សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សកម្មភាពនៃការសាងសង់សំណង់នៅក្នុងប្រទេសកម្ពុជាត្រូវបានគេមើលឃើញថា មានដំណើរការបន្តបន្ទាប់ក្នុងឆ្នាំ២០២០ ឆ្នាំ២០២១ និងឆ្នាំ២០២២នេះ ជាក់ស្ដែងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ឱ្យដឹងថា ក្នុងរយៈពេល៩ខែដើមឆ្នាំ ឬ៣ត្រីមាសដំបូង ក្រសួងរៀបចំដែនដីនគរូបនីយកម្ម និងសំណង់បានផ្ដល់លិខិតអនុញ្ញាតសាងសង់ទូទាំងប្រទេសចំនួន ៣ ១៧៦គម្រោង ។
ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ថ្លែងនៅក្នុងពិធីបើកពិព័រណ៍វិស័យផ្គត់ផ្គង់ម្ហូបអាហារ សណ្ឋាគារ និងវិស័យសំណង់នៅថ្ងៃទី១៦ ខែវិច្ឆិកា ឆ្នាំ២០២២ នេះថា ក្នុងចំណោមគម្រោងសាងសង់ទូទាំងប្រទេស ៣ ១៧៦គម្រោងគិតជាទឹកប្រាក់វិនិយោគមានចំនួនប្រមាណ ១ ៩៦៣លានដុល្លារអាមេរិកក្នុងនោះបានផ្ដល់លិខិតអនុញ្ញាតសាងសង់គម្រោងបណ្ដុំលំនៅឋានមានលក្ខណជាបុរីចំនួន២០គម្រោង គម្រោងអគារខ្ពស់ៗចាប់ពី៥ជាន់ឡើងទៅមានចំនួន៩៨គម្រោងស្មើនឹង១០០អគារ ដែលក្នុងនោះដែររាជធានីភ្នំពេញមាន៦៣គម្រោង ខេត្តព្រះសីហនុ ១១គម្រោង ខេត្តបន្ទាយមានជ័យ១២គម្រោង និងបណ្ដាខេត្តខេត្តផ្សេងៗទៀតមាន១២គម្រោង ។
ឯកឧត្តមបន្តថា ជាមួយនឹងកំណើននៃគម្រោងសាងសង់នាំឱ្យមានតម្រូវការលើសម្ភារៈសំណង់ បរិក្ខារសំណង់ ផលិតផលសំណង់ និងបច្ចេកវិទ្យាសំណង់ ដែលក្នុងនោះចាំបាច់ត្រូវមានស្តង់ដារត្រឹមត្រូវអនុលោមតាមបទប្បញ្ញតិ្ត បច្ចេកទេសសំណង ដើម្បីធានាគុណភាពសំណង់ និងសុវត្ថិភាពរបស់អ្នកប្រើប្រាស់សំណង់រួមទាំងគាំទ្រដល់ការអភិវឌ្ឍធ្វើឱ្យទីក្រុងមានភាពរស់រវើក មានការតភ្ជាប់ និងមានសុវត្ថិភាព ប្រកបដោយនិរន្តរភាព និងបរិស្ថាននៃការរស់នៅកាន់តែល្អប្រសើរ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានលើកឡើងថា ការអភិវឌ្ឍវិស័យសំណង់ក្នុងរយៈពេលជាង២ឆ្នាំកន្លងមកនេះ នៅតែមានសកម្មភាព និងមានការអភិវឌ្ឍដដែលគ្រាន់តែសកម្មភាពនៃការអភិវឌ្ឍមានការថមថយបន្តិចធៀបនឹងមុនពេលកើតមានវិបត្តិ ។
លោកបន្តថា គម្រោងអភិវឌ្ឍន៍ចំនួនធំគឺជាគម្រោងវិនិយោគដោយវិនិយោគិនក្នុងស្រុក ខណៈអ្នកវិនិយោគមកពីបរទេសមានការថមថយបន្តិច ពីព្រោះតែបញ្ហានៃការធ្វើដំណើរ ហើយក្នុងឆ្នាំ២០២២នេះក៏មានវិបត្តិនៃសង្គ្រាមរវាងរុស្ស៊ី និងអ៊ុយក្រែនទៀតដែលធ្វើឱ្យមានការរារាំងដល់ការមកដល់នៃវិនិយោគិនមកកាន់ប្រទេសកម្ពុជា ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
រដ្ឋមន្ត្រីក្រសួងរៀបចំដែនដី អញ្ជើញជាអធិបតីប្រគល់វិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ៥ភូមិ នៅស្រុកបន្ទាយមាស ខេត្តកំពត
ក្រសួងរៀបចំដែនដី បាន និងកំពុងដំណើរការចុះបញ្ជីដីសហគមន៍សមូហភាពជូនបងប្អូនជនជាតិដើមភាគតិចតាមបណ្តាសហគមន៍ភូមិភាគឦសាន
Account
Security
Favourite Content