ទិវាកម្មសិទ្ធិបញ្ញាពិភពលោកឆ្នាំ២០២៤ បង្ហាញតួនាទីកម្មសិទ្ធិបញ្ញាជាឧបករណ៍ចាំបាច់ ក្នុងការជំរុញពាណិជ្ជកម្ម

ភ្នំពេញ៖  ទិវាកម្មសិទ្ធិបញ្ញាពិភពលោក ឆ្នាំ២០២៤ ក្រោមប្រធានបទ «កម្មសិទ្ធិបញ្ញា និងគោលដៅអភិវឌ្ឍប្រកប​ដោយចីរភាព ៖ការកសាងអនាគតរួមគ្នាជាមួយនឹងនវានុវត្តន៍ និងគំនិតច្នៃប្រតិដ្ឋ» ត្រូវបានក្រសួងពាណិជ្ជកម្ម ប្រារព្ធដើម្បីបង្ហាញពីតួនាទីយ៉ាងសំខាន់របស់កម្មសិទ្ធិបញ្ញា និងមិនអាចខ្វះបាននៅក្នុងវិស័យពា​ណិជ្ជកម្ម ក្នុងការជំរុញកំណើនសេដ្ឋកិច្ច។

កម្មវិធីខាងលើនេះត្រូវបានធ្វើឡើងកាលពីថ្ងៃដើមសប្ដាហ៍នេះ ក្រោមវត្តមាន លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ព្រមទាំងមន្ត្រីជាន់ខ្ពស់ក្រសួងពាណិជ្ជកម្ម តំណាងក្រសួង-ស្ថាប័នពាក់ព័ន្ធដែលជាសមាជិកគណៈគម្មាធិការជាតិគ្រប់គ្រងកម្មសិទ្ធិបញ្ញា តំណាងស្ថានទូតអូស្រ្តាលីប្រចាំប្រទេសកម្ពុជា ដៃគូអភិវឌ្ឍ អង្គការអន្តរជាតិ សមាគមកសិកម្ម វិស័យឯកជន សិស្ស-និស្សិត ។

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានលើកឡើងពីតួនាទីសំខាន់របស់កម្មសិទ្ធិបញ្ញា ផ្សារភ្ជាប់ទៅនឹងមូលបទទិវាកម្មសិទ្ធិបញ្ញាឆ្នាំ២០២៤ ដែលពាក់ព័ន្ធគោលដៅអភិវឌ្ឍប្រកបដោយចីរភាព។ កម្មសិទ្ធិបញ្ញា គឺជាឧបករណ៍មួយដ៏ចាំបាច់ក្នុងការជំរុញពាណិជ្ជកម្មទំនិញ និងពាណិជ្ជកម្មសេវាកម្ម តាមរយៈការបង្កើតតម្លៃបន្ថែម ការធ្វើពាណិជ្ជូបនីយកម្ម ការបង្កើតប្រភពហិរញ្ញវត្ថុការជំរុញនវានុវត្តន៍ និងការស្រាវជ្រាវ និងការអភិវឌ្ឍ តាមរយៈការផ្ទេរបច្ចេកវិទ្យាជាដើម។

លោកជំទាវបានបន្តថា ៖ កម្មសិទ្ធិបញ្ញាដែលជាផ្នែកមួយដ៏សំខាន់ និងមិនអាចខ្វះបានក្នុងវិស័យពាណិជ្ជកម្ម និងក្នុងការជំរុញកំណើនសេដ្ឋកិច្ច។ ដោយក្នុងនោះ ការជំរុញធុរកិច្ចថ្មី និងសហគ្រាសមីក្រូតូច និងមធ្យម និងវិនិយោគផ្ទាល់ពីបរទេស។ ប្រសិនបើមិនមានការពង្រឹងកិច្ចការពារកម្មសិទ្ធិបញ្ញាជាសកល ដែលបានជំរុញនវានុវត្តន៍ ដូចជាការអភិវឌ្ឍ បច្ចេកវិទ្យាបៃតង បច្ចេកវិទ្យាបង្កើនផលិតភាពកសិកម្ម និងការប្រើប្រាស់កម្មសិទ្ធិបញ្ញា ដើម្បីបង្កើនប្រសិទ្ធភាពប្រើប្រាស់ធនធានឱ្យអស់លទ្ធភាព បង្កើតការងារ លើកកម្ពស់ជីវភាព និងសុខុមាលភាពរបស់ប្រជាជននោះ ការសម្រេចបាននូវសូចនាករ ក្នុងគោលដៅអភិវឌ្ឍប្រកបដោយចីរភាពឆ្នាំ ២០៣០ នាពេលកន្លងមក គឺមិនអាចសម្រេចបានតាមបំណងនោះទេ។

លោកជំទាវ ក៏បានចែករំលែកនូវទស្សនទានពាក់ព័ន្ធនឹងការជំរុញឱ្យមានការផ្ទេរបច្ចេកវិទ្យាដល់ប្រទេសអភិវឌ្ឍន៍តិចតួច ដែលការណ៍នេះនឹងអាចជំរុញឱ្យមានការកើនឡើងឧស្សាហកម្មផ្អែកលើចំណេះ ជំនាញ និងបច្ចេកវិទ្យាដែលអាចបង្កើតផលិតផល ដែលមានតម្លៃបន្ថែមខ្ពស់សម្រាប់ផ្គត់ផ្គង់តម្រូវការក្នុងស្រុក និងការនាំចញ សម្រាប់កម្ពុជាផងដែរ។

ឯកឧត្តម ហែម វណ្ណឌី បានមានប្រសាសន៍ថា ប្រធានបទឆ្នាំនេះ បានផ្តោតទៅលើការកសាងអនាគតរួមគ្នាជា​មួយនវានុវត្តន៍ និងគំនិតច្នៃប្រតិដ្ឋ ដែលជាការខិតខំប្រឹងប្រែងរួមគ្នាទាំងអស់ រវាងវិស័យឯកជន អង្គការនានា និងរាជរដ្ឋាភិបាល ក្នុងការបង្កើត អភិវឌ្ឍន៍ និងអនុវត្តគំនិតច្នៃប្រតិដ្ឋ ដើម្បីបម្រើដល់ជីវភាពរស់នៅប្រចាំថ្ងៃរបស់មនុស្សជាតិ និងចូលរួមដល់ការសម្រេចបានផលិតភាព និងប្រសិទ្ធភាព ក្នុងខ្សែច្រវាក់ផលិតកម្ម។

ឯកឧត្តម ក៏បានរំលេចនូវតម្រូវការចន្ទល់សេដ្ឋកិច្ចថ្មីរបស់កម្ពុជា ដើម្បីធានាដល់ការអភិវឌ្ឍប្រកប​ដោយចីរភាព ដែលការណ៍នេះ បង្ហាញឱ្យឃើញនូវភាពចាំបាច់ នៅក្នុងការជំរុញនវានុវត្តន៍តាមរយៈការលើកកម្ពស់កម្មសិទ្ធិបញ្ញា ការបង្កើតតក្កកម្មថ្មី អភិវឌ្ឍន៍ការសិក្សាស្រាវជ្រាវ ដើម្បីបង្កើនផលិតភាពសេដ្ឋកិច្ច និងបង្កើនភាពប្រកួតប្រជែងរបស់កម្ពុជា។

ឯកឧត្តម ហែម វណ្ណឌី បានបញ្ជាក់ថា៖ ការជំរុញគំនិតច្នៃប្រតិដ្ឋ និងនវានុវត្តន៍ជាបន្តបន្ទាប់ក្នុងវិស័យផ្សេងៗគ្នា រួមទាំងវិទ្យាសាស្ត្រ និងបច្ចេកវិទ្យា ឱ្យបានក្លាយជាវប្បធម៌ និងមនសិការមួយនៃការច្នៃប្រតិដ្ឋ និងការបង្កើតថ្មី នឹងអាចដោះស្រាយបញ្ហាប្រឈមជាមូលដ្ឋានមួយចំនួនក្នុងសង្គម (ដូចជាកង្វះធនធានវត្ថុធាតុដើម និងកង្វះធនធានកម្លាំងពលកម្ម ជាដើម) ក្នុងគោលដៅកែលម្អជីវភាពរស់នៅ និងលើកកម្ពស់សុខុមាលភាពទូទៅរបស់សង្គម។

ឯកឧត្តម Pablo KANG ភារធារីនៃស្ថានទូតអូស្រ្តាលីប្រចាំកម្ពុជា និងតំណាងស្ថានទូតអូស្ត្រាលីប្រចាំកម្ពុជា បានសង្កត់ធ្ងន់​ចំពោះតួនាទីកម្មសិទ្ធិបញ្ញា ដែលរួមចំណែកជំរុញកំណើនសេដ្ឋកិច្ចប្រកបដោយចីរភាព តាមរយៈការកសាងភាពជឿជាក់ កិច្ចសហប្រតិការអន្តរជាតិ និងទំនាក់ទំនងពាណិជ្ជកម្មអន្តរជាតិ។ ឯកឧត្តមក៏បានវាយតម្លៃចំពោះកំណើនសេដ្ឋកិច្ចនៅតំបន់ ASEAN ក្នុងការប្រែប្រួលយ៉ាងខ្លាំងនៅក្នុងសតវត្សរ៍ទី២១ ជាពិសេសកម្ពុជាបានស្តារនូវកំណើនសេដ្ឋកិច្ចខ្ពស់ឡើងវិញនាប៉ុន្មានឆ្នាំចុងក្រោយនេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ