សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទស៖ យោងតាមប្រភពព័ត៌មានពី South China Morning Post បានរាយការណ៍ថា បច្ចុប្បន្ននេះ ប្រជាពលរដ្ឋ និងបណ្តាពាណិជ្ជករ ក៏ដូចជាអាជីវកម្មថៃ កំពុងជួបផលលំបាកដោយសារតែតម្លៃលុយបាតឡើងថ្លៃខ្លាំង ជាពិសេសចំពោះអ្នកវិនិយោគ និងការនាំចេញទំនិញដែលកំពុងធ្លាក់ចុះ។
ការឡើងថ្លៃនៃលុយបាតដែលកំពុងបន្ថែមបញ្ហាទៅលើសេដ្ឋកិច្ចរបស់ថៃនាពេលនេះ គឺមានអត្រាធៀបនឹងលុយអាម៉េរិក ១ដុល្លារ មានតម្លៃ ៣១,៧០ បាត ពោលគឺកើនឡើងប្រមាណ ៨ភាគរយ បើធៀបទៅនឹងខែកញ្ញាកន្លងទៅ។ ការឡើងថ្លៃតម្លៃលុយបាតបានកាត់បន្ថយតម្លៃនៃការនាំចេញរបស់ប្រទេស ខណៈពេលកំពុងរងសម្ពាធពីពន្ធគយ ១៩% របស់អាម៉េរិក។
Peyton Enloe ដែលជាអ្នកនាំចេញកសិផលរបស់ប្រទេសថៃបានលើកឡើងថា ការឡើងតម្លៃរបស់លុយបាតបានធ្វើឱ្យការលក់ទទួលបានប្រាក់ចំណេញតិចជាងមុន ហើយផែនការអាជីវកម្មកាន់តែមានភាពមិនច្បាស់លាស់ លំបាកក្នុងការរៀបចំផែនការសម្រាប់កិច្ចសន្យារយៈពេលវែង ។ លើសពីនេះ វាបានកាត់បន្ថយសមត្ថភាពការប្រកួតប្រជែងជាមួយប្រទេសជិតខាង ដែលមានតម្លៃលុយទាបជាង។
ក្នុងពេលជាមួយគ្នានេះដែរ ក្រសួងទេសចរណ៍ថៃ បាននិយាយថា អាជីវកម្ម និងធុរកិច្ចបារម្ភថាផលប៉ះពាល់អាចនឹងធ្ងន់ធ្ងរ ដោយអ្នកធ្វើដំណើរអាចសន្សំសំចៃ និងងាកទៅរកផលិតផលដែលមានតម្លៃទាបជាង ដូចជា ផលិតផលវៀតណាម និងម៉ាឡេស៊ី ជាដើម។ ជាក់ស្ដែង ការមកដល់នៃចំនួនភ្ញៀវបរទេសបានធ្លាក់ចុះ ៧,៥២% ចន្លោះខែមករា និងខែកញ្ញា បើធៀបនឹងរយៈពេលដូចគ្នាកាលពីឆ្នាំមុន។ បន្ថែមពីនេះ ចំនួននៃការមកដល់របស់ជនជាតិចិនត្រូវបានព្យាករណ៍ថានឹងធ្លាក់ចុះ ២៤% ធៀបទៅនឹងឆ្នាំ២០២៤។
គួរជម្រាបថា បញ្ហារូបិយវត្ថុឡើងថ្លៃគឺជាភាពស្មុគស្មាញសម្រាប់រដ្ឋាភិបាលក្រោមការដឹកនាំដោយនាយករដ្ឋមន្ត្រីថ្មីរយៈពេលខ្លី Anutin Charnvirakul ដែលបានប្ដេជ្ញាជំរុញវិធានការស្តារសេដ្ឋកិច្ចឡើងវិញ ជាមួយនឹងការរំពឹងថា នឹងកើនឡើងត្រឹមតែ ១,៨% នៅឆ្នាំនេះ។ ផែនការរបស់នាយករដ្ឋមន្ត្រីថ្មីរូបនេះរួមមាន ការកាត់បន្ថយថ្លៃដើមរស់នៅ ដោះស្រាយបំណុលគ្រួសារខ្ពស់ និងការផ្តល់ប្រាក់កម្ចីអត្រាការប្រាក់ទាប ដើម្បីជួយអាជីវកម្មខ្នាតតូចគេចផុតពីវិបត្តិសេដ្ឋកិច្ច៕
Account
Security
Favourite Content