សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គម្រោងសាងសង់អាកាសយានដ្ឋានខ្នាតតំបន់នៅខេត្តមណ្ឌលគិរីដែលត្រូវបានទទួលការឯកភាពពីសំណាក់សម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាចុះហត្ថលេខាលើសេចក្តីសម្រេចកាលពីថ្ងៃទី១០ ខែកុម្ភៈកន្លងទៅនោះ ត្រូវបានក្រុមហ៊ុនវិនិយោគស្នើសុំពន្យារពេលដោយរង់ចាំស្ថានភាពនៃវិបត្តិជំងឺកូវីដមានភាពថមថយបន្តិច។
ស្ថិតនៅក្នុងគោលដៅអភិវឌ្ឍន៍ប្រទេសជាតិឲ្យកាន់តែមានភាពជឿនលឿន និងអាចជួយទ្រទ្រង់នូវកំណើនសេដ្ឋកិច្ចបានយ៉ាងល្អនោះ វិស័យអាកាសចរណ៍គឺជាវិស័យមួយក្នុងចំណោមវិស័យដទៃទៀតដែលទទួលបានការយកចិត្តទុកដាក់ពីសំណាក់រាជរដ្ឋាភិបាលកម្ពុជាក្នុងការបង្កើនកិច្ចអភិវឌ្ឍន៍ជាបន្តបន្ទាប់ ជាក់ស្ដែងនៅក្នុងអំឡុងពេល៤-៥ឆ្នាំចុងក្រោយនេះ សន្ទុះនៃគម្រោងអភិវឌ្ឍកើតមានជាបន្តបន្ទាប់ក្រោមការចូលរួមពីសំណាក់វិស័យឯកជន។
ដោយឡែកសម្រាប់គម្រោងសាងសង់អាកាសយានដ្ឋានថ្មីខេត្តមណ្ឌលគីរី ដែលទទួលបានឯកភាពពីសំណាក់ប្រមុខរាជរដ្ឋាភិបាលកម្ពុជា ត្រូវបានក្រុមហ៊ុនវិនិយោគដាក់សំណើសុំធ្វើការពន្យារពេលសាងសង់ ដោយរង់ចាំរហូតដល់ភាពប្រឈមនឹងវិបត្តិជំងឺកូវីដ-១៩មានភាពថមថយជាងនេះបន្តិច។
បើតាមអ្នកនាំពាក្យរដ្ឋលេខាធិការដ្ឋានអាកាសចរស៊ីវិលលោក ស៊ិន ចាន់សិរីវុត្ថា បានលើកឡើងថា កិច្ចពិភាក្សាពីគម្រោងសាងសង់អាកាសយានដ្ឋានខេត្តមណ្ឌលគីរីអាចនឹងត្រូវធ្វើឡើងសាជាថ្មី ដោយបច្ចុប្បន្ននេះក្រុមហ៊ុនបានស្នើពន្យារពេលរហូតដល់ចុងឆ្នាំ២០២១ ដោយសារវិបត្តិកូវីដ-១៩ កំពុងរីករាលដាលខ្លាំងនៅកម្ពុជា។
លោកបានមានប្រសាសន៍ថា ៖
«ប្រហែលជាមានការយឺតយ៉ាវតិចតួចក្នុងការចាប់ផ្ដើម ដោយពីមុនយើងរំពឹងថាពាក់កណ្ដាលឆ្នាំ២០២១ ប៉ុន្តែប្រហែលជាចុងឆ្នាំ ២០២១ ទើបយើងអាចចាប់ផ្ដើមដំណើរការរៀបចំឯកសារផ្សេងៗ និងការចរចារផ្សេងៗបាន»
លោកបន្តលើកឡើងពីមូលហេតុនៃការពន្យារពេលនេះថា កាលពីមុនផ្ទុះព្រឹត្តិការណ៍សហគមន៍២០កុម្ភៈ ដំណើរការលើគម្រោងសាងសង់ព្រលានយន្ដហោះនានានៅកម្ពុជា គឺមិនមានទទួលរងនូវផលប៉ះពាល់អ្វីទេ ពោលគឺមានដំណើរការទៅយ៉ាងរលូន ប៉ុន្តែបន្ទាប់ពីផ្ទុះព្រឹត្តិការសហគមន៍នេះ ពិតជាមានផលប៉ះពាល់ដល់ដំណើរការនានាក្នុងកម្រិតមួយ។ នោះគឺដោយសារតែការដាក់ចេញនូវវិធានការជាបន្តបន្ទាប់របស់រាជរដ្ឋាភិបាលដែលធ្វើឲ្យការធ្វើដំណើរមានការយឺតយ៉ាវ រីឯនៅតាមការដ្ឋានអាកាសចរណ៍មួយចំនួន បុគ្គលិកមានការឆ្លងនូវជំងឺកូវីដ១៩ ដែលទាមទារឲ្យបិទកន្លែងធ្វើការមួយរយៈ។
លោកបន្តគូសបញ្ជាក់ទៀតថា ការដ្ឋានអាចគ្រប់គ្រងការឆ្លងបាន ប៉ុន្តែការផ្អាកមួយរយៈនោះបានទាញពេលវេលាដែលបានរំពឹងថានឹងលឿននោះឲ្យទៅជាយឺតទៅវិញ។
គួរបញ្ជាក់ថា គ្រប់គម្រោងសាងសង់ និងធ្វើឲ្យប្រសើរឡើងនូវអាកាសយានដ្ឋានទាំងអស់រាប់ទាំងខ្នាតអន្តរជាតិ និងក្នុងតំបន់ត្រូវបានបើកការដ្ឋានសាងសង់ជាបន្តបន្ទាប់នៅតាមបណ្ដាខេត្តគោលដៅទេសចរណ៍ និងសេដ្ឋកិច្ចសំខាន់ៗ ក្នុងគោលបំណងសម្រួលការធ្វើដំណើរ ការដឹកជញ្ជូន ព្រមទាំងជាការទាក់ទាញដល់បណ្ដាអ្នកវិនិយោគ និងភ្ញៀវទេសចរជាតិ និងអន្តរជាតិផងដែរ។ ដោយឡែក អាកាសយានដ្ឋាននៅខេត្តមណ្ឌលគិរីនឹងត្រូវសាងសង់លើផ្ទៃដីទំហំ ៣០០ ហិកតា ជាមួយទុនវិនិយោគប្រមាណ ៨០ លានដុល្លារ ស្ថិតនៅចម្ងាយជាង ២០ គីឡូម៉ែត្រពីក្រុងសែនមនោរម្យ។ ជាមួយគ្នានេះ ក្រុមហ៊ុនដែលត្រូវបានជ្រើសរើសក្នុងការអភិវឌ្ឍគម្រោងសាងសង់ គឺក្រុមហ៊ុន PIG ដែលក្រុមហ៊ុននឹងតម្រូវទទួលរ៉ាប់រងលើចំណាយនៃការសិក្សាពីលទ្ធភាពគម្រោងដោយរដ្ឋលេខាធិការដ្ឋានអាកាសចរស៊ីវិលកម្ពុជា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
វិនិយោគិនក្នុងស្រុកជំរុញការផលិត និងកែច្នៃកាហ្វេមណ្ឌលគិរី ជៀសវាងយកកាហ្វេបរទេស មកបន្លំម៉ាកសញ្ញាខ្មែរ
គ្រួសារមួយនៅមណ្ឌលគិរី បើកអាហារដ្ឋានលក់ម្ហូបប្រចាំតំបន់ ផ្សព្វផ្សាយទេសចរណ៍ និងរកប្រាក់បើកសាលាបង្រៀនភាសាដល់កុមារក្នុងភូមិ
Account
Security
Favourite Content