សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្មីៗនេះ តាមរយៈក្រសួងពាណិជ្ជកម្ម បានរៀបចំសេចក្តីព្រាងគោលនយោបាយជាតិស្តីពីស្វាយចន្ទី ដើម្បីស្វែងរកធាតុចូលជាច្រើនពីបណ្តាក្រសួង ឬស្ថាប័នពាក់ព័ន្ធនានាពីវិស័យឯកជន ជាពិសេស ពីសំណាក់អ្នកដាំដុះ អ្នកកែច្នៃ អ្នកនាំចេញ ដើម្បីបង្កើនការដាំដុះ និងនាំចេញផលិតផលគ្រាប់ស្វាយចន្ទីទៅកាន់ទីផ្សារអន្តរជាតិឱ្យកាន់តែច្រើន។
គោលនយោបាយជាតិស្តីពីស្វាយចន្ទីនេះ ទំនងជាអាចអនុម័តផ្លូវការនាចុងឆ្នាំ២០២១នេះ ដោយគោលនយោបាយនេះនឹងធ្វើឱ្យកម្ពុជាក្លាយជាប្រទេសផលិត នៅក្នុងតំបន់សម្រាប់បម្រើ និងផ្គត់ផ្គង់ផលិតផលស្វាយចន្ទីដ៏សំខាន់មួយទៅទីផ្សារក្នុងស្រុក តំបន់ និងពិភពលោក។
ការអនុម័តនូវគោលនយោបាយជាតិស្វាយចន្ទីនេះ នឹងបំពេញបន្ថែមនូវតម្លៃរបស់ស្វាយចន្ទី ចំពោះអ្នកដាំដុះលើការអនុវត្តខ្សែចង្វាក់តម្លៃ ផ្សារភ្ជាប់ខ្សែច្រវាក់ផលិតកម្មស្វាយចន្ទី និងអ្នកកែច្នៃគ្រាប់ស្វាយចន្ទីរបស់កម្ពុជាឱ្យមានសមត្ថភាពប្រកួតប្រជែង ទាំងទិន្នផល និងទាំងគុណភាព ព្រមទាំងបង្កើតភាពប្រកួតប្រជែង ក្នុងគោលដៅធ្វើពិពិធកម្មទីផ្សារផងដែរ។
លោក អេង ថុង ប្រធានសហគមន៍សំបូរមានជ័យបានប្រាប់ AMS ថា នៅពេលដែលកម្ពុជាអនុម័តគោលនយោបាយជាតិស្តីពីស្វាយចន្ទីនេះ នឹងទាក់ទាញវិនិយោគិននានាមកបង្កើតរោងចក្រកែច្នៃគ្រាប់ស្វាយចន្ទីនៅក្នុងស្រុក ខណៈសហគមន៍លោកក៏ចង់បង្កើតសិប្បកម្មកែច្នៃផងដែរដោយកំពុងដំណើរការ (ទាំងការរកដៃគូ និងដើមទុន)។
លោកបានមានប្រសាសន៍ថា៖
«ខ្ញុំមានផ្ទៃដីដាំស្វាយចន្ទីជាង២០០ហិកតាដោយកំពុងរត់ការឱ្យការងារបង្កើតសិប្បកម្មកែច្នៃគ្រាប់ស្វាយចន្ទី ឱ្យសម្រេចផលនាពេលឆាប់ៗនេះ ព្រោះសិប្បកម្មកែច្នៃគ្រាប់ស្វាយចន្ទីនៅក្នុងស្រុកមានតិចតួចនៅឡើយ។ បច្ចុប្បន្នយើងច្រើនតែនាំគ្រាប់ស្វាយចន្ទីស្រស់ សម្រាប់នាំចេញទៅក្រៅប្រទេស ឯគ្រាប់ស្វាយចន្ទីកែច្នៃរួចនាំចេញមានតិចតួចណាស់ ។ ម៉្យាងវិញទៀត គ្រាប់ស្វាយចន្ទីរបស់កសិករតាមគ្រួសារ(ដែលមិនចូលជាសហគមន៍)នៅមានរាយប៉ាយច្រើននៅឡើយ ដែលលោកសង្ឃឹមថានឹងអាចប្រមូលផលិតផល រួមជាមួយផលិតផល របស់សហគមន៍លោកអាចបង្កើតសិប្បកម្មកែច្នៃបាន»
យោងតាមតួលេខក្រសួងកសិកម្មបានបង្ហាញថា កម្ពុជាបាននាំចេញផលិតផលគ្រាប់ស្វាយចន្ទីប្រមាណ ៨៧៦ ៥២១ តោន ទៅកាន់ទីផ្សារបរទេសក្នុងរយៈពេល ៨ខែដំបូងនៃឆ្នាំ២០២១នេះ ក្នុងនោះការប្រមូលផលគ្រាប់ស្វាយចន្ទីចំនួនប្រមាណ ៣៤០ ភាគរយ ទៅកាន់ទីផ្សារបរទេស ដែលនេះជាការបង្ហាញថា គ្រាប់ស្វាយចន្ទីរបស់កសិករបានជួយសង្គ្រោះសេដ្ឋកិច្ចមួយផ្នែកដោយសារការនាំចេញទៅក្រៅប្រទេស ។
បច្ចុប្បន្ន កម្ពុជាមានផ្ទៃដីដាំដុះស្វាយចន្ទីសរុបជាង ៥០ម៉ឺនហិកតាស្ថិតនៅក្នុងខេត្តចំនួន១០។ របាយការណ៍ សមាគមស្វាយចន្ទីកម្ពុជាបានបង្ហាញថា ខេត្តកំពង់ធំ មានផ្ទៃដីដាំដុះស្វាយចន្ទីច្រើនជាងគេ រហូតដល់៩០ ៩៥៩ហិកតា។ ខេត្តក្រចេះ មានផ្ទៃដាំស្វាយចន្ទី ចំនួន៤៧ ៨៥៨ហិកតា, ខេត្តរតនគិរីមាន ៣០ ៤៥៩ហិកតា, កំពង់ចាមមាន ២៤ ៣៦៤ហិកតា, សៀមរាបមាន ២២ ៣០៥ហិកតា, ព្រះវិហារមាន ១៦ ៩៧១ហិកតា, ស្ទឹងត្រែងមាន ១៦ ១៦៤ហិកតា, ត្បូងឃ្មុំមាន ៨ ៣៣៤ហិកតា, មណ្ឌលគិរីមាន ៥ ៦៧៦ហិកតា និងខេត្តកំពង់ឆ្នាំងមានផ្ទៃដាំស្វាយចន្ទី ចំនួន ២ ១២៣ហិកតា។
គួរបញ្ជាក់ថា គ្រាប់ស្វាយចន្ទីគឺជាគ្រាប់ធញ្ញជាតិមួយប្រភេទដែលសម្បូរទៅដោយជីវជាតិ និងមានរូបរាងដូចតម្រងនោម ហើយត្រូវបានដាំដុះយ៉ាងច្រើនក្នុងប្រទេសយើងតែម្តង។ គ្រាប់ធញ្ញជាតិមួយនេះក៏សម្បូរទៅដោយវីតាមីន C, Folate, K និង E ផងដែរ។ ទោះបីជាយ៉ាងណាក៏ដោយ អ្នកនឹងទទួលបានប្រយោជន៍ជាច្រើនចំពោះសុខភាពក្រោយពេលទទួលទានគ្រាប់ស្វាយចន្ទី។
ផ្តល់ភាពរឹងម៉ាំដល់សាច់ដុំ និងសរសៃប្រសាទ ៖ គ្រាប់ស្វាយចន្ទីជាប្រភពដ៏ល្អមួយនៃជាតិម៉ាញ៉េស្យូមដ៏សំខាន់សម្រាប់សាច់ដុំ ឆ្អឹង និងសរីរាង្គក្នុងពោះ។ ជាតិរ៉ែមួយនេះអាចជួយសម្រួលដល់សម្ពាធឈាម ទ្រទ្រង់ដល់មុខងារសរសៃប្រសាទ និងឆ្អឹងកាន់តែរឹងមាំ។
ល្អចំពោះបេះដូង ៖ គ្រាប់ស្វាយចន្ទីល្អបំផុតសម្រាប់បេះដូង ដោយសារតែវាមិនមានកូឡេស្តេរ៉ុលអ្វីទាំងអស់ តែផ្ទុកទៅដោយអង់ទីអុកស៊ីដង់ដ៏ច្រើន ដែលអាចបន្ថយភាពប្រឈមជំងឺបេះដូង និងជួយបញ្ចុះសម្ពាធឈាមផងដែរ។
បន្ថយការប្រឈមនឹងជំងឺទឹកនោមផ្អែម ៖ សារធាតុល្អនៅក្នុងគ្រាប់ស្វាយចន្ទី គឺជួយបន្ថយភាពប្រឈមនឹងជំងឺទឹកនោមផ្អែម ដោយសារវាមានជាតិស្ករទាប ហើយក៏ជាអាហារសម្រន់ដ៏មានសុវត្ថិភាពសម្រាប់អ្នកមានជំងឺទឹកនោមផ្អែម៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អិលអូអិលស៊ីដាក់ដំណើរការ «ឥណទានមាសកើនទ្រព្យ» នៅសាខាខណ្ឌទួលគោក ដែលជាសាខាទី១០
ព្រឹត្តិការណ៍, អត្ថបទពាណិជ្ជកម្ម
• 17/07/2026
អិលអូអិលស៊ី (LOLC) ដែលជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា បាននិងកំពុងពង្រីកការផ្ដល់សេវាឥណទានថ្មី «ឥណទានមាសកើនទ្រព្យ» ទៅកាន់សាខារបស់ខ្លួនជាបន្ដបន្ទាប់។ ជាក់ស្ដែងនៅថ្ងៃទី ១៧ ខែកក្កដា ឆ្នាំ ២០២៦ អិលអូអិលស៊ី សាខាខណ្ឌទួលគោកបានក្លាយជាសាខាទី១០ ដែលផ្ដល់សេវា «ឥណទានមាសកើនទ្រព្យ» នេះ
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
ចិនដើរមួយជំហានមុនក្រុមហ៊ុនលោក Elon Musk លើបច្ចេកវិទ្យាវះកាត់ដាក់បន្ទះឈីបភ្ជាប់ខួរក្បាល
ព្រឹត្តិការណ៍, អាជីវកម្មថ្មី និងនវានុវត្ត
• 17/07/2026
ក្រុមគ្រូពេទ្យវះកាត់ជនជាតិចិនថ្មីៗនេះ បានទទួលជោគជ័យក្នុងការវះកាត់ដាក់ឧបករណ៍ភ្ជាប់ខួរក្បាលនឹងកុំព្យូទ័រ (BCI ឬ brain-computer interface) ជាលក្ខណៈពាណិជ្ជកម្មដំបូងគេបង្អស់លើពិភពលោកទៅលើអ្នកជំងឺម្នាក់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ការកែច្នៃគ្រាប់ស្វាយចន្ទីនៅក្នុងស្រុក នឹងជួយបង្កើតតម្លៃបន្ថែមដល់សេដ្ឋកិច្ចជាតិ
សួនឧស្សាហកម្មកែច្នៃគ្រាប់ស្វាយចន្ទី ៦០០ហិកតា នៅខេត្តកំពង់ធំ នឹងប្រែក្លាយកម្ពុជាពីការនាំចេញគ្រាប់ស្វាយចន្ទីឆៅ ទៅជាការនាំចេញផលិតផលកែច្នៃសម្រេច
Account
Security
Favourite Content