សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រោមគោលនយោបាយរបស់រាជរដ្ឋាភិបាលកម្ពុជាក្នុងការពន្លឿនកិច្ចអភិវឌ្ឍន៍លើផ្នែកហេដ្ឋារចនាសម្ព័ន្ធនានានៅទូទាំងប្រទេស ដើម្បីបង្កភាពងាយស្រួលដល់ការគាំទ្រកំណើនសេដ្ឋកិច្ចជាតិ សម្រាប់តែផ្លូវល្បឿនលឿនភ្នំពេញ-ក្រុងព្រះសីហនុ បានសម្រេចការសាងសង់ជាង ៥៥ភាគរយហើយ ដោយក្នុងគម្រោងក៏មានការសាងសង់ជាទីចំណតសម្រាប់អ្នកដំណើរឈប់សម្រាក ទទួលទានអាហារ និងកន្លែងលក់ប្រេងឥន្ទនៈចំនួន៣កន្លែងផងដែរ។
មានប្រសាសន៍នៅក្នុងឱកាសនៃការចុះត្រួតពិនិត្យវឌ្ឍនភាពសាងសង់ផ្លូវល្បឿនលឿនពីភ្នំពេញ-ព្រះសីហនុកាលពីសប្ដាហ៍កន្លងទៅ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានឲ្យដឹងថា នៅក្នុងគម្រោងផ្លូវល្បឿនលឿនដែលមានប្រវែងសរុបជិត១៩០គីឡូម៉ែត្រនេះនឹងមានការសាងសង់កន្លែងឈប់សម្រាក ផ្ដល់សេវាកម្មម្ហូបអាហារ លក់ប្រេងសាំង ចំនួន៣កន្លែង ស្ថិតនៅសងខាងផ្លូវនេះ។
ការថ្លែងរបស់ឯកឧត្តមទេសរដ្ឋមន្ត្រីបែបនេះ គឺឆ្លើយតបទៅនឹងបរិបទនៃផ្លូវល្បឿនលឿនដែលមានរបងបិទជិតសងខាងផ្លូវ ដើម្បីជៀសវាងការមានមនុស្ស ឬសត្វពាហានៈដើរឆ្លងកាត់ ដែលនាំឲ្យបង្អាក់នូវការបើកបររបស់ប្រជាពលរដ្ឋ និងកើតមានគ្រោះថ្នាក់ចរាចរណ៍។
«យើងមិនអាចឲ្យមានការលក់ដូរបានទេ ព្រោះយើងមានរបងសងខាង បើចង់លក់ម្ហូបអាហារ គឺនៅកន្លែងផ្ដល់សេវាចំនួន៣កន្លែងដែលមានទាំងសងខាងផ្លូវ។ ហេតុនេះបងប្អូនប្រជាពលរដ្ឋដែលប្រើប្រាស់ផ្លូវនេះ អាចចុះទៅចាក់សាំង ទទួលទានអាហារ ទៅបន្ទប់ទឹកបាន។ មានន័យថា ផ្លូវនេះនឹងមិនអាចមានភាពមមាញឹកនៃការលក់ដូរដូចតាមបណ្ដោយផ្លូវផ្សេងៗបាននោះទេ ពោលគឺមានត្រឹមតែ៣កន្លែងទៅតាមការកំណត់របស់ក្រសួងសាធារណៈការ និងដឹកជញ្ជូនតែប៉ុណ្ណោះ»
ឯកឧត្តមបានមានប្រសាសន៍ថា ៖
គួរជម្រាបថា ផ្លូវនេះអនុវត្តការសាងសង់ដោយក្រុមហ៊ុន PPSHV Expressway Co., Ltd និងក្រុមហ៊ុនបុត្រសម្ព័ន្ធនៃក្រុមហ៊ុនសាជីវកម្មស្ពានថ្នល់ចិន(CRBC) ត្រួតពិនិត្យបច្ចេកទេសដោយក្រុមហ៊ុន MINCONSULT SDN. BHD. ប្រើរយៈពេលសាងសង់ ៤៨ខែ គ្រោងចំណាយថវិកាប្រមាណ ២០១៩លានដុល្លារ សហរដ្ឋអាមេរិក។
ផ្លូវល្បឿនលឿននេះ នឹងមានគន្លងផ្លូវចំនួន០៤គន្លង ទទឹងផ្លូវសរុប ២៤.៥ ម៉ែត្រ មានផ្លូវបំបែកទិស៧កន្លែង កន្លែងឈប់សម្រាកចំនួន៣កន្លែង ចំណតរថយន្ត០១កន្លែង មណ្ឌលប្រតិបត្តិការ និងថែទាំចំនួន០៤កន្លែង ស្ពានធំ និងស្ពានមធ្យមចំនួន៤០កន្លែង ស្ពានតូចចំនួន ០៥កន្លែង ឆ្លងកាត់រាជធានីភ្នំពេញប្រមាណ៨គីឡូម៉ែត្រ និងខេត្តចំនួន៤ ក្នុងនោះមាន៖ ខេត្តកណ្តាលប្រវែង ៩.១ គីឡូម៉ែត្រ ខេត្តកំពង់ស្ពឺប្រវែង ៨០.៨គីឡូម៉ែត្រ ខេត្តកោះកុងប្រវែង ១.៩២គីឡូម៉ែត្រ និងខេត្តព្រះសីហនុប្រវែង ៨៩.៨៩គីឡូម៉ែត្រ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content