សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីពេលថ្មីៗនេះ ស្ថានទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា ក្នុងរាជធានីភ្នំពេញបានរៀបចំពិព័រណ៍ម្ហូបអាហារ និងភេសជ្ជៈចម្រុះជាច្រើនក្នុងគោលបំណងបង្ហាញពីជម្រើស ចំណីអាហារ និងភេសជ្ជៈរបស់អាមេរិកដ៏សម្បូរបែប។ ក្នុងនោះ សមាគមអាហាររបស់សហរដ្ឋអាមេរិកទូទាំងតំបន់ក៏បាននាំមកនូវអាហារ និងភេសជ្ជៈមកចូលរួមតាំងបង្ហាញនៅក្នុងព្រឹត្តិការណ៍នេះផងដែរ ដូចជា៖ ផលិតផលសាច់ ដំឡូង ទឹកដោះគោ ស្រា និងប្រេងឆាសុខភាពជាដើម។
អ្នកស្រី Aleks Zittle ជាអនុប្រធានស្តីទីនៃស្ថានទូតអាមេរិកបានសាទរចំពោះការបង្កើតឱ្យមាននូវព្រឹត្តិការណ៍ពិព័រណ៍នេះឡើង ព្រមទាំងបានលើកឡើងថា ផលិតផលគ្រឿងផ្សំរបស់អាមេរិក នឹងនៅតែចូលរួមចំណែកក្នុងការលើកកម្ពស់វិស័យម្ហូបអាហារ និងភេសជ្ជៈនៅកម្ពុជា ជាពិសេសគឺប្រភេទអាហារដែលគិតគូរលើសុខភាពតែម្ដង។ ជាក់ស្ដែង ប្រេងឆា ជេនប៊ី (JANBEE) ជាផលិតផលដែលល្បីឈ្មោះមួយរបស់អាមេរិក ហើយថ្មីៗនេះ ត្រូវបានក្រុមហ៊ុនក្នុងស្រុកសម្រេចនាំចូលមកដាក់ចរាចរណ៍លើទីផ្សារកម្ពុជា។
លោក ហេង បាន អ្នកគ្រប់គ្រងទូទៅនៃក្រុមហ៊ុន ២៣ ប្រាឌើរ ប៊ីហ្សនេស ឯ.ក បានឱ្យដឹងថា ប្រេងឆា គឺជាគ្រឿងផ្សំដ៏សំខាន់មួយដែលអ្នកចម្អិនម្ហូបមានតម្រូវការប្រើប្រាស់ស្ទើរគ្រប់ប្រភេទមុខម្ហូប ខណៈដែលប្រេងឆាសុខភាពដែលកំពុងចរាចរណ៍នៅលើទីផ្សារកម្ពុជានៅមានកម្រិតនៅឡើយ។
លោកបន្ថែមថា បច្ចុប្បន្ននេះ ប្រជាជនកម្ពុជាភាគច្រើនមានការយល់ដឹងកាន់តែច្បាស់ពីការថែទាំ និងគិតគូរពីសុខភាព តាមរយៈការហូបចុកប្រចាំថ្ងៃ ដូច្នេះ ការដែលក្រុមហ៊ុនសម្រេចនាំចូលផលិតផល Janbee មកកាន់ទីផ្សារកម្ពុជា គឺដើម្បីបំពេញតម្រូវការជាក់ស្ដែងរបស់ប្រជាជន ខណៈដែលក្រុមហ៊ុនក៏មានជំនឿថា វត្តមានរបស់ប្រេងឆា ជេនប៊ី នៅលើទីផ្សារកម្ពុជានឹងទទួលបានការគាំទ្រច្រើន ព្រោះផលិតផលមួយនេះត្រូវបានទទួលស្គាល់ដោយស្ថាប័នជាតិ តាមការចុះបព្ចីា ច.ប.ផ. និងស្ថាប័នអន្តរជាតិ ដូចជា Halal សំរាប់បងប្អូនអ៊ីស្លាម, Kosher សំរាប់បងប្អូនជនជាតិ ជ្វីហ្វ និង FDA ដែលជារដ្ឋបាលចំណីអាហារ និងឱសថរបស់សហរដ្ធអាមេរិក។
គួររំលឹកផងដែរថា ពិព័រណ៍ម្ហូបអាហារ និងភេសជ្ជៈដែលរៀបចំដោយស្ថានទូតអាមេរិកប្រចាំកម្ពុជា ធ្វើឡើងកាលពីថ្ងៃទី ៨ ខែសីហា ក្រោមការចូលរួមគាំទ្រថវិកាពីក្រសួងកសិកម្មសហរដ្ឋ សហការជាមួយក្រុមប្រឹក្សាទឹកដោះគោកាលីហ្វ័រញ៉ាក្រុមប្រឹក្សានាំចេញសណ្តែកសៀងសហរដ្ឋអាមេរិក ក្រុមប្រឹក្សានាំចេញផលិតផលទឹកដោះគោសហរដ្ឋអាមេរិក សហព័ន្ធនាំចេញសាច់សហរដ្ឋអាមេរិក ក្រុមហ៊ុន Potatoes USA និងក្រុមប្រឹក្សានាំចេញផលិតផលបក្សី និងស៊ុតរបស់សហរដ្ឋអាមេរិកផងដែរ៕
Account
Security
Favourite Content