សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ សំណង់ថ្មីនៃគម្រោងសាងសង់កំពង់ផែទេសចរណ៍អន្តរជាតិខេត្តកំពត រហូតមកដល់ពេលនេះ សម្រេចបានចំនួន ៨៤ ភាគរយ ដែលគ្រោងនឹងបញ្ចប់ទាំងស្រុងនៅក្នុងត្រីមាសទី១ ឆ្នាំ២០២២ខាងមុខនេះ សម្រាប់ត្រៀមស្វាគមន៍ទេសចរជាតិ និងអន្តរជាតិដែលនឹងបើកដំណើរការឡើងវិញ ក្រោមគោលការណ៍ថ្មីដែលដាក់ចេញដោយរាជរដ្ឋាភិបាលកម្ពុជាដែលមានឈ្មោះថា ទេសចរណ៍វ៉ាក់សាំង ។
មន្ត្រីជាន់ខ្ពស់នៃក្រសួងទេសចរណ៍ លោក ជួប រតនា ប្រាប់ឱ្យដឹងថា តាមផែនការ គម្រោងសាងសង់កំពង់ផែទេសចរណ៍អន្តរជាតិនេះ ត្រូវបញ្ចប់នៅចុងឆ្នាំ២០២១ ខាងមុខនេះ ប៉ុន្តែត្រូវឥលូវត្រូវបានពន្យាពេលរហូតដល់ពាក់កណ្តាលឆ្នាំ២០២២ ដោយសារកត្តាអាកាសធាតុ និងបញ្ហាមួយចំនួនទៀត ។
លោកបន្តថាគម្រោងសាងសង់កំពង់ផែទេសចរណ៍អន្តរជាតិនៅខេត្តកំពតនេះ ជាសមិទ្ធផលថ្មីនៃការតភ្ជាប់ដំណើរទេសចរណ៍ផ្លូវសមុទ្រ ក្នុងក្របខណ្ឌច្រករបៀងទេសចរណ៍ភាគខាងត្បូង (Southern Tourism Corridor)។
គម្រោងកំពង់ផែទេសចរណ៍អន្តរជាតិនេះត្រូវបានសាងសង់លើផ្ទៃដី ៤ហិកតា ស្ថិតក្នុងស្រុកទឹកឈូដែលមានចម្ងាយប្រមាណ៦ គីឡូម៉ែត្រពីភាគខាងត្បូងនៃទីក្រុងកំពត។ កំពង់ផែនេះមានជម្រៅទឹក ៤,៥ ម៉ែត្រដែលមានតម្លៃប្រមាណ ៨លានដុល្លារ ជាហិរញ្ញប្បទានរបស់ធនាគារអភិវឌ្ឍន៍អាស៊ី (ADB) ប៉ុន្តែបន្ទាប់ពីពន្យាពេលបញ្ចប់សាងសង់ អាចនឹងបានកើនឡើងដល់ ៩ លានដុល្លារដែលបូករួមជាមួយនឹងការកែលម្អហេដ្ឋារចនាសម្ព័ន្ធបន្ថែម។
ក្រោយពេលសាងសង់រួចរាល់ កំពង់ផែអន្តរជាតិនេះ អាចនឹងផ្ទុកអ្នកដំណើរបានចាប់ពី ៣០០ ទៅ ៤០០ នាក់ និងធ្វើជាច្រកសម្រាប់នាវាទេសចរណ៍ដែលតភ្ជាប់ពីថៃ និងវៀតណាមទៅកំពត។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជាបានយល់ឃើញថា កំពង់ផែទេសចរណ៍នេះនឹងចូលរួមចំណែកយ៉ាងច្រើនក្នុងការទាក់ទាញភ្ញៀវទេសចរពីប្រទេសជិតខាង និងប្រទេសទី ៣ ឱ្យធ្វើដំណើរមកកម្សាន្តនៅឆ្នេរសមុទ្រកម្ពុជា និងជាផលិតផលថ្មីដែលនឹងបង្កើនភាពទាក់ទាញថ្មីបន្ថែមទៀត។ លោកជំទាវបានបន្តទៀតថា ការសាងសង់កំពង់ផែទេសចរណ៍ក្នុងខេត្តកំពត និងការកសាងហេដ្ឋារចនាសម្ព័ន្ធថ្មីៗជាច្រើន ពិសេសតាមបណ្តាខេត្តគោលដៅទេសចរណ៍របស់រដ្ឋាភិបាលពេលនេះនឹងរួមចំណែកយ៉ាងច្រើនក្នុងការលើកកម្ពស់ភាពទាក់ទាញក៏ដូចជាសក្តានុពលវិស័យទេសចរណ៍នៅកម្ពុជាបន្ទាប់ពីវិបត្តិជំងឺកូវីដ-១៩ បញ្ចប់ទៅវិញនៅពេលខាងមុខនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 11/04/2024
តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់
ការច្នៃប្រឌិតថ្មីៗ និងបច្ចេកវិទ្យារបស់ Covestro បានធ្វើឲ្យវិស័យកសិកម្ម និងវិស័យផ្សេងទៀតមានភាពល្អប្រសើរ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 11/04/2024
ចលនាឆ្ពោះទៅរកសេដ្ឋកិច្ចដែលមាននិរន្តរភាពជាងមុន គឺត្រូវទាមទារឱ្យមានសកម្មភាពចូលរួមរបស់ឧស្សាហកម្មដែលមានភាពកច្នៃប្រឌិត និងការអនុវត្តដំណោះស្រាយឆ្លាតវៃ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សម្ដេចធិបតី ៖ គម្រោងព្រែកជីកហ្វូណនតេជោ ជីកថ្មីតែ៧គីឡូម៉ែត្រប៉ុណ្ណោះ
រដ្ឋបាលខេត្តកំពត ចាប់ផ្ដើមសាងសង់ផ្លូវថ្មីប្របមាត់ព្រែកកំពង់បាយ ជាមួយនឹងសួនកម្សាន្តសម្រាប់ទាក់ទាញភ្ញៀវទេសចរ
Account
Security
Favourite Content