កម្ពុជា​បញ្ឈប់​ការ​ផ្តល់​រង្វាន់​លើ​ផលិតផល​គ្រឿង​ស្រវឹង​​ អ្នក​ជំនាញ​ជំរុញ​ឱ្យ​ផ្តោត​លើ​គុណភាព​

ភ្នំពេញ​៖​ ​រដ្ឋាភិបាល​បាន​បញ្ឈប់​ការ​ផ្តល់​រង្វាន់​លើ​ផលិតផល​គ្រឿង​ស្រវឹង​ចាប់​ពី​ថ្ងៃ​ទី​១ ​ខែ​តុលា ​ឆ្នាំ​២០២៦ ​ខណៈ​អ្នក​ជំនាញ​សុខភាព​ ​និង​អប់រំ​ជំរុញឱ្យ​ក្រុមហ៊ុន​ផលិតផល​ងាក​មក​ផ្តោត​លើ​គុណភាព​ ​ស្តង់ដារ ​និង​អាហារូបត្ថម្ភ​ត្រឹមត្រូវ ​ជា​ជាង​ប្រើ​ការ​ផ្តល់​រង្វាន់​ដើម្បី​ទាក់ទាញ​អតិថិជន​។

ថ្លែង​ក្នុង​ពិធី​ប្រគល់​សញ្ញាបត្រ​ជូន​និស្សិត​ជ័យលាភី ​នៃ​សាកលវិទ្យាល័យ​វិទ្យាសាស្ត្រ​សុខាភិបាល​ ​នា​ព្រឹក​ថ្ងៃ​ទី​៧ ​ខែ​តុលា​ ​សម្តេច​ធិបតី​ ហ៊ុន ម៉ាណែត ​នាយក​រដ្ឋមន្ត្រី ​បាន​លើកឡើង​ពី​សារៈសំខាន់​នៃ​ការ​គិតគូរ​អំពី​អាហារូបត្ថម្ភ ​និង​ការ​អប់រំ​កុមារ​អំពី​ផលប៉ះពាល់​នៃ​ការ​ប្រើប្រាស់​ភេសជ្ជៈ​កំប៉ុង​។

​សម្តេច​ធិបតី​បាន​ឱ្យ​ដឹង​ថា​ ​រដ្ឋាភិបាល​បាន​ធ្វើការ​ជាមួយ​ក្រុមហ៊ុន​ផលិត​គ្រឿង​ស្រវឹង ​និង​ភេសជ្ជៈ​ប៉ូវ​កម្លាំង ​ដើម្បី​កាត់បន្ថយ​ការ​ផ្សព្វផ្សាយ​ហួសហេតុ​។ ចាប់​ពី​ខែ​កក្កដា ​ឆ្នាំ​២០២៤​ ការ​ដកចេញ និង​កាត់បន្ថយ​ប៉ាណូផ្សព្វផ្សាយ​ធំ​ៗ​នៅ​តាម​ផ្លូវ​ជាតិ​ ​និង​ផ្លូវ​ធំ​ៗ​បាន​ចាប់ផ្តើម​អនុវត្ត​។

​យោង​តាម​ប្រសាសន៍​សម្តេច​ធិបតី ​ក្នុង​ចំណោម​ប៉ាណូ​ផ្សព្វផ្សាយ​ធំ​ៗ​ជាង​ ៦​ពាន់​កាលពី​មុន​ ​បច្ចុប្បន្ន​នៅសល់​ប្រមាណ​ ​១៧​%​ ​ប៉ុណ្ណោះ​នៅ​តាម​ដង​ផ្លូវ​ ខណៈ​ប៉ាណូ​ផ្សព្វផ្សាយ​ទឹក​សុទ្ធ​មាន​ការ​កើនឡើង​ជំនួស​វិញ​។

​សម្តេច​ធិបតី​ក៏​បាន​បញ្ជាក់​ថា ​ចាប់​ពី​ខែ​តុលា ​ឆ្នាំ​២០២៦ ការ​ធ្វើ​ទីផ្សារ​ដោយ​ដាក់​រង្វាន់​ក្នុង​ក្រវិល​កំប៉ុង​ត្រូវ​បាន​ផ្អាក​ទាំងស្រុង ​ហើយ​ការ​ដាក់​រង្វាន់​នា​ពេល​ខាង​មុខ​គួរ​ពិចារណា​ទៅលើ​ផលិតផល​ផ្សេង​ទៀត ​ដូចជា​ទឹក​សុទ្ធ​ជាដើម​។​

​សម្តេច​ធិបតី​បាន​បញ្ជាក់​ថា​ ​វិធានការ​នេះ​មិន​មែន​ជា​ការ​ហាមឃាត់​មិន​ឱ្យ​ប្រជា​ពលរដ្ឋ​ទទួលទាន​គ្រឿង​ស្រវឹង​នោះ​ទេ​ ​ប៉ុន្តែ​ការ​ទទួលទាន​គួរ​ធ្វើឡើង​ក្នុង​កម្រិត​មិន​ហួស​ហេតុ ​និង​មាន​ទំនួលខុសត្រូវ​។ ​ចំណុច​សំខាន់ ​គឺ​រដ្ឋាភិបាល​ចង់​កាត់បន្ថយ​ការ​ផ្សព្វផ្សាយ​ហួសហេតុ​ពេក​។​

​បើ​យោង​តាម​សេចក្តី​ប្រកាស​របស់​ក្រសួង​សេដ្ឋកិច្ច​ ​និង​ហិរញ្ញវត្ថុ ​ចាប់​ពី​ថ្ងៃ​ទី​១ ​ខែ​តុលា ​ឆ្នាំ​២០២៦​ តទៅ​ ​គ្រប់​សហគ្រាស​ទាំងអស់​មិន​ត្រូវ​បាន​អនុញ្ញាតឱ្យ​ផ្តល់​រង្វាន់ ​និង​មិន​ត្រូវ​មាន​ការ​បញ្ជាទិញ​ថ្មី​ ​នាំចូល​ ​ឬ​ផលិត​ក្រប​ផលិតផល​គ្រឿង​ស្រវឹង​ដែល​មាន​ការ​ផ្តល់រង្វាន់​ទៀត​ឡើយ​។

​ជុំវិញ​ការ​ដាក់​រង្វាន់​លើ​ផលិតផល​ផ្សេងទៀត​ ​លោក​វេជ្ជបណ្ឌិត​ ​គួច​ ​ម៉េង​លី ​បាន​លើកឡើង​ថា​ ​ប្រសិនបើ​មាន​ការ​ដាក់​រង្វាន់​ ​គួរ​ធ្វើក្នុង​រូបភាព​ជា​ការ​លើកទឹកចិត្ត​ ​ប៉ុន្តែ​មិន​គួរ​ផ្តល់​ជា​សាច់ប្រាក់​ទេ​។ ​លោក​បាន​លើក​ជា​ឧទាហរណ៍​ថា​ ​អាច​ប្រើ​ជា​គូប៉ុង​សម្រាប់​ទិញ​របស់របរ​មួយចំនួន​ជំនួស​។

​លោក​វេជ្ជបណ្ឌិត​បាន​បន្ត​ថា​ ​នៅ​កម្ពុជា​ ទំនោរ​ភាគ​ច្រើន​គឺ​ការ​ដាក់​រង្វាន់​ដើម្បី​ទទួល​បាន​ប្រាក់ ​ដូចជា​ករណី​ផលិតផល​ស្រាបៀរ ​ដែល​អាច​ធ្វើឱ្យ​ប្រជា​ពលរដ្ឋ​ព្យាយាម​ផឹក ​ដើម្បី​ស្វែងរក​រង្វាន់​ធំ​ៗ​។

​ដោយ​ផ្អែក​លើ​បទពិសោធន៍​ក្នុង​វិស័យ​អប់រំ​ ​និង​សុខភាព​ ​លោក​វេជ្ជបណ្ឌិត​ ​គួច​ ​ម៉េង​លី ​មិន​សូវ​លើកទឹកចិត្ត​ឱ្យ​មាន​ការ​ដាក់​រង្វាន់​បែបនេះ​ទេ​។ ​លោក​ជំរុញ​ឱ្យ​ក្រុមហ៊ុន​ផ្តោត​លើ​ការ​លក់​ផលិតផល​ដែល​ត្រឹមត្រូវ​តាម​ទីផ្សារ ​មាន​គុណភាព​ ​និង​ស្រប​តាម​ស្ដង់​ដារ ​ដើម្បី​ទទួល​បាន​ការ​ទទួល​ស្គាល់​ពី​អ្នក​ប្រើប្រាស់​៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​