ខេត្តពោធិ៍សាត់​នៅតែមានសក្ដានុពល​យ៉ាងធំទូលាយ​ក្នុងការទាក់ទាញវិនិយោគិន

ភ្នំពេញ ៖ រាជរដ្ឋាភិបាលកម្ពុជា​បាន​ដាក់​ចេញនូវ​គោលន​យោបាយ​​ទាក់ទាញការ​វិនិយោគ​នៅតាមបណ្ដាខេត្ត​ក្រៅពី​រាជ​ធានីភ្នំពេញ​ ដើម្បីផ្ដល់​ឱកាស​ការ​ងារ​ដល់​ប្រជាពលរដ្ឋ​នៅតាមបណ្ដាខេត្ត​ ​និងដើម្បីទប់ស្កាត់​ការ​ធ្វើ​ចំ​ណា​ក​ស្រុកពីបណ្ដាខេត្តចូលមក​ភ្នំពេញ។ ស្របតាមគោល​នយោបាយ​នេះបាន​ធ្វើ​ឱ្យ​បណ្ដាខេត្ត​មួយ​ចំនួន​នៅក្នុង​ប្រទេ​ស​កម្ពុជា​​ចាប់ផ្ដើម​មានសក្ដានុពល​ទាក់ទាញការ​វិនិយោគជា​បន្តបន្ទាប់ ដោយក្នុងនោះដែរ ខេត្ត​ពោធិ៍សាត់ គឺជា​ខេត្ត​មួ​យ​​​ដែ​ល​មានភាពទាក់ទាញគួរឱ្យកត់សម្គាល់ ខណៈគម្រោងវិនិយោគធំៗតម្លៃរាប់សិបលានដុល្លារកំពុងបង្ហាញវត្តមាន។

មានប្រសាសន៍នៅក្នុង​ពិធីសំណេះសំណាល​ជាមួយកម្មករ​-កម្មការិនី ​ប្រមាណជិត​ ៧០០០​នាក់​កាលពីថ្ងៃចុងសប្ដាហ៍កន្លងទៅនេះ សម្ដេច​អគ្គ​មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា​បាន​មានប្រសាសន៍ថា​ ខេត្តពោធិ៍សាត់ ​នៅតែមានសក្ដានុពល​ទាក់ទាញ​ការ​វិនិយោគ​ពីសំណាក់​វិនិយោគិន​ក្នុង ​និងក្រៅប្រទេស​ ហើយមិនមែន​មានតែ​ក្នុងវិស័យ​កាត់ដេរ​នោះទេ វិស័យ​ផ្សេង​ក៏មានសក្ដានុពល​ខ្ពស់ដែរ​ ដូច​ជា​ការ​កែច្នៃ វត្ថុធាតុដើមកសិកម្មដែល​មានស្រាប់នៅក្នុងខេត្ត  ។

សម្ដេច​តេជោ​មានប្រសាសន៍​បន្តថា ៖

“គោលនយោបាយ​មួយ​របស់រាជរដ្ឋាភិបាល​ដែល​ធ្វើឱ្យ​ពលរដ្ឋ​សប្បាយ​ចិត្ត​ក្នុងការ​ធ្វើ​ការ​នៅតាមបណ្ដាខេត្តគឺ​ប្រាក់​បៀវត្សរ៍​រវាង​អ្នកធ្វើការ​នៅក្នុង​ក្រុង​ភ្នំពេញ និង​នៅតាមបណ្ដា​ខេត្ត​ដូចគ្នាទាំងអស់ ខុស​ពីប្រទេស​មួយចំនួន​ដែល​ប្រាក់បៀវត្សរ៍​​របស់កម្មករនៅ​ខេត្ត​ខុសពី​អ្នកធ្វើការ​នៅ​ក្រុង​។”

សម្ដេច​តេជោ​បន្តទៀតថា​ ៖

“ទន្ទឹមនឹង​ភាព​ទាក់ទាញការ​វិនិយោគ​ជា​បន្តទៀត​នោះ យើង​ចាំបាច់​ត្រូវ​ការ​អភិវឌ្ឍ​ហេដ្ឋារចនាសម្ព័ន្ធទាំង​ទន់ នឹង​រឹង ។ ហេដ្ឋារចនាសម្ព័ន្ធរឹង​សំដៅលើ​ការអភិវឌ្ឍ​ផ្លូវ​ថ្នល់ ស្ពាន កំពង់ផែ ព្រ​លា​ន​​យន្តហោះអន្តរជាតិ ថាមពល​អគ្គិសនីជាដើម ។ ចំណែកផ្នែកទន់​គឺសំដៅលើការ​ពង្រឹង​ផ្នែក​ច្បាប់​ បទដ្ឋាន​​គតិ​យុត្តិ​នានា ការ​បណ្ដុះបណ្ដាលធនធានមនុស្ស​ ដើម្បីឱ្យ​យើង​មានជំនាញ​កាន់តែខ្ពស់​។”

សម្ដេច​តេជោ​បន្ថែមថា ៖

“សម្រាប់ខេត្ត​ពោធិ៍​សាត់ យើង​មានផ្លូ​វជាតិលេខ​៥​ ដែលទើប​សាងសង់ថ្មី​បានស្អាត​ល្អ​ ងាយស្រួ​ល​ក្នុងការ​ដឹកជញ្ជូន ​និងការធ្វើដំណើរ​របស់ប្រជាពលរដ្ឋ។​”

អ្នកស្រី ​អាន សុធីតា នាយិកា​ប្រតិបត្តិ​នៃក្រុមហ៊ុន PropNex Cambodia បានមានប្រសាសន៍ថា​ តំបន់​តាម​បណ្ដោយផ្លូវ​ជាតិលេ​ខ៥ រួមមានខេត្តកំពង់ឆ្នាំង ពោធិ៍សាត់ បាត់ដំបង​ និ​ងបន្ទាយ​មានជ័យ​ នឹង​មាន​សក្ដា​នុពល​ខ្ពស់ទៅលើ​ការអភិវឌ្ឍ​ក្នុងវិស័យឧស្សាហកម្ម​​នាពេលឆាប់ៗ​នេះ ដោយសារ​តែផ្លូវ​ជាតិលេខ​៥ជា​​ផ្លូវ​សំខាន់​ក្នុងកា​រដឹកជញ្ជូនទំនិញ​ទៅកាន់​ព្រំដែនប្រទេស​ថៃ​ និងដឹកពីប្រទេសថៃ​ចូលមកកាន់​កម្ពុជា​ ​។

គួរ​បញ្ជាក់ថា​ ខេត្តពោធិ៍សាត់​នាពេល​បច្ចុប្បន្ន​នេះ ​មានរោងចក្រដំឡើង​រថយន្ត FORD  រោងចក្រ​វារីអគ្គិសនី រោង​ចក្រ​កាត់ដេរ និង​សិប្បកម្មជាច្រើន បានផ្ដល់​ឱកាស​ការងាររាប់ម៉ឺនកន្លែង​ដល់​ប្រជាពលរដ្ឋ​ ជាពិសេស​ប្រ​ជាព​ល​រដ្ឋ​ក្នុ​ងខេត្ត​ពោធិ៍​សាត់​ផ្ទាល់តែម្ដង ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ