សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សមាគមមីក្រូហិរញ្ញវត្ថុកម្ពុជា (CMA) កាលពីរសៀលថ្ងៃទី០៣ ចុងសប្ដាហ៍កន្លងទៅនេះ បានរៀបចំកិច្ចប្រជុំក្លឹបប្រធានអគ្គនាយក (CEO Club Meeting) ជាលើកទី៣ ក្នុងឆ្នាំ២០២៣។
កិច្ចប្រជុំក្លឹបនេះត្រូវបានរៀបចំឡើងក្នុងគោលបំណងធ្វើបច្ចុប្បន្នភាពលើវឌ្ឍនភាពរបស់វិស័យមីក្រូហិរញ្ញវត្ថុនៅកម្ពុជា រួមទាំងជម្រាបប្រាប់សមាជិកសមាគមពីហានិភ័យ និងនិន្នាការនានាដែលវិស័យបាន និងកំពុងប្រឈម សំដៅស្វែងរកដំណោះស្រាយរួមក្នុងចំណោមសមាជិកសមាគម ក៏ដូចជាជំហានបន្ទាប់ក្នុងការចូលរួមចំណែកពង្រឹងកំណើនការអភិវឌ្ឍវិស័យប្រកបដោយស្ថិរភាព និងបរិយាបន្ន។
ថ្លែងក្នុងកិច្ចប្រជុំដដែលនេះ ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា លោក សុខ វឿន បានលើកឡើងពាក់ព័ន្ធទិដ្ឋភាពទូទៅរបស់វិស័យរួមទាំងកំណើន បញ្ហាប្រឈម និងហានិភ័យនានាដែលវិស័យកំពុងប្រឈម។
បន្ថែមលើនេះ លោកប្រធានក្រុមប្រឹក្សាភិបាលក៏បានផ្តល់នូវអនុសាសន៍លើកទឹកចិត្តដល់សមាជិកឱ្យសហការ និងធ្វើការជាមួយសមាគមដើម្បីលើកកម្ពស់តួនាទីរបស់វិស័យ ជាពិសេសតាមរយៈការផ្តល់ឥណទានដល់អតិថិជនប្រកបដោយទំនួលខុសត្រូវ ដោយការប្រកាន់ខ្ជាប់នូវក្រមសីលធម៌ និងវិជ្ជាជីវៈ។ កិច្ចប្រជុំនេះ មានការចូលរួមពីតំណាងគ្រឹះស្ថានមីក្រូហិរញ្ញវត្ថុ និងធនាគារសរុបប្រមាណ ១៣០ នាក់ដែលជាសមាជិករបស់សមាគម។
Account
Security
Favourite Content