សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមបណ្តាប្រទេសនាំចេញប្រេង និងសម្ព័ន្ធមិត្ត OPEC+ បានព្រមព្រៀងគ្នាក្នុងការបង្កើនគោលដៅផលិតកម្មបន្ថែមទៀតចាប់ពីខែសីហាទៅ ខណៈដែលការនាំចេញពីបណ្តាអ្នកផលិតសំខាន់ៗតាមរយៈច្រកសមុទ្រ Hormuz កំពុងតែងើបឡើងវិញ ដែលអាចនឹងជួយបង្កើនការផ្គត់ផ្គង់ប្រេងនៅក្នុងទីផ្សារសកលបានប្រសើរជាងមុន។
នៅថ្ងៃច័ន្ទនេះដើមសប្ដាហ៍នេះ តម្លៃប្រេងឆៅម៉ាក Brent បានធ្លាក់ចុះ ០,៣៣ ភាគរយ មកនៅត្រឹម ៧១,៨៨ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) បានធ្លាក់ចុះ ០,១៦ ភាគរយ មកនៅត្រឹម ៦៨,៥៨ ដុល្លារក្នុងមួយបារ៉ែលប៉ុណ្ណោះ។ តម្លៃប្រេងទាំងពីរប្រភេទនេះមិនសូវមានការប្រែប្រួលខ្លាំងនោះទេ ខណៈដែលក្រុមអ្នកវិនិយោគកំពុងតាមដានយ៉ាងដិតដល់នូវកិច្ចចរចារវាងអាម៉េរិក និងអ៊ីរ៉ង់ ជុំវិញជោគវាសនានៃការដឹកជញ្ជូនតាមច្រកសមុទ្រ Hormuz ព្រមទាំងតាមដានការងើបឡើងវិញនៃការនាំចេញប្រេងពីតំបន់ឈូងសមុទ្រពែក្ស។
កាលពីថ្ងៃអាទិត្យកន្លងទៅនេះ បណ្តាប្រទេសនាំប្រេងចេញ និងសម្ព័ន្ធមិត្ត (OPEC+) បានព្រមព្រៀងគ្នាដំឡើងគោលដៅផលិតកម្មបន្ថែមចំនួន ១៨៨,០០០ បារ៉ែលក្នុងមួយថ្ងៃចាប់ពីខែសីហាតទៅ។ យ៉ាងណាមិញ ការបង្កើនទិន្នផលនេះ ភាគច្រើនព្រមព្រៀងគ្នាតែនៅលើក្រដាសប៉ុណ្ណោះ ដោយសារតែការបិទច្រកសមុទ្រ Hormuz រំខានដល់ការដឹកជញ្ជូនប្រេងរបស់អ្នកផលិតសំខាន់ៗរបស់ OPEC រួមមាន អារ៉ាប៊ីសាអូឌីត គុយវ៉ែត និងអ៊ីរ៉ាក់ ដែលជាហេតុធ្វើឱ្យទិន្នផលរបស់ពួកគេត្រូវបានកម្រិត។
លោក Tony Sycamore អ្នកវិភាគទីផ្សារនៅក្រុមហ៊ុន IG បានលើកឡើងថា ភាគច្រើនគេរំពឹងទុកលើតួលេខនៃការដំឡើងទិន្នផលនេះ ប៉ុន្តែការចាកចេញរបស់អារ៉ាប់រួមពីអង្គការមួយនេះ និងកូតាផលិតកម្មកំពុងស្ថិតក្នុងដំណាក់កាលស្តារឡើងវិញក្រោយជម្លោះនៅឡើយ មានន័យថា ពួកគេមិនទាន់អាចផលិតប្រេងបានគ្រប់តាមចំនួនកំណត់ភ្លាមៗនោះទេ។ គួររំលឹកផងដែរថា អារ៉ាប់រួម បានចាកចេញពីសមាជិកភាព OPEC កាលពីថ្ងៃទី ១ ខែឧសភា កន្លងទៅនេះ ហើយបច្ចុប្បន្ននេះ បណ្តាសមាជិកដែលនៅតំបន់ឈូងសមុទ្រចាប់ផ្តើមស្តារការផ្គត់ផ្គង់ប្រេងដែលបានផ្អាកក្នុងអំឡុងសង្រ្គាមឡើងវិញ និងកំពុងជំរុញការនាំចេញបន្ថែមទៀត។
តាមការអង្កេតរបស់ក្រុមអ្នកតាមដានបានរកឃើញថា ការនាំចេញប្រេងពីតំបន់ឈូងសមុទ្រក្នុងខែមិថុនាកន្លងទៅបានកើនឡើងជាង ៣ លានបារ៉ែល បើធៀបនឹងខែឧសភា ដែលធ្វើឲ្យទិន្នផលសរុបលើសពី ១០ លានបារ៉ែលក្នុងមួយថ្ងៃ ។ ទន្ទឹមនឹងនេះ ការដឹកជញ្ជូនប្រេងចេញពីកំពង់ផែភាគខាងលិចរបស់រុស្ស៊ី បានកើនឡើងដល់កម្រិតខ្ពស់បំផុតក្នុងខែមិថុនា ហើយត្រូវបានគេរំពឹងថានឹងអាចរក្សាបានកម្រិតដដែលនេះក្នុងខែកក្កដានេះ។ យ៉ាងណាក៏ដោយ បន្ទាប់ពីរោងចក្រចម្រាញ់ប្រេងរបស់រុស្ស៊ីត្រូវរងការខូចខាតពីការវាយប្រហារដោយដ្រូនរបស់អ៊ុយក្រែនកាលពីសប្ដាហ៍មុននេះ ទីក្រុងមូស្គូ បានសម្រេចបង្ខំចិត្តបង្កើនការនាំចេញប្រេងឆៅជំនួសវិញ៕
Account
Security
Favourite Content