អ្នកជំនាញ ៖ ជំនួសឲ្យការទុកដីទំនេរចោល កសិករគួររៀនប្រើប្រាស់ដីដាំដំណាំឲ្យអស់លទ្ធភាព

ភ្នំពេញ ៖ ក្នុងឆ្នាំ២០២០ វិស័យកសិកម្មនៅកម្ពុជានៅតែដើរតួនាទីសំខាន់ក្នុងសេដ្ឋកិច្ចកម្ពុជា ដោយបានចូលរួមប្រមាណ ២២% នៅក្នុង GDP និងបានផ្ដល់ការងារប្រមាណ ១/៣ នៃកម្លាំងពលកម្មក្នុងប្រទេស។ ជាការកត់សម្គាល់ រាប់ចាប់ពីមុនពេលនៃការរីករាលដាលជំងឺកូវីដ-១៩ ពោលគឺតាំងពីឆ្នាំ២០១៣ ការរីកចម្រើនជាសកលនៃវិស័យកសិកម្មត្រូវបានប៉ះពាល់រួចទៅហើយ ដោយមួយផ្នែកធំជាការប៉ះពាល់បណ្ដាលមកពីភាពរាំងស្ងួត ដែលជាហេតុធ្វើឲ្យប្រជាជនកម្ពុជាចាប់ផ្ដើមចេញធ្វើចំណាកស្រុក។


ឆ្លើយតបនឹងបញ្ហានេះ រាជរដ្ឋាភិបាល តាមរយៈក្រសួង និងស្ថាប័នពាក់ព័ន្ធគ្រប់ជាន់ថ្នាក់បានស្វះស្វែងរកវិធីក្នុងការជួយជ្រោមជ្រែងប្រជាកសិករ ជាពិសេសសំដៅលើការរៀនរស់ក្នុងបរិបទនេះ ដោយគ្រាន់តែផ្លាស់ប្ដូរទម្លាប់ដាំដុះបែបកសិកកម្មប្រពៃណីរបស់ពួកគេ។ តួយ៉ាង ដូចជាការប្ដូរពីដាំដំណាំតែមួយមុខទៅជាការដាំចម្រុះ។

ឯកឧត្តមបណ្ឌិត សួង ណយ អ្នកជំនាញកសិកម្ម និងជាអគ្គលេខាធិការរងនៃគណៈកម្មាធិការជាតិជំរុញចលនា ភូមិ១ផលិត១ បានគាំទ្រនូវការដាំដុះចម្រុះ ខណៈដែលធ្វើបែបនេះប្រជាជននឹងរួចផុតពីហានិភ័យសេដ្ឋកិច្ចគ្រួសារដោយការពឹងផ្អែកតែលើដំណាំតែមួយមុខ។

ឯកឧត្តមបានមានប្រសាសន៍ថា ៖

«ការដាំដំណាំចម្រុះ ងាយស្រួលក្នុងការរកទីផ្សារ ដោយសារតែមនុស្សត្រូវការបន្លែចម្រុះ…ពួកគេមានតម្រូវការច្រើនក្នុងការផ្លាស់ប្ដូរមុខម្ហូបជាប្រចាំ ដូច្នេះ ខ្ញុំណែនាំឲ្យប្រជាកសិករងាកមកដាំដំណាំឲ្យបានច្រើនមុខទើបល្អ! ប៉ុន្តែទោះជាយ៉ាងណា ការដាំដំណាំចម្រុះក៏ត្រូវតែមានការសិក្សាទៅលើប្រភេទដំណាំផងដែរ»

ឯកឧត្តមបានលើកជាឧទាហរណ៍ជាក់ស្ដែងថា បើសិនជាកសិករម្នាក់ដាំដំណាំដូង ជាដំណាំស្នូល កសិករនោះច្បាស់ជាត្រូវការរយៈរហូតដល់ ៦ ទៅ ៧ឆ្នាំទើបអាចប្រមូលផលបាន។ ដូច្នេះ ចន្លោះពេលទម្រាំការប្រមូលផលមកដល់នោះ កសិករអាចជ្រើសរើសដាំដំណាំនៅតាមរង ក៏ដូចជាពីចន្លោះដូងមួយទៅដូងមួយទៀតបាន។ វិធីងាយៗក្នុងការរកដំណាំបន្ទាប់បន្សំមកដាំនេះ គឺគ្រាន់តែសិក្សាទៅលើការលូតលាស់របស់វា ដោយធ្វើយ៉ាងណា ជ្រើសរើសយកដំណាំណាដែលមានឬសខ្លីជាងដូង ចៀសវាងប៉ះពាល់ដល់ដំណាំស្នូល។

ម្យ៉ាងទៀត ត្រូវរកដំណាំណាដែលទាបជាងដូង ពោលគឺដំណាំណាដែលមិនប៉ះពាល់ដល់បរិយាកាសការលូតលាស់របស់ដូងនោះឯង ជាក់ស្ដែងដូចជាដំណាំស្ពៃ ត្រាវ សណ្ដែក ត្របែកជាដើម។ក្រៅពីនេះ​ ការដាំដំណាំចម្រុះក៏ថែមទាំងបានជួយទៅដល់គុណភាពដីទៀតផង។

ជាចុងក្រោយ ឯកឧត្តមនៅតែបន្តលើកទឹកចិត្តដល់កសិករខ្មែរឲ្យប្រើប្រាស់ដីរបស់ខ្លួនក្នុងការដាំដំណាំឲ្យអស់លទ្ធភាព និងមិនគួរទុកដីឲ្យទំនេរ ដោយការជ្រើសរើសដំណាំបន្ទាប់បន្សំមកដាំដោយប្រើប្រាស់វិធីរបស់ឯកឧត្តមខាងលើ៕


ជំនួញ, ព្រឹត្តិការណ៍

អាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ

អន្តរជាតិ ៖ កំណើននៃតម្រូវការប្រេងបញ្ចុះតម្លៃរបស់រុស្ស៊ីនៅលើទីផ្សារអាស៊ី កំពុងជំនួសឱ្យទីផ្សារអឺរ៉ុបដែលដកខ្លួនចេញ និងធ្វើឱ្យជះឥទ្ធិពលដល់កិច្ចខិតខំប្រឹងប្រែងរបស់បស្ចិមលោកក្នុងការទណ្ឌកម្មក្រុង…
ព្រឹត្តិការណ៍, សេដ្ឋកិច្ច

ពូជស្រូវសែនក្រអូបក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ

ភ្នំពេញ ៖ ពូជស្រូវសែនក្រអូបបានក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ ដែលប្រជាកសិករកម្ពុជាគប្បីពង្រឹង និងពង្រីកការបង្ករបង្កើនផល ស្របពេលដែលតម្រូវការ…
ព្រឹត្តិការណ៍, ហិរញ្ញវត្ថុ

ការសិក្សា ៖ ស្ថានភាពសេដ្ឋកិច្ចកម្ពុជាបន្តងើបឡើងក្នុងត្រីមាសទី១ ដើមឆ្នាំ២០២២

ភ្នំពេញ ៖ បន្ទាប់ពីតម្រូវការទីផ្សារធំៗរបស់កម្ពុជា ព្រមទាំងសកម្មភាពធុរកិច្ច និងខ្សែច្រវាក់ផ្គត់ផ្គង់ផលិតកម្មក្នុងស្រុក បាន និងកំពុងងើបឡើងជាបណ្តើរៗ គេសង្កេតឃើញថា ស្ថានភាពសេដ្ឋកិច្ចកម្ពុជា…
ព្រឹត្តិការណ៍, អចលនទ្រព្យ

អ្នកជំនាញអចលនទ្រព្យ ៖ ការកើនឡើងនៃវិស័យសំណង់ និងអចលនទ្រព្យគ្មានផែនការ ធ្វើឱ្យការវិនិយោគវិស័យលើកសិកម្មត្រូវរំលង

ភ្នំពេញ ៖ វិស័យសំណង់ និងអចលនទ្រព្យត្រូវបានគេមើលឃើញថាមានការរីកចម្រើន និងទទួលបានការវិនិយោគយ៉ាងច្រើនពីសំណាក់វិនិយោគិនជាតិ និងអន្តរជាតិ ជាពិសេសនៅក្នុងរយៈពេល…
ព្រឹត្តិការណ៍, សេដ្ឋកិច្ច

កិច្ចប្រជុំកំពូល BRICS លើកទី១៤ ជាសារៈសំខាន់នៃកិច្ចអភិវឌ្ឍពិភពលោកទាំងមូល

កិច្ចប្រជុំកំពូល BRICS លើកទី ១៤ ដែលមានចិនធ្វើជាម្ចាស់ផ្ទះឆ្នាំនេះនឹងបញ្ចប់ទៅនៅថ្ងៃទី២៤ ខែមិថុនា ឆ្នាំ២០២២នេះហើយ។ កិច្ចប្រជុំដែលនឹងផ្តោតលើកិច្ចសហប្រតិបត្តិការផ្ទៃក្នុងរវាង…
ព្រឹត្តិការណ៍, អាជីវកម្មថ្មី និងនវានុវត្ត

កម្ពុជាកំពុងដំណើរការស្នើសុំបញ្ចូលតំបន់អភិរក្សចំនួន២ ទៅក្នុងបញ្ជីបេតិកភ័ណ្ឌធម្មជាតិពិភពលោក

ភ្នំពេញ ៖ តាមរយៈក្រសួងបរិស្ថានកាលពីពេលថ្មីៗនេះ បានប្រកាសឱ្យដឹងអំពីដំណើរការក្នុងការស្នើសុំទៅកាន់អង្គការ UNESCO សម្រាប់ការបញ្ចូលតំបន់អភិរក្សចំនួន២កន្លែង ដាក់ចូលទៅក្នុងបញ្ជី…
ជំនួញ, ព្រឹត្តិការណ៍

ក្រសួងបរិស្ថានលើកទឹកចិត្តដល់ភោជនីយដ្ឋានដែលស្ម័គ្រចិត្តមិនលក់ម្ហូបធ្វើពីសាច់សត្វព្រៃ

ស្របទៅនឹងយុទ្ធនាការអន្ទាក់សូន្យ ក្រសួងបរិស្ថានបានចេញធ្វើសកម្មភាពជាច្រើន ក្នុងនោះក៏មានផងដែរនូវការជំរុញ លើកទឹកចិត្តអាជីវករដែលជាម្ចាស់ភោជនីយដ្ឋាននានាបញ្ឈប់ការផ្គត់ផ្គង់ម្ហូបអាហារ…
ព្រឹត្តិការណ៍, សេដ្ឋកិច្ច

ធនាគារពិភពលោកអនុម័តថវិកា ២០ លានដុល្លារជូនសមាគមអាស៊ាន ដើម្បីចូលរួមលុបបំបាត់ការបំពុលដោយកាកសំណល់ប្លាស្ទិកក្នុងដែនសមុទ្រ

ភ្នំពេញ ៖ ក្រុមប្រឹក្សានាយកប្រតិបត្តិនៃធនាគារពិភពលោក ថ្ងៃទី២៣ ខែមិថុនា ឆ្នាំ២០២២ បានអនុម័តកញ្ចប់ថវិកាចំនួន ២០ លានដុល្លារអាមេរិក សម្រាប់ជួយដល់រដ្ឋសមាជិកនៃសមាគមប្រជាជាតិ…
ព្រឹត្តិការណ៍, ហិរញ្ញវត្ថុ

ឆ្នាំ២០២១ ធនាគារជាតិនៃកម្ពុជាបានដាក់ដេញថ្លៃប្រាក់ដុល្លារ ៦០០ លាន ដើម្បីធ្វើឱ្យមានស្ថិរភាពនៃអត្រាប្តូរប្រាក់

ភ្នំពេញ ៖ ធនាគារជាតិនៃកម្ពុជា (NBC) បានធ្វើអន្តរាគមន៍យ៉ាងសកម្មនៅក្នុងទីផ្សារប្តូរប្រាក់បរទេស ដើម្បីរក្សាស្ថិរភាពអត្រាប្តូរប្រាក់នៅកម្ពុជា ខណៈ NBC បញ្ជាក់ថា ទុនបម្រុងអន្តរជាតិរបស់…
ព្រឹត្តិការណ៍, អចលនទ្រព្យ

ឯកឧត្តមឧបនាយករដ្ឋមន្ត្រី ជា សុផារ៉ា សម្រេចកែសម្រួលបែបបទនៃការផ្ដល់លិខិតអនុញ្ញាតសាងសង់មួយចំនួន

ភ្នំពេញ៖ ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋន្ត្រីក្រសួងរៀបចំដែនដី នគរូបនីយកម្ម និងសំណង់ បានសម្រេចប្រកាសស្ដីពីការកែសម្រួលចំណុចទី៧ និងទី៨ ក្នុងប្រការ៣ នៃប្រកាសលេខ…