សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងស្ថានភាពដែលសេដ្ឋកិច្ចពិភពលោកមិនទាន់មានភាពប្រាកដប្រជានៅឡើយ ការវិនិយោគនានាក៏ត្រូវមានការប្រយ័ត្នប្រយែង ជាពិសេសវិនិយោគិនដែលចង់បណ្ដាក់ទុនវិនិយោគលើវិស័យអចលនទ្រព្យ ដែលមិនទាន់មានបទពិសោធន៍ គឺត្រូវមានការប្រយ័ត្នខ្ពស់មុននឹងសម្រេចចិត្តដាក់ទុនវិនិយោគ ។
អ្នកនាង គឹម គិនកេសា អគ្គនាយិការងនៃក្រុមហ៊ុន CBRE Cambodia បានមានប្រសាសន៍ ក្នុងស្ថានភាពបច្ចុប្បន្ននេះ វិនិយោគិនអាចបន្តដាក់ទុនវិនិយោគលើវិស័យអចលនទ្រព្យ និងវិស័យផ្សេងទៀតបានដដែល ប៉ុន្តែការវិនិយោគរបស់ពួកគាត់ត្រូវមានការប្រយ័ត្នប្រយែងខ្ពស់ជាងមុន ពីព្រោះក្នុងឆ្នាំ២០២៣នេះ ស្ថានភាពនៃការវិនិយោគ ការទិញលក់អចលនទ្រព្យបានបង្ហាញថា អាចមានផលលំបាកជាងឆ្នាំ២០២២ទៅទៀត។
អ្នកនាងបន្តថា សង្គ្រាមរវាងរុស្ស៊ី និងអ៊ុយក្រែន និងការដួលរលំនៃធនាគាររបស់សហរដ្ឋអាមេរិក វានឹងមិនប៉ះពាល់ដល់ទីផ្សារអចលនទ្រព្យកម្ពុជាភ្លាមៗទេ ប៉ុន្តែបើសិនជាស្ថានភាពនេះនៅតែបន្តអូសបន្លាយ វាអាចនឹងមានប៉ះពាល់ដល់អចលនទ្រព្យ។ វិស័យអចលនទ្រព្យគឺតែងតែរងផលប៉ះពាល់ក្រោយគេ ជាក់ស្ដែង ដូចជាក្នុងវិបត្តិកូវីដ១៩ វិស័យផ្សេងៗបានរងផលប៉ះពាល់ភ្លាមៗ តែអចលនទ្រព្យបានរងផលប៉ះពាល់ក្រោយគេ ដូច្នេះហើយបើសិនជាស្ថានភាពវិបត្តិឆាប់ចប់ នោះវិស័យអចលនទ្រព្យនឹងមិនប៉ះពាល់ធ្ងន់ធ្ងរនោះទេ ។
លោកស្រី អាន សុធីតា នាយិកាប្រតិបត្តិនៃក្រុមហ៊ុន PropNex Cambodia បានមានប្រសាសន៍ថា ក្នុងស្ថានភាពបែបនេះ វាជាពេលវេលាល្អសម្រាប់ទិញ ជាពិសេសអចលនទ្រព្យដែលម្ចាស់ត្រូវការលក់បន្ទាន់ ប៉ុន្តែក្នុងចំណោមប្រភេទអចលនទ្រព្យទាំងនោះក៏មានអចលនទ្រព្យខ្លះត្រូវការលក់ និងអចលនទ្រព្យខ្លះទៀតត្រូវការទិញ។ បើសិនជាមិនច្បាស់ថា តើត្រូវលក់មួយណា ហើយត្រូវទិញមួយណានោះ គឺអាចប្រឹក្សាជាមួយអ្នកជំនាញអចលនទ្រព្យបាន ។
លោកស្រីបានបន្តថា ពាក់ព័ន្ធនឹងស្ថានភាពសេដ្ឋកិច្ចពិភពលោកនាពេលបច្ចុប្បន្ននេះ អ្នកវិនិយោគត្រូវមានការប្រយ័ត្នប្រយែង ប៉ុន្តែនៅក្នុងពេលទីផ្សារមានវិបត្តិនិងហានិភ័យបែបដែរ វាក៏ជាឱកាសសម្រាប់អ្នកមានបទពិសោធន៍ និងមានជំនាញក្នុងការទិញ ក៏ដូចជាវិនិយោគអចលនទ្រព្យសម្រាប់រកប្រាក់ចំណេញផងដែរ ៕
Account
Security
Favourite Content