សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖នៅក្នុងរយៈពេល២សប្ដាហ៍ដើមខែកុម្ភៈ ឆ្នាំ២០២៤នេះ ទេសចរចម្រុះជាតិសាសន៍សរុបជិត ៤០០០នាក់ ដែលធ្វើដំណើរតាមកប៉ាល់បានចូលចតនៅកំពង់ផែស្វយ័តក្រុងព្រះសីហនុ ដើម្បីទស្សនាខេត្តព្រះសីហនុ និងអង្គរវត្ត ខេត្តសៀមរាប។
តាមរយៈទិន្នន័យដែលបង្ហាញដោយកំពង់ផែស្វយ័តក្រុងព្រះសីហនុបានឱ្យដឹងថា នាវាទេសចរណ៍ ឈ្មោះ SEVEN SEAS EXPLORER សញ្ជាតិ MARSHALL ISLAND ដែលមានប្រវែងបណ្តោយ ២២៣.៧៤ម៉ែត្រ ទទឹង ៣១.០០ម៉ែត្រ ជម្រៅ ៧.០០ម៉ែត្រ បានចេញដំណើរមកពីប្រទេសថៃ ហើយបានចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាពកាលពីថ្ងៃទី១១ ខែកុម្ភៈ។ នាវានេះនាវិកសរុបចំនួន ៥៤៨នាក់ ស្រី ១១១នាក់ មាន ៤៣សញ្ជាតិ និងមានភ្ញៀវទេសចរសរុបចំនួន ៧២៦នាក់ ស្រី ៣៧៣នាក់ មាន ២៩សញ្ជាតិ (សញ្ជាតិដែលមានភ្ញៀវច្រើនជាងគេ គឺ អាមេរិក ៤៨៣នាក់, កាណាដា ៦៦នាក់ និងចក្រភពអង់គ្លេស ៦៥នាក់) ។
ការចូលចតរបស់កប៉ាល់នេះ មានគោលគោលបំណងមកទស្សនាប្រទេសកម្ពុជារយៈពេល១ថ្ងៃ ក្នុងខេត្តព្រះសីហនុ និងទៅទស្សនាប្រាសាទអង្គរវត្ត ចំនួន ០៦នាក់ ស្រី ០៣នាក់ មាន ០១សញ្ជាតិ។ នាវានេះបានចាកចេញទៅវិញនៅថ្ងៃទី១២ ខែកុម្ភៈ ឆ្នាំ២០២៤ វេលាម៉ោង ១៩.៤០នាទី ឆ្ពោះទៅប្រទេសវៀតណាម។
គួររំលឹកផងដែរកាលពីថ្ងៃទី១០ ខែកុម្ភៈ ឆ្នាំ២០២៤ នាវាទេសចរណ៍ ឈ្មោះ RIVIERA សញ្ជាតិ MARSHALL ISLAND ដែលមានប្រវែងបណ្តោយ ២៤០.១៦ម៉ែត្រ ទទឹង ៣២.២ម៉ែត្រ ជម្រៅ ៧.៤ម៉ែត្រ ចេញដំណើរមកពីប្រទេសវៀតណាម បានចូលចតនៅកំពង់ផែស្វយ័តក្រុងព្រះសីហនុ ដោយសុវត្ថិភាព ដែលមាននាវិកសរុបចំនួន ៧៦៤នាក់ ស្រី ១៤៤នាក់ មាន ៤៤សញ្ជាតិ និងមានភ្ញៀវទេសចរ សរុបចំនួន ១១៨៣នាក់ ស្រី ៥៩៦នាក់ មាន ៣៤សញ្ជាតិ (សញ្ជាតិដែលមានភ្ញៀវច្រើនជាងគេ គឺ អាមេរិក ៧៥០នាក់ និងកាណាដា ១៧៣នាក់) ក្នុងគោលបំណងមកទស្សនាប្រទេសកម្ពុជារយៈពេល១ថ្ងៃ។ នាវានេះនឹងចាកចេញទៅវិញនៅថ្ងៃទី១០ ខែកុម្ភៈ ឆ្នាំ២០២៤ វេលាម៉ោង ១៨.០០នាទី ឆ្ពោះទៅប្រទេសថៃ។
ដោយឡែកនៅថ្ងៃទីថ្ងៃទី១០ ខែកុម្ភៈ ឆ្នាំ២០២៤ ដែរនោះ នាវាទេសចរណ៍ ឈ្មោះ AIDA BELLA សញ្ជាតិអ៊ីតាលីដែលមានប្រវែងបណ្តោយ ២៥១.៨៩ម៉ែត្រ ទទឹង ៣៧.៦ម៉ែត្រ ជម្រៅ ៧.៣០ម៉ែត្រ ចេញដំណើរមកពីប្រទេសវៀតណាម បានចូលចតនៅកំពង់ផែស្វយ័តក្រុងព្រះសីហនុ ដោយសុវត្ថិភាព ដែលមាននាវិកសរុបចំនួន ៦២៥នាក់ ស្រី ១៣១នាក់ មាន ២៨សញ្ជាតិ និងមានភ្ញៀវទេសចរ សរុបចំនួន ១៩៧៦នាក់ ស្រី ១០២៩នាក់ មាន ២០សញ្ជាតិ (សញ្ជាតិដែលមានភ្ញៀវច្រើនជាងគេ គឺ អាល្លឺម៉ង់ ១៨១០នាក់ និងអូទ្រីស ៥១នាក់) ក្នុងគោលបំណងមកទស្សនាប្រទេសកម្ពុជារយៈពេល១ថ្ងៃ ។នាវានេះបានចាកចេញទៅវិញនៅថ្ងៃទី១០ ខែកុម្ភៈ ឆ្នាំ២០២៤ វេលាម៉ោង ១៨.០០នាទី ឆ្ពោះទៅប្រទេសថៃ៕
Account
Security
Favourite Content