ការអភិវឌ្ឍតាមព្រំដែននៃខេត្តព្រៃវែងបានជំរុញឲ្យតម្លៃដីធ្លីនៅតំបន់ខ្លះហក់ឡើងថ្លៃខ្ពស់

ភ្នំពេញ ៖ បច្ចុប្បន្ននេះ ការអភិវឌ្ឍនៅក្នុងវិស័យអចលនទ្រព្យទូទៅនៅប្រទេសកម្ពុជាបានបន្តរីកសាយភាយស្ទើរតែទូទាំងប្រទេសទៅហើយ គ្រាន់តែខេត្តខ្លះមានសក្ដានុពលខ្ពស់ ហើយខ្លះទៀតមានការចាប់អារម្មណ៍តិចតួច។ ដោយឡែកខេត្តព្រៃវែង ដែលជាខេត្តមួយមិនសូវមានសក្ដានុពលើវិស័យអចលនទ្រព្យពីមុនមកនោះ បច្ចុប្បន្នបានចាប់ផ្ដើមមានសន្ទុះនៃតម្លៃដីធ្លីគួរឱ្យកត់សម្គាល់ ជាពិសេសនៅតំបន់ទីប្រជុំជន និងតំបន់ព្រំដែនដែលកំពុងមានការអភិវឌ្ឍ។

លោក ម៉ៅ មុនីរតនា ប្រធានសាខានៃក្រុមហ៊ុន Century 21 Zillion Holding ប្រចាំខេត្តព្រៃវែងបានមានប្រសាសន៍ប្រាប់ AMS តាមទូរសព្ទឱ្យដឹងថា ពីមុនបើនិយាយពីខេត្តព្រៃវែង ពិតជាមិនសូវមានសក្ដានុពលលើការអភិវឌ្ឍដីធ្លី ឬអចលនទ្រព្យនោះទេ ហើយតម្លៃដីធ្លីវិញទោះបីលក់ចេញក្នុងតម្លៃទាបក៏រកអ្នកទិញមិនបាន ប៉ុន្តែក្រោយពេលរដ្ឋាភិបាលបានអភិវឌ្ឍន៍តំបន់ច្រកព្រំដែនកម្ពុជា-វៀតណាម និងបើកច្រកព្រំដែនរវាងកម្ពុជា និងវៀតណាមនៅក្នុងខេត្តព្រៃវែងជាបន្តបន្ទាប់បានធ្វើឱ្យខេត្តមួយនេះទទួលបានការចាប់អារម្មណ៍ និងជំរុញឱ្យតម្លៃដីធ្លីហក់ឡើងមួយកម្រិតទៀតផងដែរ។

លោកបន្តថា ការបើកច្រកព្រំដែនបានហុចផលប្រយោជន៍ជាច្រើនដល់ការធ្វើពាណិជ្ជកម្ម ការដឹកជញ្ជូនរវាងកម្ពុជា និងវៀតណាម និងជាពិសេសបានធ្វើឱ្យដីធ្លីដែលមិនធ្លាប់មានតម្លៃបានហក់ឡើងខ្ពស់។

លោកថា ៖

“ដីធ្លីនៅតំបន់មួយចំនួនក្បែរច្រកព្រំដែន ដែលជាប្រភេទដីចំការកាលពីប្រមាណ១០ឆ្នាំមុន បើទោះបីលក់ត្រឹមមួយហិកតា ១លាន រឺ ២លានរៀលក៏គ្មានអ្នកទិញ តែពេលនេះវាបានហក់ឡើងដល់ជិត១លានដុល្លារអាមេរិកក្នុងមួយហិកតា នៅតំបន់ដែលជាប់នឹងផ្លូវធំៗ”

លោកបន្ថែមថា បច្ចុប្បន្ននេះ ក្រុមហ៊ុនក្នុងស្រុកមួយចំនួនបានបញ្ចេញសកម្មភាពអភិវឌ្ឍន៍របស់ខ្លួននៅក្នុងខេត្តព្រៃវែងជាបណ្ដើរៗហើយ ដូចជាក្រុមហ៊ុនអភិវឌ្ឍន៍បុរីលំនៅឋាន អភិវឌ្ឍន៍ដីឡូត៍ និងក្រុមហ៊ុនក្នុងស្រុកមួយអភិវឌ្ឍន៍ជាផ្ទះលំហែក្នុងខេត្តព្រៃវែងផងដែរ ។ ក្រៅពីនោះ ព្រៃវែងក៏មានការអភិវឌ្ឍទៅលើផ្លូវថ្មីៗមួយចំនួនដែលគម្រោងទាំងនេះបានជំរុញឱ្យខេត្តព្រៃវែងកាន់តែទាក់ទាញដល់ការវិនិយោគបន្ថែមទៀត ជាពិសេសគម្រោងផ្លូវថ្មីពីព្រៃវែងមកកាន់រាជធានីភ្នំពេញ ដែលមានចំងាយត្រឹមតែជាង៥០គីឡូម៉ែត្រ ខណៈបច្ចុប្បន្នចំងាយពីភ្នំពេញទៅព្រៃវែង មានរហូតដល់ជាង៩០គីឡូម៉ែត្រ ដូច្នេះវានឹងបង្ខិតភ្នំពេញ និងព្រៃវែងកាន់តែជិត និងងាយស្រួលដល់ការដឹកជញ្ជូនចេញចូលភ្នំពេញ-ព្រៃវែងផងដែរ ។

លោកបន្ថែមទៀតថា ៖

“នៅពេលអនាគត យើងរំពឹងថាសក្ដានុពលវិនិយោគនៅខេត្តព្រៃវែង នឹងកាន់តែមានសន្ទុះបន្ថែមទៀត ហើយតម្លៃដីធ្លីនៅខេត្តនេះនឹងកាន់តែកើនឡើងទៀតផងដែរ ដូច្នេះ វិនិយោគិនអចលនទ្រព្យដីធ្លីអាចរកទិញដីធ្លីនៅព្រៃវែងដើម្បីរកប្រាក់ចំណេញនៅពេលអនាគត”

លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group ក៏បានឱ្យដឹងថា សក្ដានុពលវិនិយោគនៅខេត្តព្រៃវែងនឹងកាន់តែមានសន្ទុះបន្ថែមទៀតក្រោយពេលដែលរាជរដ្ឋាភិបាលចាប់ផ្ដើមគម្រោងផ្លូវល្បឿនលឿនភ្នំពេញ-បាវិត ខណៈផ្លូវនេះក៏នឹងរត់កាត់ខេត្តព្រៃវែង ហើយបង្ខិតខេត្តព្រៃវែងកាន់តែជិតភ្នំពេញ ដែលជាការសម្រួលដល់ការដឹកជញ្ជូនទំនិញ ទៅកាន់ច្រកព្រំដែន ។ ដូច្នេះតំបន់តាមបណ្ដោយផ្លូវល្បឿនលឿនភ្នំពេញ-បាវិតនឹងក្លាយជាតំបន់អភិវឌ្ឍន៍លើឃ្លាំងស្តុកទំនិញ ផែស្ងួត ជាដើម ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន