សហភាពអឺរ៉ុបគ្រោងនឹងដាក់ទណ្ឌកម្មជុំទី ១៤ លើរុស្ស៊ី

បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា សហភាពអឺរ៉ុបគ្រោងកំណត់គោលដៅលើការផ្គត់ផ្គង់ឧស្ម័ធម្មជាតិរាវ (LNG) របស់រុស្ស៊ីចូលទៅក្នុងកញ្ចប់ទណ្ឌកម្មទី ១៤ របស់ខ្លួនប្រឆាំងនឹងទីក្រុងម៉ូស្គូ។

រដ្ឋមន្ត្រីការបរទេសស៊ុយអែត លោក Tobias Billstrom លើកឡើងថា ការដាក់ទណ្ឌកម្មបន្ទាប់អាចរួមបញ្ចូលការហាមឃាត់ការនាំចូលឧស្ម័ធម្មជាតិរាវ (LNG) របស់រុស្ស៊ី ក៏ដូចជាវិធានការទប់ស្កាត់កងនាវាស្រមោលរុស្ស៊ី។ ទន្ទឹមនឹងនេះ រុស្ស៊ី ​បាន​បង្វែរ​លំហូរ​ថាមពល​ទាំងអស់​របស់​ខ្លួន​ទៅកាន់​អាស៊ី​វិញ​ ហើយគេកំពុងសង្ស័យថា រុស្ស៊ីកំពុងចាប់ផ្តើមផ្លាស់ប្តូរការនាំចេញប្រេងឆៅរបស់ខ្លួនតាមរយៈកងនាវាស្រមោល ដើម្បីបញ្ចៀសពីទណ្ឌកម្មអន្តរជាតិ។

យ៉ាងណាក៏ដោយ ទោះបីជាទីក្រុងប្រ៊ូសែលបានហាមឃាត់ការទិញប្រេង និងផលិតផលប្រេងពីប្រទេសរុស្ស៊ីក៏ដោយ ប៉ុន្តែបំពង់បង្ហូរប្រេង និងឧស្ម័ធម្មជាតិរាវ (LNG)មិនត្រូវបានប៉ះពាល់ពីការរឹតបន្តឹងនោះទេ។ ប្រទេសជាច្រើនរួមទាំងប្រទេសស៊ុយអែត ហ្វាំងឡង់ និងរដ្ឋបាល់ទិកកំពុងជំរុញឱ្យសហភាពអឺរ៉ុបដាក់ទណ្ឌកម្មទាំងស្រុងលើឧស្ម័ធម្មជាតិរាវ (LNG) របស់រុស្ស៊ី បើទោះបីជាហុងគ្រីបានប្រឆាំងយ៉ាងខ្លាំងចំពោះវិធានការណ៍នេះក៏ដោយ។ ដូច្នោះហើយ ការហាមឃាត់ទាំងស្រុងនឹងតម្រូវឱ្យមានការឯកភាពគ្នាក្នុងចំណោមសមាជិកនៃប្លុក។

ទន្ទឹមនឹងនេះ សមាជិកសហភាពអឺរ៉ុបមួយចំនួននៅតែពឹងផ្អែកខ្លាំងលើឧស្ម័ធម្មជាតិរាវ (LNG) របស់រុស្ស៊ីដែលបន្តហូរចូលទ្វីប ភាគច្រើនតាមរយៈកំពង់ផែក្នុងប្រទេសអេស្ប៉ាញ បែលហ្សិក និងបារាំង។កាលពីឆ្នាំ ២០២៣ សហភាពអឺរ៉ុបបានបង្កើនការទិញឧស្ម័ធម្មជាតិរាវ (LNG) ពីប្រទេសរុស្ស៊ី បើទោះបីជាការសន្យាបញ្ឈប់ការនាំចូលឥន្ធនៈពីប្រទេសនៅឆ្នាំ ២០២៧ ក៏ដោយ។

កាលពីសប្តាហ៍មុន ទីភ្នាក់ងាររបស់សហភាពអឺរ៉ុបសម្រាប់កិច្ចសហប្រតិបត្តិការនៃនិយតករថាមពល (ACER) បានព្រមានពីការថយចុះយ៉ាងខ្លាំងនៃការនាំចូលឧស្ម័ធម្មជាតិរាវ (LNG) ពីប្រទេសរុស្ស៊ី ដោយសារការបញ្ចប់ការផ្គត់ផ្គង់ឧស្ម័នតាមបំពង់ពីប្រទេសនេះនៅចុងឆ្នាំនេះ។ ACER សំដៅលើកិច្ចសន្យាសម្រាប់ការផ្គត់ផ្គង់បំពង់បង្ហូរឧស្ម័នពីប្រទេសរុស្ស៊ីទៅកាន់អឺរ៉ុបតាមរយៈអ៊ុយក្រែន ដែលនឹងផុតកំណត់នៅខែធ្នូ។ ប្រសិនបើលំហូរនៃការផ្គត់ផ្គង់ត្រូវបានបញ្ឈប់ នោះសហភាពអឺរ៉ុបអាចនឹងបាត់បង់ប្រហែល ៤ ភាគរយនៃការប្រើប្រាស់សរុបកាលពីឆ្នាំមុន។

អ្នកនាំពាក្យវិមានក្រឹមឡាំង លោក Dmitry Peskov បាននិយាយថា បណ្តាប្រទេសលោកខាងលិចនឹងបន្តដាក់ទណ្ឌកម្មលើប្រទេសរុស្ស៊ី ទោះបីជាការរឹតបន្តឹងបានធ្វើឱ្យប៉ះពាល់ដល់សេដ្ឋកិច្ចផ្ទាល់ខ្លួនរបស់ពួកគេក៏ដោយ។ មិនត្រឹមតែប៉ុណ្ណោះ ការរឹតបន្តឹងឧស្ម័ធម្មជាតិរាវ (LNG) របស់រុស្ស៊ីនឹងផ្តល់ផលប៉ះពាល់ខ្លាំង ហើយពួកគេគួរត្រៀមខ្លួនរួចជាស្រេចដើម្បីប្រឈមមុខនឹងផលប៉ះពាល់អវិជ្ជមានលើ។ មកទល់ពេលនេះ សហភាពអឺរ៉ុបបានដាក់ទណ្ឌកម្មទី ១៣ មកហើយលើប្រទេសរុស្ស៊ី៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ