សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា អ៊ុយក្រែនបានបញ្ឈប់ការដឹកជញ្ជូនឧស្ម័នរុស្ស៊ីទៅកាន់អឺរ៉ុបតាមរយៈទឹកដីរបស់ខ្លួនបន្ទាប់ពីកិច្ចព្រមព្រៀងសំខាន់ជាមួយទីក្រុងម៉ូស្គូបានផុតកំណត់កាលពីថ្ងៃពុធកន្លងទៅនេះ។
បន្ទាប់មានសង្រ្គាមជាមួយរុស្ស៊ីជាងពីរឆ្នាំ អ៊ុយក្រែន បានបដិសេធក្នុងការបន្តកិច្ចព្រមព្រៀងឆ្លងកាត់គឺទឺកដីរបស់ខ្លួន។ ក្រសួងថាមពលរបស់អ៊ុយក្រែនបាននិយាយថា អ៊ុយក្រែនបានបញ្ចប់កិច្ចព្រមព្រៀងដឹកជញ្ជូនឧស្ម័នរុស្ស៊ីក្នុងផលប្រយោជន៍ការពារសន្តិសុខជាតិ។ ប្រធានាធិបតីអ៊ុយក្រែន លោក Volodymyr Zelensky បានចាត់ទុកការបដិសេធមិនបន្តកិច្ចព្រមព្រៀថាជាការបរាជ័យធំមួយសម្រាប់ទីក្រុងម៉ូស្គូ។ លើសពីនេះ គាត់បានសង្កត់ធ្ងន់ថា ទីក្រុងមូស្គូបង្វែរថាមពលទៅជាអាវុធ និងការគំរាមកំហែងផ្នែកថាមពលប្រឆាំងនឹងដៃគូរបស់ខ្លួន ហើយបានសម្តែងក្តីសង្ឃឹមថា សហរដ្ឋអាម៉េរិកនឹងបង្កើនការផ្គត់ផ្គង់ឧស្ម័នដល់អឺរ៉ុប។
កាលពីឆ្នាំ ២០១៩ ក្រុមហ៊ុនឧស្ម័នរបស់រស្ស៊ី Gazprom បានចុះហត្ថលេខាលើកិច្ចព្រមព្រៀងឆ្លងកាត់ទឺកដីជាមួយក្រុមហ៊ុនអ៊ុយក្រែន Naftogaz។ នៅឆ្នាំ ២០២៤ ក្រុមហ៊ុនយក្សរបស់រុស្ស៊ីមួយនេះបានរាយការណ៍ពីការខាតបង់ចំនួន ៦,៩ ពាន់លានដុល្លារជាលើកដំបូងក្នុងរយៈពេលជាង ២០ ឆ្នាំ ដោយសារការលក់ទៅកាន់អឺរ៉ុបធ្លាក់ចុះ ទោះបីជាមានកិច្ចខិតខំប្រឹងប្រែងជំរុញការនាំចេញទៅកាន់ចិនក៏ដោយ។ ការបញ្ឈប់ការដឹកជញ្ជូនឧស្ម័នរស្ស៊ីអាចធ្វើឲ្យអ៊ុយក្រែនប្រឈមនឹងការខាតបង់ប្រហែល ៨០០ លានដុល្លារក្នុងមួយឆ្នាំផងដែរសម្រាប់ថ្លៃដឹកជញ្ជូនពីរុស្ស៊ី ខណៈដែលក្រុមហ៊ុន Gazprom នឹងខាតបង់ជិត ៥ ពាន់លានដុល្លារក្នុងការលក់ឧស្ម័ន។ យ៉ាងណាមិញ ប្រទេសអឺរ៉ុបមួយចំនួនដែលបន្តទិញឧស្ម័នពីរុស្ស៊ី អាចនឹងរកផ្លូវផ្គត់ផ្គង់ផ្សេងមកជំនួស។ កិច្ចព្រមព្រៀងដែលបានបញ្ចប់មានចំណែកប្រហែល ៥ ភាគរយនៃការនាំចូលឧស្ម័នសរុបរបស់សហភាពអឺរ៉ុប ហើយបានផ្គត់ផ្គង់ជាចម្បងទៅដល់ប្រទេសអូទ្រីស ហុងគ្រី និងស្លូវ៉ាគី។ បន្ទាប់ពីផុតកំណត់នៃកិច្ចព្រមព្រៀងនេះ អឺរ៉ុបទទួលបានឧស្ម័នតាមបំពង់ពីរុស្ស៊ីតាមផ្លូវមួយទៀត Turkstream ដែលរត់កាត់តួកគីទៅកាន់ប៊ុលហ្គារី ស៊ែប៊ី និងហុងគ្រី។
យ៉ាងណាមិញ គេរំពឹងទុកស្រាប់ទៅហើយថា ការបញ្ចប់កិច្ចព្រមព្រៀងនឹងកើតឡើង ហើយវានឹងបង្កឱ្យតម្លៃឧស្ម័ន និងអគ្គិសនីឡើងថ្លៃនៅក្នុងទ្វីបអឺរ៉ុប។
នាយករដ្ឋមន្ត្រីស្លូវ៉ាគី Robert Fico លើកឡើងថា ការបញ្ឈប់លំហូរឧស្ម័នរុស្ស៊ីឆ្លងកាត់អ៊ុយក្រែននឹងមានឥទ្ធិពលយ៉ាងខ្លាំងលើសហភាពអឺរ៉ុបជាជាងរុស្ស៊ី។ មុនពេលរុស្ស៊ីឈ្លានពានលើអ៊ុយក្រែន រុស្ស៊ីជាអ្នកផ្គត់ផ្គង់ឧស្ម័នធម្មជាតិធំបំផុតរបស់សហភាពអឺរ៉ុប។ ការនាំចូលឧស្ម័នតាមបំពង់បង្ហូរមកកាន់ប្លុកនេះធ្លាក់ចុះពីជាង ៤០ ភាគរយក្នុងឆ្នាំ ២០២១ មកនៅប្រហែល ៨ ភាគរយក្នុងឆ្នាំ ២០២៣។ ដើម្បីបំពេញគម្លាតនេះ អឺរ៉ុបបាននាំចូលឧស្ម័នធម្មជាតិរាវ (LNG) ក្នុងបរិមាណដ៏ច្រើនដែលអាចដឹកជញ្ជូនតាមនាវាដឹកប្រេងពីសហរដ្ឋអាមេរិក និងប្រទេសដទៃទៀត ព្រមទាំងបំពង់បង្ហូរពីប្រទេសន័រវេសផងដែរ។ យ៉ាងណាក្ដី ទោះបីជាសហភាពអឺរ៉ុបបានបង្កើនការនាំចូលឧស្ម័នធម្មជាតិរា (LNG) ពីរុស្ស៊ីក៏ដោយ ប៉ុន្តែនៅតែប្រឈមនឹងការផុតកំណត់កាលបរិច្ឆេទនៅឆ្នាំ២០២៧ ហើយគ្រោងនឹងផ្តាច់ការពឹងផ្អែកលើឥន្ធនៈហ្វូស៊ីលទាំងអស់របស់រុស្ស៊ី។ អ្នកវិភាគបានលើកឡើថា បណ្តាប្រទេសដែលទទួលឧស្ម័នពីរុស្ស៊ីតាមរយៈកិច្ចព្រមព្រៀងឆ្លងកាត់ជាមួយអ៊ុយក្រែនមិនប្រឈមនឹងការខ្វះខាតថាមពលទេ ហើយទំនងជាបង្វែរទិសដៅនាំចូលឧស្ម័នតាមរយៈបំពង់ពីប្រទេសអឺរ៉ុបផ្សេងទៀត៕
Account
Security
Favourite Content