបរទេសអាមេរិក លោក Antony Blinken បានធ្វើដំណើរទស្សនកិច្ចដោយមិនបានប្រកាសជាមុនទៅកាន់ប្រទេសអ៊ុយក្រែន ហើយព្រមទាំងបានសន្យាផ្តល់ជំនួយមនុស្សធម៍ និងជំនួយផ្នែកសន្តិសុខសរុបប្រមាណជា ១០ ០០លានដុល្លារផងដែរឲ្យទៅអ៊ុយក្រែន។
មួយថ្ងៃក្រោយមក ពោលគឺកាលពីថ្ងៃព្រហស្បតិ៍សប្ដាហ៍មុននេះ រដ្ឋាភិបាលរបស់លោក Joe Biden បានប្រកាសផ្តល់ជំនួយជាយោធាក្នុងទំហំប្រមាណជា ៦០០លានដុល្លារ ដែលរួមមានទាំងប្រព័ន្ធការពារដែនអាកាសគ្រាប់កាំភ្លើងធំ និងអាវុធជាច្រើនមុខផ្សេងទៀតឲ្យរដ្ឋាភិបាលទីក្រុងគៀវ។
ទោះបីជាយ៉ាងណាក្តី គេជឿជាក់ថា កញ្ចប់ជំនួយយោធាថ្មីនេះនឹងមិនត្រូវប្រើប្រាស់ចេញពីស្តុកអាវុធរបស់អាមេរិកដោយផ្ទាល់ឡើយ ពោលគឺធ្វើតាមរយៈការបញ្ជាទិញពីក្រុមហ៊ុនផលិតអន្តរជាតិ និងដៃគូរបស់ខ្លួនជាច្រើនផ្សេងទៀត។
គួរឲ្យដឹងដែរថា មកដល់ពេលនេះ រដ្ឋាភិបាលក្រុងវ៉ាស៊ិនតោនបានផ្តល់ជំនួយជាយោធាប្រមាណជា ៤៣,៧ពាន់លានដុល្លារមកហើយសម្រាប់អ៊ុយក្រែនគិតចាប់តាំងតែពីពេលដែលប្រតិបត្តិការពិសេសដោយយោធាពីសំណាក់ប្រទេសរុស្ស៊ីកាលពីថ្ងៃទី២៤ ខែកុម្ភៈ ឆ្នាំ២០២២។
អ្វីដែលគួរឲ្យព្រួយបារម្ភចំពោះកញ្ចប់យោធាថ្មីនេះនោះក៏ដោយសារតែអាមេរិក នឹងដាក់បញ្ចូលរំសេវផលិតពីសារធាតុអ៊ុយរ៉ាញ៉ូមសម្រាប់គ្រាប់កាំភ្លើងទំហំ 120mm ដែលកំពុងមានភាពចម្រូងចម្រាសយ៉ាងខ្លាំងពីសំណាក់មតិអន្តរជាតិទោះបីជាមជ្ឈមណ្ឌលការពារជំងឺឆ្លងអាមេរិក ឬ CDC ព្រមទាំងអង្គការសុខភាពពិភពលោក WHO បានអះអាងហើយថា មិនមានភស្តុតាងបញ្ជាក់ថាអាវុធនោះនឹងអាចបង្កទៅជាជំងឺមហារីកក្តី៕
Account
Security
Favourite Content