សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាតំបន់កោះដែលមានចម្ងាយមិនឆ្ងាយប៉ុន្មានពីទីក្រុងភ្នំពេញ អរិយក្សត្រត្រូវបានប្រជាជនទូទៅស្គាល់ថាជាតំបន់ចំការសម្បូរទៅដោយដំណាំច្រើនប្រភេទ និងជាទីផ្សារបន្លែដ៏សំខាន់មួយរបស់ទីក្រុងភ្នំពេញ។ ប្រជាពលរដ្ឋដែលរស់នៅលើកោះនេះ ភាគច្រើនជាអ្នកដែលមានដីកេរដំណែលពីដូនតាមកស្រាប់ ហេតុនេះតម្លៃនៃការទិញលក់ហាក់មិនមានអ្វីគួរកត់សម្គាល់ទេកាលពីប្រមាណ៥ឆ្នាំ។
ដោយឡែក នៅក្រោយឆ្នាំ២០១៧ រហូតដល់ឆ្នាំ២០២០កន្លងទៅថ្មីៗនេះ សន្ទុះតម្លៃដីនៅទីនេះបានហក់ឡើងលឿនប្លែកនឹកស្មានដល់។ ការហក់ឡើងនៃតម្លៃដីនេះ ក៏ព្រោះតែដំណឹងនៃការមកដល់របស់គម្រោងអភិវឌ្ឍន៍ធំៗជាច្រើន ដូចជាគម្រោងសង់តភ្ជាប់និស្ស័យ និងសេដ្ឋកិច្ចមកកាន់ភ្នំពេញស្ពានស្វាយជ្រុំ និងគម្រោងបង្កើតបុរី គម្រោងខុនដូ និងការបង្កើតគម្រោងទីក្រុងរណបកោះមាសដែលទើបបង្ហើបឡើងកាលពីពេលថ្មីៗនេះជាដើម។
លោកឧកញ៉ាបណ្ឌិត គឹម ហ៊ាង ប្រធាន Kw Cambodia បានសាទរចំពោះការមកដល់ជាបន្តបន្ទាប់នៃគម្រោងអភិវឌ្ឍន៍នានានៅពេលបច្ចុប្បន្ននេះ ដោយរំពឹងថាគម្រោងទាំងអស់នេះនឹងកែប្រែតំបន់អរិក្សត្រទៅជាទីក្រុងរណបមួយបន្ថែមទៀតរបស់ក្រុងភ្នំពេញ និងក្លាយទៅជាគោលដៅទេសចរណ៍កែច្នៃផងដែរ។
ទន្ទឹមនឹងនេះផងដែរ លោកឧកញ៉ាក៏បានរំលេចពីតម្លៃដីនៅទីនោះក្នុងពេលបច្ចុប្បន្នថា ៖
«ថ្វីត្បិតតែកំពុងស្ថិតក្រោមគម្រោងអភិវឌ្ឍន៍ តែលើចំណែកនៃដីដោយមិនទាន់មានការកើនឡើងនូវចំនួនអគារ ហេដ្ឋារចនាសម្ព័ន្ធ ក៏ដូចជាកំណើនប្រជាសាស្ត្រនៅតំបន់នោះមិនទាន់ច្រើន ដែលតម្លៃមិនគួរឡើងថ្លៃដល់កម្រិតហ្នឹងពេកទេ បើត្រូវរៀបចំហេដ្ឋារចនាសម្ព័ន្ធនានា ដីក៏ត្រូវការចាក់បំពេញច្រើន ប្រព័ន្ធទឹកស្អាតក៏មិនទាន់ដិតដល់ដែរ»
ជាតម្លៃទីផ្សារជាក់ស្ដែង ដីទូទៅមានតម្លៃគិតជាមធ្យម ៣៥០ដុល្លារក្នុងមួយម៉ែត្រការ៉េ ចំណែកឯដីនៅតំបន់ទីប្រជុំជនប្រកបអាជីវកម្មមានតម្លៃខ្ពស់ទៅដល់ជាង ១ពាន់ដុល្លារក្នុងមួយម៉ែត្រការ៉េក៏មាន ប៉ុន្តែបើយើងក្រឡេកទៅមើលប្រព័ន្ធទ្រទ្រង់គឺមិនទាន់មានគ្រប់គ្រាន់នៅឡើយ ដោយស្ពានក៏មិនទាន់បានដំណើរការសាងសង់ដែលតម្រូវឲ្យការធ្វើដំណើរនៅពឹងលើទូកចម្លង សណ្ឋានដីក៏ជាដីទំនាបដែលប្រឈមនឹងការលិចទឹកភាគច្រើន ព្រមទាំងត្រូវការដីចាក់បំពេញច្រើនសម្រាប់ការសាងសង់គម្រោងនានា។
លោកឧកញ៉ាបានមានប្រសាសន៍ថា ៖
« ភាគច្រើននៃចំនួនអ្នកទិញដីនៅតំបន់នោះគឺក្នុងគោលបំណងទិញវិនិយោគ មានន័យថាពួកគេភាគច្រើនទិញទុកដើម្បីលក់យកចំណេញ បើសម្រាប់អ្នកដែលទិញយកទៅអភិវឌ្ឍជាលំនៅដ្ឋានកម្រិតមធ្យម ក៏ដូចជាប្រភេទលំនៅដ្ឋានបែបទំនើបហាក់មិនសូវមានថ្មីបន្ថែមច្រើននោះទេ ក្រៅពីគម្រោងចាស់ដែលមានស្រាប់ និងបានដំណើរការមួយជហានរួចទៅហើយនោះ ព្រោះតម្លៃថ្លៃដើមដី និងតម្លៃក្នុងការសាងសង់សំណង់ក៏ខ្ពស់ដូចគ្នា»
គួរបញ្ជាក់ថា ដីនៅតំបន់អរិយក្សត្រចាប់ផ្ដើមកើនឡើងខ្លាំងចាប់ពីចន្លោះឆ្នាំ២០១៧ ដល់ឆ្នាំ២០១៩។ សម្រាប់ឆ្នាំ២០២០ តម្លៃគឺនៅត្រឹង មិនបានបន្តឡើងថ្លៃនោះទេ រហូតដល់ដើមឆ្នាំ២០២១នេះឃើញថាមានសភាពស្ងប់ស្ងាត់នៃការទិញលក់ ដោយហេតុថាប្រជាជនមិនសូវមានចំណូលច្រើន។ អនុក្រឹត្យចុះថ្ងៃទី១៧ ខែធ្នូ ឆ្នាំ២០២០ ដែលចុះហត្ថលេខាដោយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានសម្រេចជួលដីកោះមាសទំហំជាង ៣៤០ហិកតា ស្ថិតក្នុងខណ្ឌច្បារអំពៅ រាជធានីភ្នំពេញ ដែលនៅជាប់ស្រុកល្វាឯម និងស្រុកកៀនស្វាយ ខេត្តកណ្តាល ឱ្យទៅក្រុមហ៊ុន «ឃុន សៀ Import Export» ដើម្បីធ្វើការអភិវឌ្ឍរយៈពេល ៥០ឆ្នាំ ខណៈដីទំហំ៧០ហិកតាទៀតក៏ត្រូវបានរដ្ឋាភិបាលជួលឱ្យក្រុមហ៊ុននេះ សម្រាប់អភិវឌ្ឍជាតំបន់សេដ្ឋកិច្ចតាមដងទន្លេត្រើយខាងកើត ក្បែរគ្នាអភិវឌ្ឍន៍កោះពេជ្រ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រាជធានីភ្នំពេញ កំពុងបោះជំហានថ្មី ឆ្ពោះទៅជាគោលដៅទេសចរណ៍ទីក្រុងលំដាប់អន្តរជាតិ!
Top News, ព្រឹត្តិការណ៍, សេដ្ឋកិច្ច
• 17/08/2026
រដ្ឋមន្ត្រីក្រសួងទេសចរណ៍បានអះអាងថា រាជធានីភ្នំពេញ មិនត្រឹមតែជាមជ្ឈមណ្ឌល នយោបាយ រដ្ឋបាល សេដ្ឋកិច្ច ពាណិជ្ជកម្ម និងវប្បធម៌របស់ព្រះរាជាណាចក្រកម្ពុជាប៉ុណ្ណោះទេ ប៉ុន្តែក៏ជាច្រកទ្វារទេសចរណ៍អន្តរជាតិដ៏សំខាន់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content