សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុនរបស់ជប៉ុនដ៏ធំមួយដែលកំពុងបណ្ដាក់ទុនវិនិយោគលើផ្សារទំនើប និងហិរញ្ញវត្ថុនៅកម្ពុជា អ៊ីអន បានបណ្ដាក់ទុនវិនិយោគលើឃ្លាំងស្តុកទំនិញក្នុងតំបន់សេដ្ឋកិច្ចពិសេសនាកំពង់ផែក្រុងព្រះសីហនុលើទំហំផ្ទៃដីជាង២ហិកតា ខណៈដែលមន្ត្រីជាន់ខ្ពស់កម្ពុជាបានជំរុញ និងលើកទឹកចិត្តឱ្យវិនិយោគិនជប៉ុនបោះទុនវិនិយោគបន្ថែមទៀតក្នុងវិស័យអចលនទ្រព្យនៅក្នុងខេត្តព្រះសីហនុ។
ឯកឧត្តមលូ គឹមឈន់ ប្រតិបត្តិភូរាជរដ្ឋាភិបាលបន្ទុកជាអគ្គនាយកកំពង់ផែស្វយ័តក្រុងព្រះសីហនុ ថ្លែងនៅក្នុងជំនួបជាមួយប្រតិភូអ្នកសារព័ត៌មានជាន់ខ្ពស់កម្ពុជាកាលពីពេលថ្មីនេះថា គម្រោងសាងសង់ឃ្លាំងដ៏ធំមួយរបស់ក្រុមហ៊ុនអ៊ីអនម៉លគ្រោងនឹងបញ្ចប់នៅក្នុងខែមិថុនា ឆ្នាំ២០២៣ខាងមុខនេះ ហើយក្រុមហ៊ុននេះនឹងចាប់ផ្ដើមធ្វើប្រតិបត្តិការពេញលេញនៅអំឡុងខែសីហា ឆ្នាំ២០២៣។
ឯកឧត្តមបន្តថា ៖
“ក្រោយពីមានក្រុមហ៊ុនជប៉ុនដ៏ធំនេះមកវិនិយោគលើឃ្លាំងស្តុកដ៏ធំនេះ យើងរំពឹងថាក្រុមហ៊ុន និងវិនិយោគិនជប៉ុននឹងចូលមកកាន់ខេត្តព្រះសីហនុកាន់តែច្រើនបន្ថែមទៀត ដែលនឹងលើកកម្ពស់សេដ្ឋកិច្ចក្នុងខេត្តក៏ដូចជាក្នុងប្រទេសកម្ពុជាបន្ថែមទៀតផងដែរ។ ប្រជាពលរដ្ឋកម្ពុជាចូលចិត្ត និងស្រលាញ់ណាស់ ហើយគ្រាន់តែដឹងថាមានក្រុមហ៊ុនជប៉ុនចូលមកវិនិយោគលើឃ្លាំងនៅក្នុងតំបន់សេដ្ឋកិច្ចកំពង់ផែស្វយ័តក្រុងព្រះសីហនុមានអ្នកសាកសួរថា តើផ្សារទំនើបអ៊ីអន នឹងមកបើកនៅក្នុងខេត្តព្រះសីហនុដែរទេ ។ ជំហានដំបូងយើងមិនហ៊ាននិយាយថាផ្សារទំនើបនេះនឹងមកនោះទេ តែ វាក៏អាចដែរបើសិនជាសេដ្ឋកិច្ច និងតម្រូវការក្នុងខេត្តព្រះសីហនុមានកាន់តែខ្ពស់ “
ឯកឧត្តមបន្តថា ៖
“ទន្ទឹមនឹងនេះផងដែរ កំពង់ផែស្វយ័តក្រុងព្រះសីហនុក៏កំពុងតែពង្រីកវិសាលភាពរបស់ខ្លួន ដើម្បីអាចទទួលនាវាធំៗ និងកុងតឺន័រកាន់តែច្រើនបន្ថែមទៀត ដោយកំពុងផែកំពុងសាងសាង់ចំណតផែ និងចំណតកុងតឺន័របន្ថែមផងដែរ”
យ៉ាងណាក៏ដោយ ឯកឧត្តមក៏បានបញ្ជាក់ផងដែថា ទោះស្ថិតក្នុងស្ថានភាពនៃវិបត្តិកូវីដ១៩ ក៏កំពង់ផែព្រះសីហនុនៅតែមានសកម្មនាំចេញនាំចូល ហើយមកដល់បច្ចុប្បន្នសកម្មភាពនាំចេញនាំចូលក៏នៅតែមានភាពប្រសើរ ។ ដូច្នេះដើម្បីឆ្លើយតបនឹងកំណើននៃកុងតឺន័រឆ្លងកាត់ កំពង់ផែក្រុងព្រះសីហនុត្រូវការពង្រីកវិសាលភាព និងសមត្ថភាពឱ្យកាន់តែធំ៕
Account
Security
Favourite Content