សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ពិព័រណ៍ឧស្សាហកម្មវិស័យទឹកស្អាត ២០២៥ និងសមាគមអ្នកផ្គត់ផ្គង់ទឹកស្អាតកម្ពុជា នារសៀលថ្ងៃទី២៨ ខែកក្កដា ឆ្នាំ២០២៥ បានចុះហត្ថលេខាលើអនុស្សរណៈនៃការយោគយល់គ្នាដើម្បីជំរុញអនាគតទឹកស្អាតនៅកម្ពុជានៅក្នុងសន្និសីទសារព័ត៌មានដែលធ្វើឡើងនៅសណ្ឋាគារភ្នំពេញ រាជធានីភ្នំពេញ។
នៅក្នុងសន្និសីទសារពត៌មានមួយនារសៀលថ្ងៃទី២៨ ខែកក្កដា ឆ្នាំ២០២៥ លោក Gerard Leeuwenburgh អ្នកគ្រប់គ្រង់ និងរៀបចំកម្មវិធីបានមានប្រសាសន៍ថា៖ កិច្ចសហប្រតិបត្តិការនេះគឺជាពេលវេលាដ៏សំខាន់មួយសម្រាប់វិស័យទឹកស្អាតនៅកម្ពុជា។
លោកបញ្ជាក់ថា ៖
«តាមរយៈវេទិកាពិព័រណ៍របស់យើងជាមួយនឹងអ្នកជំនាញ និងបណ្តាញរបស់សមាគមផ្គត់ផ្គង់ទឹកកម្ពុជា យើងកំពុងបង្កើតឱកាសដែលមិនធ្លាប់មានពីមុនមកសម្រាប់នវានុវត្តន៍ ការវិនិយោគ និងកំណើនប្រកបដោយចីរភាព»។
តាមរយៈកិច្ចសហការដ៏សកម្មនេះ ពិព័រណ៍ឧស្សាហកម្មវិស័យទឹកស្អាត ២០២៥ នឹងគាំទ្ររបៀបវារៈអភិវឌ្ឍន៍វិស័យទឹករបស់កម្ពុជាដោយពន្លឿនការវិនិយោគលើគម្រោងហេដ្ឋារចនាសម្ព័ន្ធទឹកស្អាតប្រកបដោយចីរភាព បង្ហាញបច្ចេកវិទ្យាជំនាន់ថ្មីសម្រាប់ការប្រព្រឹត្តិកម្មទឹក និងការចែកចាយ, គាំទ្រការធ្វើទំនើបកម្មប្រព័ន្ធសាធារណៈនៅតាមតំបន់ទីក្រុង និងជនបទ ,សម្របសម្រួលការបណ្តុះបណ្តាល ការផ្លាស់ប្តូរចំណេះដឹង និងគំនិតផ្តួចផ្តើមកសាងសមត្ថភាព ,បង្កើតកិច្ចសន្ទនារវាងអ្នកបង្កើតគោលនយោបាយ អ្នកគ្រប់គ្រងអ្នកផ្តល់សេវាសាធារណៈ និងអ្នកច្នៃប្រឌិត ភ្ជាប់ទំនាក់ទំនងរវាងភាគីពាក់ព័ន្ធកម្ពុជាជាមួយនឹងការអនុវត្តល្អបំផុត។
អនុស្សរណៈនៃការយោគយល់គ្នានេះក៏នឹងបង្កើតអត្ថប្រយោជន៍ជាក់ស្តែង និងរយៈពេលវែងសម្រាប់សហគមន៍ទូទាំងប្រទេសកម្ពុជា តាមរយៈការបង្កើនលទ្ធភាពទទួលបានទឹកស្អាត ការសាងសង់ហេដ្ឋារចនាសម្ព័ន្ធដែលធន់នឹងការប្រែប្រួលអាកាសធាតុ និងការពង្រឹងសមត្ថភាពបច្ចេកទេសរបស់អ្នកប្រតិបត្តិការទឹកក្នុងស្រុក។
គួរជម្រាបថា៖ ពិព័រណ៍ឧស្សាហកម្មវិស័យទឹកស្អាត ២០២៥ ត្រូវបានដាក់ជាយុទ្ធសាស្ត្រក្នុងវេទិកាពាណិជ្ជកម្មពហុវិស័យដ៏សកម្មមួយ ដោយប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែតុលា ឆ្នាំ២០២៥ នៅមជ្ឈមណ្ឌលពិព័រណ៍ និងសន្និសីទកោះពេជ្រ រាជធានីភ្នំពេញ។ ក្រុមហ៊ុននឹងចូលរួមតាំងពិព័រណ៍ មានជាង១០០ក្រុមហ៊ុន និងអ្នកពាណិជ្ជកម្មជាង ៦,០០០ នាក់ មកពីប្រទេសជាង១២ រួមមាន វៀតណាម ចិន ម៉ាឡេស៊ី ថៃ អ៊ីតាលី កូរ៉េ និងប្រទេសផ្សេងៗទៀត៕
Account
Security
Favourite Content