ក្រុមហ៊ុនជប៉ុនថ្មីមួយទៀតចង់វិនិយោគលើការកែច្នៃសំបកគ្រាប់ស្វាយចន្ទីធ្វើជាសម្ភារ

ភ្នំពេញ ៖ ក្រុមហ៊ុន YEBISS HOLDINGS របស់ជប៉ុនថ្មីមួយទៀតមានគម្រោងវិនិយោគលើការដាំដុះដំណាំស្វាយចន្ទី និងសាងសង់រោងចក្រកែច្នៃគ្រាប់ស្វាយចន្ទីសម្រាប់នាំចេញ ជាពិសេសការកែច្នៃសំបកគ្រាប់ស្វាយចន្ទីដែលជាសំណល់ធ្វើជាសម្ភារប្រើប្រាស់ផ្សេងៗដូចជាកំប៉ុង ថង់ កែវ ទុយូ ប្រអប់។ល។ ជំនួសឱ្យវត្ថុប្លាស្ទីកដែលកំពុងបំផ្លាញបរិស្ថាន។

លោក Akira Taniguchi នាយកក្រុមហ៊ុន YEBISS HOLDINGS កាលពីថ្ងៃទី២៥ ខែមករា ឆ្នាំ២០២២ ក្នុងឱកាសចូលជួបសម្ដែងការគួរសមជាមួយឯកឧត្តម វេង សាខុន រដ្ឋមន្ត្រីក្រសួងកសិកម្ម បានលើកឡើងពីគោលបំណងក្នុងការចូលខ្លួនមកវិនិយោគនៅកម្ពុជាលើការដាំដុះដំណាំស្វាយចន្ទី ហើយប្រមូលផលយកគ្រាប់ស្វាយចន្ទីកែច្នៃសម្រាប់នាំចេញទៅកាន់ទីផ្សារជប៉ុន និងទីផ្សារអន្តរជាតិ។ បន្ថែមពីនេះ ក្រុមហ៊ុនក៏មានបំណងយកសំបកគ្រាប់ស្វាយចន្ទីដែលជាសំណល់ចុងក្រោយកែច្នៃធ្វើជាសម្ភារប្រើប្រាស់ផ្សេងៗដូចជាបំពង់បឺត (ទុយូ) កែវ ថង់ ប្រអប់ដាក់បាយជាដើម ដើម្បីចូលរួមថែរក្សាបរិស្ថាន។

លោក Akira Taniguchi បានលើកឡើងក្នុងកិច្ចពិភាក្សាអំពីកម្មវត្ថុវិនិយោគលើដំណាំស្វាយចន្ទី លើផ្ទៃដី ១០០០ហិកតា ក្នុងខេត្តព្រះវិហារ ដែលការវិនិយោគនេះមានគោលបំណងសំខាន់៣ គឺ ៖ ទី១- បង្កើតរោងចក្រកែច្នៃគ្រាប់ស្វាយចន្ទីសម្រាប់នាំចេញទៅកាន់ទីផ្សារជប៉ុន និងទីផ្សារអន្តរជាតិផ្សេងទៀត ទី២- កែច្នៃសំបកគ្រាប់ស្វាយចន្ទីជាប្រេង ដើម្បីយកទៅកែច្នៃធ្វើជាសម្ភារប្រើប្រាស់ដូចជា កំប៉ុង ថង់ កែវ ទុយូ ប្រអប់។ល។ ជំនួសឲ្យវត្ថុប្លាស្ទីកដែលកំពុងបំផ្លាញបរិស្ថាន។

លោកបានថ្លែងថា ៖

“អ្វីដែលមានសារៈសំខាន់បំផុតនោះគឺការកែច្នៃ និងផលិតជាផលិតផលប្រើប្រាស់ ដូចជា កំប៉ុង ដប ថង់ ។ល។ ដែលផលិតចេញជាប្រេងពីសំបកគ្រាប់ស្វាយចន្ទី នឹងអាចរលាយយ៉ាងងាយស្រួលបំផុតទៅក្នុងដីក្រោយពេលបានប្រើប្រាស់រួច”

ឯកឧត្តម វេង សាខុន រដ្ឋមន្ត្រីបានសម្តែងការគាំទ្រចំពោះកម្មវត្ថុនៃការវិនិយោគរបស់ក្រុមហ៊ុនលើផលិតកម្មគ្រាប់ស្វាយចន្ទី ការកែច្នៃ និងការនាំចេញ។ ជាមួយគ្នានេះឯកឧត្តមក៏បានបានបង្ហាញជូនលោកនាយកក្រុមហ៊ុនដោយសង្ខេបអំពីសក្តានពលនៃដំណាំស្វាយចន្ទី ទិន្នផលប្រមូលបាន និងបរិមាណនាំចេញ ជាពិសេសថ្មីៗនេះមានក្រុមហ៊ុនក្នុងស្រុកមួយសហការជាមួយក្រុមហ៊ុនជប៉ុនបាននាំចេញផលិតផលស្វាយចន្ទីកែច្នៃរួចចេញទៅកាន់ទីផ្សារជប៉ុន ហើយផលិតផលនេះត្រូវបានដាក់តាំងបង្ហាញ និងមានការគាំទ្រយ៉ាងខ្លាំងពីអតិថិជនជប៉ុនទៀតផង។

ឯកឧត្តមរដ្ឋមន្ត្រីបានសង្កត់ធ្ងន់ថា គម្រោងវិនិយោគនេះនឹងនាំមកនូវពហុប្រយោជន៍យ៉ាងច្រើនដល់កសិករ សហគមន៍ និងចម្ការស្វាយចន្ទី តាមរយ:ការផ្សព្វផ្សាយបច្ចេកទេស ពូជ ជី និងថ្នាំសម្លាប់សត្វល្អិតចង្រៃ និងជាពិសេសប្រើប្រាស់អស់លទ្ធភាពនូវវត្ថុធាតុដើមដ៏មានតម្លៃមួយនេះ។

ឯកឧត្តមបានមានប្រសាសន៍ថា ៖

“គម្រោងវិនិយោគស្វាយចន្ទី ក៏បានបង្កើតការងារ និងបង្កើនប្រាក់ចំណូលដល់បងប្អូនប្រជាពលរដ្ឋ ក៏ដូចជាក្នុងសហគមន៍ផងដែរ ដែលជាការចូលរួមចំណែកក្នុងការបង្កើនសេដ្ឋកិច្ចគ្រួសារ ឆ្លើយតបទៅតាមចក្ខុវិស័យរបស់រាជរដ្ឋាភិបាលនាឆ្នាំ២០៣០ និងឆ្នាំ២០៥០”

ឯកឧត្តមរដ្ឋមន្ត្រីបានផ្តល់យោបល់ឱ្យក្រុមហ៊ុនបង្កើតរោងចក្រជាជំហានដំបូង ជាការសាកល្បងប្រើប្រាស់វត្ថុធាតុដើម (សំបក) បន្ទាប់មកធ្វើកិច្ចសន្យាប្រមូលទិញពីប្រជាកសិករ សហគមន៍ និងក្រុមហ៊ុនក្នុងស្រុកមួយចំនួនទៀត សំខាន់ជាងនេះគឺស្រូបយកពលកម្មក្នុងស្រុក បង្កើតការងារ និងបង្កើនប្រាក់ចំណូល។

ឯកឧត្តម វេង សាខុន ក៏បានជម្រាបជូនលោកនាយកថាក្រសួងនឹងរង់ចាំផ្តល់កិច្ចសហការគ្រប់បែបយ៉ាងធ្វើយ៉ាងណាឱ្យគម្រោងវិនិយោគនេះទទួលបានជោគជ័យ ទីមួយគឺមានឈ្មោះល្បីលើឆាកអន្តរជាតិថាកម្ពុជាយកសំបកគ្រាប់ស្វាយចន្ទីធ្វើជាប្រេង និងទីពីរកម្ពុជាយកសំបងគ្រាប់ស្វាយចន្ទីជាប្រយោជន៍សម្រាប់វិស័យឧស្សាហកម្មជំនួសប្លាស្ទីក កែច្នៃជាសម្ភារប្រើប្រាស់ជាពហុប្រយោជន៍ ដែលពីមុនវាមានតម្លៃស្នើសូន្យ៕

លោក កែ ផុស | Mr. Ker Phors

ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

ទំនាក់ទំនងភ្ជាប់សេវាកម្ម៖

093 222 034 ឬ 088 222 0765

www.neocomisp.com NeocomISP Limited

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

សមាគមមីក្រូហិរញ្ញវត្ថុកម្ពុជា ពង្រឹងកិច្ចការពារអតិថិជនក្រោមកិច្ចសហការជាមួយដៃគូអភិវឌ្ឍន៍ជាតិ និងអន្តរជាតិ

ព្រឹត្តិការណ៍, ហិរញ្ញវត្ថុ

• 07/07/2025

សមាគមមីក្រូហិរញ្ញវត្ថុកម្ពុជា (CMA) នារសៀលថ្ងៃទី៧ ខែកក្កដា ឆ្នាំ២០២៥នេះ បានបញ្ជាក់ជាថ្មីនូវការប្តេជ្ញាចិត្តរយៈពេលយូរអង្វែងរបស់ខ្លួនក្នុងកិច្ចការពារអតិថិជននៅទូទាំងប្រទេសតាមរយៈការពង្រឹងប្រព័ន្ធនានារបស់ខ្លួន ស្តង់ដាររបស់ស្ថាប័ន ព្រមទាំងការអនុវត្តការដែលពង្រឹងភាពស្មើភាព តម្លាភាព និងការគោរពអតិថិជនទាំងអស់

គម្រោងចំនួន៧ ដែលមានទំហំវិនិយោគ ១២៣លានដុល្លារអាម៉េរិក និងបង្កើតការងារប្រមាណ ២ពាន់កន្លែងបានស្នើសុំចុះបញ្ជីគម្រោងវិនិយោគ

ព្រឹត្តិការណ៍, សេដ្ឋកិច្ច

• 07/07/2025

គម្រោងចំនួន៧ ដែលមានទំហំវិនិយោគសរុបប្រមាណ ១២៣លានដុល្លារអាម៉េរិក និងបង្កើតការងារប្រមាណ ២ពាន់កន្លែង បានស្នើសុំចុះបញ្ជីគម្រោងវិនិយោគនៅកម្ពុជា

កម្ពុជា មានទំនិញជាង ៣០០ប្រភេទ សម្រាប់នាំចេញទៅទីផ្សារប្រទេសចិន

ព្រឹត្តិការណ៍, សេដ្ឋកិច្ច

• 07/07/2025

កសិផលកម្ពុជាប្រមាណជាង ៣០០ ប្រភេទ ដែលអាចនាំចេញទៅលក់ក្នុងទីផ្សារប្រទេសចិន ហើយកម្ពុជាក៏កំពុងសម្លឹងមើលពីឱកាសនៃការពង្រីកទំហំនាំចេញទៅកាន់ទីផ្សារប្រទេសចិនថែមទៀត បន្ទាប់ពីបញ្ហាព្រំដែនកម្ពុជា - ថៃ ត្រូវបានបិទខ្ទប់

Donald Trump គំរាមដាក់ពន្ធបន្ថែម ១០% លើក្រុមប្រទេស BRICS ប្រសិនបើអនុវត្តគោលនយោបាយប្រឆាំងនឹងអាម៉េរិក

ព្រឹត្តិការណ៍, សេដ្ឋកិច្ច

• 07/07/2025

បន្ទាប់ពីកិច្ចប្រជុំកំពូល BRICS បានកើតឡើងកាលពីថ្ងៃអាទិត្យ ប្រធានាធិបតីអាម៉េរិក Donald Trump គំរាមដាក់ពន្ធបន្ថែម ១០% លើប្រទេសណាមួយដែលអនុវត្តគោលនយោបាយរបស់ BRICS ប្រឆាំងនឹងអាម៉េរិក

ក្រុមហ៊ុនចិនស្វែងរកទីតាំងថ្មីដើម្បីពង្រីកការវិនិយោគបង្កើនរោងចក្រផលិតស្រោមដៃពេទ្យឱ្យបាន១០ទីតាំង

ព្រឹត្តិការណ៍, សេដ្ឋកិច្ច

• 07/07/2025

ក្រុមហ៊ុនចិន Shijiazhuang Hongray Group Co., Ltd. ដែលមានរោងចក្រផលិតស្រោមដៃពេទ្យនិងឧបករណ៍ការពារខ្លួន(PPE) នៅក្នុងតំបន់សេដ្ឋកិច្ចមេហាតធេន ខេត្តស្វាយរៀង កំពុងស្វែងរកទីតាំងថ្មីដើម្បីបង្កើនចំនួនរោងចក្របន្ថែមទៀត

ក្រុមហ៊ុនរដ្ឋចិន Huawei បង្ហាញគំរូថ្មសាករថយន្តអគ្គិសនីថ្មី មានសមត្ថភាពខ្លាំងដាច់គេក្នុងបច្ចេកវិទ្យាបច្ចុប្បន្ន

ព្រឹត្តិការណ៍, អាជីវកម្មថ្មី និងនវានុវត្ត

• 07/07/2025

ក្រុមហ៊ុនបច្ចេកវិទ្យាយក្សរបស់ចិន Huawei បង្ហាញគំរូថ្មនៃរថយន្តអគ្គិសនីថ្មីមួយដែលមានដង់ស៊ីតេថាមពលខ្ពស់ខ្លាំងជាងកម្រិតថាមពលដែលថ្មរថយន្តអគ្គិសនីបច្ចុប្បន្នកំពុងដំណើរការដល់ទៅ ២ ឬ ៣ ដងឯណោះ

អបអរសាទរ ! ការទូទាត់ឆ្លងដែនតាមឃ្យូអរកូតដំណាក់កាលទី១ រវាងកម្ពុជា – ជប៉ុន បានចាប់ផ្តើមចេញដំណើរហើយ

ព្រឹត្តិការណ៍, ហិរញ្ញវត្ថុ

• 07/07/2025

ធនាគារជាតិនៃកម្ពុជា ជាមួយក្រសួងសេដ្ឋកិច្ចនៃប្រទេសជប៉ុន និងសមាគមទូទាត់ជប៉ុន ប្រកាសដាក់ឱ្យដំណើរការជាផ្លូវការការនូវការទូទាត់ឆ្លងដែនតាមឃ្យូអរកូតដំណាក់កាលទី១

ដំណឹងល្អ ! ស្ពានឆ្លងកាត់ទន្លេមេគង្គខេត្តក្រចេះ នឹងបើកឱ្យឆ្លងកាត់ជាបណ្តោះអាសន្នក្នុងអំឡុងបុណ្យដាក់បិណ្ឌ

ព្រឹត្តិការណ៍, អចលនទ្រព្យ

• 07/07/2025

ស្ពានឆ្លងកាត់ទន្លេមេគង្គខេត្តក្រចេះ ដែលរាជរដ្ឋាភិបាលបានប្រសិទ្ធនាមឈ្មោះឱ្យថា «ស្ពានមិត្តភាព-កម្ពុជា-ចិន មេគង្គក្រចេះ» គ្រោងនឹងបើកឱ្យបងប្អូនប្រជាពលរដ្ឋធ្វើដំណើរឆ្លងកាត់បណ្តោះអាសន្នអំឡុងពិធីបុណ្យដាក់បិណ្ឌ និងភ្ជុំបិណ្ឌ ក្នុងខែកញ្ញាខាងមុខនេះសម្រាប់យានយន្តធុនតូច បន្ទាប់ពីសម្រេចវឌ្ឍនភាពបាន ៩៦ភាគរយ