សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វេទិកា និងពិព័រណ៍ប្រចាំឆ្នាំស្ដីពីការជំរុញការលក់ និងការធ្វើទីផ្សាររបស់សហគ្រាសធុនតូច និងមធ្យមប្រចាំឆ្នាំ ២០២៣ បានរៀបចំដោយសភាយុវពាណិជ្ជករអន្តរជាតិកម្ពុជា សាខាភ្នំពេញ កាលពីថ្ងៃសៅរ៏ ទី០៣ និងទី០៤ ខែមិថុនា ឆ្នាំ២០២៣ ជាការជួបជុំដ៏ធំរវាងម្ចាស់សហគ្រាស អ្នកឯកទេសផ្នែកលក់ និងទីផ្សារ ក្នុងប្រទេសកម្ពុជា។
សភាយុវពាណិជ្ជករអន្ដរជាតិកម្ពុជា សាខាភ្នំពេញ បានចាប់ដៃគូសហការជាមួយអង្គការ UNIDO ប្រចាំប្រទេសកម្ពុជា និងក្រុមហ៊ុន POMA Media រួមជាមួយនឹងផ្ដល់ជាទីតាំងពី Factory Phnom Penh ព្រមជាមួយការសហការឩបត្ថម្ភពីបណ្តាក្រុមហ៊ុនឯកជនផ្សេងៗ ការគាំទ្រពីស្ថាប័នរដ្ធ អង្គការ និងសមាគមនានា បានចូលរួមក្នុងការរៀបចំវេទិកា និងពិព័រណ៍ប្រចាំឆ្នាំ ស្ដីពី ការជំរុញការលក់ និងការធ្វើទីផ្សាររបស់សហគ្រាសធុនតូច និងមធ្យមប្រចាំឆ្នាំ២០២៣ ដែលបានប្រព្រឹត្តទៅកាលពីថ្ងៃទី០៣ និង ០៤ ខែមិថុនា ឆ្នាំ២០២៣ ចាប់ពីវេលាម៉ោង ៨:០០ព្រឹក ដល់ម៉ោង ៥:០០ល្ងាចនៅ Factory Phnom Penh ចក្រអង្រែក្រោម។
ក្នុងវេទិកានេះទៀតសោត អ្នកចូលរួមប្រមាណជាង ២០០នាក់ ក៏ទទួលបាននូវព័ត៌មាន គំនិត ចំណេះដឹង ពាក់ព័ន្ធនឹងការលក់ និងការធ្វើទីផ្សាររបស់សហគ្រាសធុនតូច និងមធ្យម ជាមួយការធ្វើបទបង្ហាញ ការបណ្តុះបណ្តាល និងការចែករំលែកយុទ្ធសាស្រ្តនានាពីសំណាក់វាគ្មិន និងអ្នកជំនាញជាង១០រូប ។ លើសពីនេះ អ្នកចូលរួមទាំងអស់ក៏មានឱកាសប្រឹក្សាយោបល់ពីគ្រូបណ្តុះបណ្តាលជំនាញៗ ដែលមានបទពិសោធន៍ច្រើនឆ្នាំក្នុងការកសាងស្លាកសញ្ញាអាជីវកម្មអោយមានការទទួលស្គាល់ទាំងក្នុង និងក្រៅប្រទេសផងដែរ។
អ្វីដែលកាន់តែពិសេសទៀតនោះ ក្រៅពីសិក្ខាសាលា ក៏មាននូវការតាំងពិព័រណ៍អាជីវកម្មជាច្រើនទៀតមកពីបណ្តាក្រុមហ៊ុននានាចំនួនជាង ៣០ក្រុមហ៊ុន រួមជាមួយសកម្មភាពទំនាក់ទំនង និងការពង្រីកបណ្តាញជាមួយសហគ្រាសធុនតូច និងមធ្យមដទៃទៀតយ៉ាងឱឡារិកថែមទៀតផង។
គូសបញ្ជាក់ផងដែរថា នេះជាឆ្នាំទី៩ហើយ ដែលសភាយុវពាណិជ្ជករអន្តរជាតិកម្ពុជាសាខាភ្នំពេញ បានរៀបចំវេទិកាសហគ្រិននេះឡើង ។ ក្រុមការងាររបស់សភាយុវពាណិជ្ជករអន្តរជាតិកម្ពុជាសាខាភ្នំពេញសង្ឃឹមថាកម្មវិធីនេះនឹងនៅតែមានសន្ទុះនៃការគាំទ្រ ការចូលរួម និងការសហការឩបត្ថម្ភពីស្ថាប័នរដ្ធ និង ឯកជននៅបណ្តាឆ្នាំក្រោយៗទៀត។
Account
Security
Favourite Content