ភ្នំពេញ ៖ នៅថ្ងៃទី២៣ ខែមីនា ឆ្នាំ២០២៥ ក្រុបមហ៊ុនជីបម៉ុង រីថេល ឯ.ក ដែលជាក្រុមហ៊ុនបុត្រសម័្ពន្ឋរបស់ក្រុមហ៊ុន ជីប ម៉ុង គ្រុប បានចុះអនុស្សារណៈយោគយល់គ្នាជាមួយក្រុមហ៊ុនចំនួន៤ រួមមាន៖ ក្រុមហ៊ុន ប៊ូលហ្គូហ្គី កូរៀន ប៊ីប៊ីឃ្យូ, ក្រុមហ៊ុន ម៉ាស៊ទ័រ ស៊ូគីស៊ុប, ក្រុមហ៊ុន ឃីប ហ្គ្រោវីង តេ្រឌី ឯ.ក(ខេមបូឌា) និងក្រុមហ៊ុន អឹមអរ.ឌី.អាយ.វ៉ាយ ខេមបូឌា។

ពិធីចុះអនុស្សារណៈនេះ ត្រូវបានប្រារព្ឋឡើងក្នុងផ្សារទំនើប ជីប ម៉ុង ២៧១ មេហ្គា ម៉ល ក្រោមអធិបតីភាពលោកជំទាវ លី សុខឆេង អគ្កនាយិការក្រុមហ៊ុន ជីប ម៉ុង រីថេល ឯ.ក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុងគ្រុប និងថ្នាក់ដឹកនាំក្រុមហ៊ុនទាមង៤ និងភ្ញៀវកិត្តិយសច្រើនរូបទៀត។

លោកជំទាវ លី សុខឆេង បានសម្តែងក្ដីសោមនស្សរីករាយ ហើយបានហៅការសហការគ្នានេះថា គឺជាជំហានដ៏សំខាន់មួយក្នុងការពង្រីកសកម្មភាពអាជីវកម្មរួមគ្នា ក្នុងការផ្តល់ជូននូរផលិតផលនិងសេវាកម្ម ដែលមានគុណភាពខ្ពស់ជូនដល់អតិថិជន។ «ក្រុមហ៊ុន ជីប ម៉ុង គ្រុប បានបម្រើសេវាកម្មក្នុងប្រទេសកម្ពុជាអស់រយៈពេលជាច្រើនឆ្នាំ ហើយយើងតែងតែប្តេជ្ញាចិត្តក្នុងការនាំយកនូវ គុណភាព និងភាពជឿជាក់ដល់អតិថិជនរបស់យើង»។

លោកជំទាវសង្កត់ធ្ងន់ថា កិច្ចព្រមព្រៀងនេះនឹងជួយឱ្យយើងបន្តការអភិវឌ្ឍ និងពង្រីកវិសាលភាពនៃសេវាកម្មរបស់យើង ដើម្បីឆ្លើយតបទៅនឹងតម្រូវការទីផ្សារ ដែលកំពុងមានការប្រែប្រួលយ៉ាងឆាប់រហ័ស។ យើងប្តេជ្ញាក្នុងការបន្តលើកកម្ពស់ស្តង់ដារសេវាកម្ម និង ផលិតផលរបស់យើង ដើម្បីបំពេញទៅតាមការរំពឹងទុកនិងតម្រូវការរបស់អតិថិជន។

មុននឹងចុះអនុស្សារណៈយោគយល់គ្នា ជាមួយក្រុមហ៊ុនដ៍មានសក្តានុពលទាំង ៤ខាងលើ នៅថ្ងៃទី២៣ ខែមីនា ឆ្នាំ២០២៥ នេះដែឬ ក្រុមហ៊ុន ជីប ម៉ុង រីថែល បានប្រកាសនូវព័ត៌មានដ៏រំភើបមួយ គឺការចុះកិច្ចព្រមព្រៀងទូតសុឆន្ទៈរវាងក្រុមហ៊ុន ជីប ម៉ុង រីថែល និងអ្នកនាង មិន ចេនី ពោលចាប់ពីថ្ងៃនេះតទៅ អ្នកនាង មិន ចេនី ដែលជាតារាដ៏លេចធ្លោមួយរូបនៅប្រទេសកម្ពុជា នឹងក្លាយជាទូតសុឆន្ទៈរបស់ផ្សារទំនើប ណូរ៉ូ លេន ជាផ្លូវការហើយ។

សូមជម្រាបថា អ្នកនាង មិន ចេនី មិនមែនគ្រាន់តែជាតារាសម្តែងធម្មតាមួយរូបនោះទេ អ្នកនាងគឺជាអ្នកបង្កើតមាតាឌីជីថល ដែមានទេពកោសល្យ និងជា Key Opinion Leader (KOL) ដែលមានឥទ្ធិពលបំផុតមួយរូបនៅក្នុងប្រទេសកម្ពុជា។

ក្រោយពេលចុះអនុស្សារណៈយោគយល់គ្នា ទទួលយកអ្នកនាង មិន ចេននី ជាទូតសុឆន្ទៈ រួចមក ក្រុមហ៊ុនជីបម៉ុងក៍បានចុះអនុស្សាជាមួយក្រុមហ៊ុនទាំង៤ខាងលើ ជាបន្តបន្ទាប់តាមលំដាប់លំដោយដូចតទៅ៖

១. ក្រុមហ៊ុន ប៊ូលហ្គូហ្គី កូរៀន ប៊ីប៊ីឃ្យូ

២. ក្រុមហ៊ុន អិមអ ឌី.អាយ.វ៉ាយ (ខេមបូឌា)        

៣. ក្រុមហ៊ុន ម៉ាស្ទ័រ ស៊ុគីស៊ុប

៤.​​ ក្រុមហ៊ុន ឃីប ហ្គ្រោវីង ត្រេឌីង ឯ.ក

លោក ស្រ៊ុន សុខគីម នាយកក្រុមហ៊ុន ប៊ូលហ្គូហ្គី កូរៀន ប៊ីប៊ីឃ្យូ មានប្រសាសន៍ ក្នុងពេលចុះអនុស្សារណៈយោគយល់គ្នា បន្តនោះថា នេះគឺជាថ្ងៃប្រវត្តិសាស្ត្រដែលក្រុមហ៊ុនចាប់ផ្តើមដំណើរការថ្មីមួយ ក្នុងការពង្រីកអាជីវកម្មរបស់ខ្លួននៅក្នុងផ្សារទំនើប តាមរយៈកិច្ចសហ​ការជាមួយក្រុមហ៊ុន ជីប ម៉ុង រីថែល ឯ.ក ដែលជាម្ចាស់ផ្សារទំនើបជីបម៉ុង ២៧១ មេហ្គាម៉ល។ លោកបញ្ជាក់ដូច្នេះថា ៖ «ខ្ញុំពិតជាមានចិត្តរំភើបណាស់ ដែលយើងបានជ្រើសរើស យកផ្សារទំនើបដ៏ឈានមុខគេ សម្រាប់​បើកហាង ប៊ូលហ្គូហ្គី កូរៀន ប៊ីប៊ី ឃ្យូ ដំបូងរបស់យើង។ ខ្ញុំមានជំនឿទុកចិត្តយ៉ាងពេញទំហឹងថា ផ្សារទំនើប ជីប ម៉ុង ២៧១ មេហ្គាម៉ល គឺជាជម្រើសដ៏ល្អឥតខ្ចោះសម្រាប់អាជីវកម្មរបស់យើង ដោយសារទីតាំងយុទ្ធសាស្ត្រ គុណភាពសេវាកម្ម និងចំនួនអតិថិជនច្រើនកុះករដែលចូលមកទិញទំនិញ និងសេវាកម្មក្នុងរាល់ថ្ងៃ។»

ចំណែក លោក ប៉ែត សុខលី ប្រធានគ្រប់គ្រង អិមអ ឌី.អាយ.វ៉ាយ (ខេមបូឌា) បានបញ្ជាក់ឱ្យដឹងក្នុងពីធីចុះអនុស្សារណៈបន្ទាប់គ្នាដែរនោះថា អិមអ ឌី.អាយ.វ៉ាយ ជាក្រុមហ៊ុនលក់រាយផលិត​ផលសម្ភារៈប្រើប្រាស់ក្នុងផ្ទះ គ្រឿងសង្ហារឹមសម្ភារៈការិយាល័យ និងផលិតផល​ជាច្រើនប្រភេទទៀត ក្នុងតម្លៃសមរម្យនិងមានគុណភាពល្អ។ ការសហការគ្នានេះដោយមើលឃើញថា ផ្សារទំនើបជីបម៉ុងបានក្លាយជាទីតាំងដ៏ពេញនិយម សម្រាប់អតិថិជនក្នុងការទិញទំនិញ ប្រកប​ដោយភាពងាយស្រួលនិងទំនុកចិត្ត។

រីឯលោក សៅ ពិសិដ្ឋ នាយកប្រតិបត្តិ ក្រុមហ៊ុន ម៉ាស្ទ័រ ស៊ុគីស៊ុប ក៍បានបង្ហាញចំណាប់ខ្លួនក្នុងពិធីចុះអនុស្សារណៈយោគយល់គ្នា ដាច់ដោយឡែកមួយផ្សេងទៀត ដោយបានលើកឡើងថា ម៉ាស្ទ័រ ស៊ុគីស៊ុប ជាក្រុមហ៊ុនមានបទពិសោធន៍ និងជំនាញខ្ពស់ក្នុងវិស័យភោជ​នីយដ្ឋាន ដែលបានបង្កើតឡើងនិងទទួលបានជោគជ័យក្នុង ការគ្រប់គ្រងភោជនីយដ្ឋានល្បីៗជាច្រើនកន្លែង។ យើងជឿជាក់ថាក្រុមហ៊ុននឹងអាចបង្កើតនូវតម្លៃបន្ថែម សម្រាប់អតិថិជននិងរួមចំណែកដល់ការអភិវឌ្ឍសេដ្ឋកិច្ចកម្ពុជា។ គួរបញ្ជាក់ថា ម៉ាស្ទ័រ ស៊ុគីស៊ុប គឺជាដៃគូអាជីវកម្មតាំងពីដំបូង នៃការបើកដំណើរផ្សារជីបម៉ុងរ៉ូលេន និងបន្តចាប់ដំណើរពង្រីកអាជីវកម្មជាមួយគ្នាគ្រប់ទីកន្លែង ហើយនឹងបន្តបើកបន្ថែមហាង Sakura Buffet BBQ & Soup នៅផ្សារទំនើបជីបម៉ុង សែនសុខ ម៉ល និងហាង Munich Beer នៅផ្សារទំនើប ជីប ម៉ុង ២៧១ មេហ្គាមើលជាដើម។

ចំណែកលោក LUO CHAOMING ស្ថាបនិកក្រុមហ៊ុន ឃីប ហ្គ្រោងវី ត្រឌីង ក៍បានសម្តែងចំណាប់អារម្មណ៍ដែរថា ការមកដល់របស់ The Green Party នៅជីប ម៉ុង ២៧១ មេហ្គា ម៉ល បានផ្តល់ទំនុកចិត្តថាអតិថិជន និងរីករាយជាមួយបទពិសោធន៍ទិញទំនិញដែលគ្មានពីរ។ យើងជឿជាក់ថា ភាពជាដៃគូនេះនឹងមិនត្រឹមតែជំរុញកំណើនអាជីវកម្មប៉ុណ្ណោះទេ ប៉ុន្តែថែមទាំងរួមចំណែក ដល់ការវិវត្តន៍នៃទេសភាពលក់រាយរបស់ប្រទេសកម្ពុជាផងដែរ»។

សូមជម្រាបថា The Green Party គឺជាម៉ាកយីហោលក់រាយ ត្រូវបានទទួលស្គាល់ទូទាំងពិភពលោកដែលមានឯកទេសលើផលិតផល ដែលមិនប៉ះពាល់ដល់បរិស្ថាន ភាពច្នៃប្រឌិត និងទាន់សម័យ។ ដោយក្នុងនោះក្រុមហ៊ុនបានផ្តល់ជូននូវទំនិញជាច្រើនប្រភេទ រួមទាំងគ្រឿងបន្លាស់ម៉ូដ ប្រដាប់ប្រដាក្មេងលេង ផលិតផលឌីជីថល របស់ប្រើប្រាស់ក្នុងផ្ទះ របស់របរតាមរដូវកាលនិងផលិតផលអាហារ។ ហើយបច្ចុប្បន្នក្រុមហ៊ុនមានហាងប្រមាណ 2,០០០ ជាងទីតាំងនៅទូទាំងពិភពលោក។

អ្នកនាង ថន ច័ន្ទវណ្ណដា ប្រធានផ្នែកជួលទីតាំងនៃក្រុមហ៊ុន​ ជីប ម៉ុង រីថែល បានមានប្រសាសន៍ថា ការចុះកិច្ចព្រមព្រៀងនៅថ្ងៃនេះ គឺជាសក្ខីភាពនៃការបើកទំព័រថ្មីនៃកិច្ចសហរ ប្រតិបត្តិការរវាងក្រុមហ៊ុនទាំងពីរ។ តាមរយៈការចាប់ដៃគូជាមួយ ក្រុមហ៊ុននិងទូរសុឆន្ទះចខាងលើ យើងនឹងបង្កើនសក្តានុពលរបស់ផ្សារទំនើប ជីប ម៉ុង ក្នុងការផ្តល់ជម្រើស កាន់តែទូលំទូលាយនៃផលិតផលប្រចាំថ្ងៃដល់អតិថិជនកម្ពុជា។

អ្នកនាងបានបញ្ជាក់ទៀតថា មុននឹងសម្រេចចាប់យកក្រុមហ៊ុន ក៏ដូចជាប្រេនផ្សេងៗចូល ផ្សារទំនើបរបស់យើង ក្រុមការងាររបស់នាងខ្ញុំបានសិក្សាពីទីផ្សារ ម៉ាកយីហោ និង តម្រូវការអតិថិជនរបស់យើងយ៉ាងច្បាស់។ ការសិក្សានេះបានបង្ហាញយ៉ាងច្បាស់ថា ក្រុមហ៊ុនទាំង៤ខាងលើ គឺជាជម្រើសដ៏ល្អបំផុត ដែលអាចបំពេញតម្រូវការរបស់អតិថិជន និងស្របទៅនឹងទស្សនវិស័យរបស់ក្រុមហ៊ុនជីបម៉ុង ក្នុងការផ្តល់នូវ បទពិសោធន៍ទិញទំនិញដ៏ល្អឥតខ្ចោះដល់អតិថិជន៕