សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Investing បានរាយការណ៍ថា តម្លៃប្រេងបានកើនឡើងនៅក្នុងទីផ្សារអាស៊ី ខណៈដែលទិន្នន័យឧស្សាហកម្មបង្ហាញពីការធ្លាក់ចុះយ៉ាងខ្លាំងនៃស្តុកប្រេងរបស់សហរដ្ឋអាមេរិក ដែលធ្វើឱ្យការផ្គត់ផ្គង់កាន់តែតឹងតែង។
ទិន្នន័យរបស់រដ្ឋាភិបាលអាមេរិកបានបង្ហាញថា ការគួបផ្សំគ្នានៃសញ្ញារំខានផ្សេងៗគ្នានៅក្នុងការផ្គត់ផ្គង់ប្រេងឆៅរបស់សហរដ្ឋអាមេរិក នឹងធ្វើឲ្យទៅទីផ្សារប្រេងកាន់តែតឹងតែងនៅក្នុងប៉ុន្មានថ្ងៃខាងមុខនេះ។ តម្លៃប្រេងឆៅ Brent បានកើនឡើង ១ ភាគរយ ឬ ៧៧,៧៨ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) កើនឡើង ១,៣ ភាគរយ ឬ ៧៣,៩១ ដុល្លារក្នុងមួយបារ៉ែល ចំណែកឯតម្លៃប្រេងសាំងលើទីផ្សារបានកើនឡើង ២ ភាគរយដល់កម្រិតខ្ពស់រយៈពេលប្រាំសប្តាហ៍។ តម្លៃម៉ាកប្រេងធំៗទាំងពីរនេះកើនឡើងគួរឱ្យកត់សម្គាល់ ខណៈដែលទីផ្សាររំពឹងថាការប្រើប្រាស់ប្រេងឥន្ធនៈកាន់តែច្រើនក្នុងអំឡុងពេលរដូវក្តៅខាងមុខនេះ។
មិនត្រឹមតែប៉ុណ្ណោះ រដ្ឋមន្ត្រីថាមពលអារ៉ាប៊ីសាអូឌីតក៏ព្រមានពីការធ្លាក់តម្លៃប្រេងក្នុងរយៈពេលខ្លីផងដែរ ពីព្រោះវាបានជំរុញឱ្យតម្លៃកើនឡើងនៅថ្ងៃខាងមុខ។ បញ្ហានេះចាប់ផ្តើមកើតឡើងនៅពេលដែលផលប៉ះពាល់នៃការកាត់បន្ថយផលិតកម្មដោយអង្គការ OPEC រួមមកជាមួយនឹងសញ្ញានៃការកើនឡើងតម្រូវការដែលជំរុញឱ្យមានភាពតឹងតែងក្នុងសង្វាក់ផ្គត់ផ្គង់។ ម្យ៉ាងវិញទៀត ស្ថានភាពសេដ្ឋកិច្ចនៅតែបន្តមានភាពយ៉ាប់យ៉ឺន ដោយសារទិន្នន័យសកម្មភាពផលិតកម្មទាបជាងការរំពឹងទុកពីខាងសហរដ្ឋអាមេរិក តំបន់អឺរ៉ុប និងចក្រភពអង់គ្លេស ជាពិសេសដោយសារផលិតកម្មឧស្សាហកម្មធ្លាក់ចុះ។ ស្របពេលនេះផងដែរ ចិនដែលជាអ្នកនាំចូលប្រេងធំបំផុតរបស់ពិភពលោក កំពុងប្រឈមនឹងផលិតកម្មខ្សោយជាងការរំពឹងទុកដែលបានចង្អុលបង្ហាញពីការស្ទុះងើបសេដ្ឋកិច្ចយឺត។
យ៉ាងណាមិញ ទីផ្សារតម្លៃប្រេងឆៅនៅតែអាចធ្លាក់ចុះប្រហែល ៦ ភាគរយសម្រាប់ឆ្នាំនេះ ដែលភាគច្រើនត្រូវបានរងផលប៉ះពាល់ដោយស្ថានភាពអាក្រក់នៃសេដ្ឋកិច្ច ហើយវានឹងរារាំងការងើបឡើងវិញនៃតម្រូវការ។ មិនត្រឹមតែប៉ុណ្ណោះ ប្រាក់ដុល្លារកាន់តែរឹងមាំក៏ពាក់ព័ន្ធលើតម្លៃប្រេងឆៅផងដែរ ខណៈដែលទីផ្សារប្រេងកំពុងរង់ចាំមើលគោលនយោបាយរូបិយវត្ថុនៅក្នុងកិច្ចប្រជុំខែឧសភារបស់ធនាគារកណ្តាលអាមេរិក៕
Account
Security
Favourite Content