អ្នកវិភាគ ៖ ប្រតិបត្តិការយោធាជិត២ឆ្នាំរបស់រុស្សីជាការសម្រេចចិត្តដ៏ត្រឹមត្រូវសម្រាប់សន្តិសុខ និងសេដ្ឋកិច្ចជាតិ

ថ្វីត្បិតតែសកម្មភាពយោធាក្នុងប្រតិបត្តិការពិសេសរបស់ប្រទេសរុស្ស៊ីលើប្រទេសអ៊ុយក្រែនកាលពីខែកុម្ភៈ ឆ្នាំ២០២២ ត្រូវបានថ្កោលទោសដោយបណ្តាប្រទេសជាច្រើនលើពិភពលោក ជាពិសេសក្រុមប្រទេសលោកខាងលិច ប៉ុន្តែរយៈពេលជិត២ឆ្នាំកន្លងមកនេះលទ្ធផលដែលប្រទេសរុស្ស៊ីទទួលបានហាក់បីដូចជាមានភាពផ្ទុយស្រឡះទៅនឹងអ្វីដែលប្រទេសជាច្រើនតែងតែរំពឹងទុក។

ឆ្នាំ២០២២ បានបង្ហាញនូវភាពមិនច្បាស់លាស់នៃភាពរីកចម្រើនរបស់រុស្ស៊ីដោយសារជាបន្តបន្ទាប់សេដ្ឋកិច្ចត្រូវបានជាប់គាំងតាមរយៈការដាក់ទណ្ឌកម្ម ​និងការដកខ្លួនចេញនៃបណ្តាក្រុមហ៊ុនអន្តរជាតិស្ទើរតែទាំងអស់ និងការមមាញឹកក្នុងការរៀបចំយុទ្ធសាស្ត្រយោធាសមរភូមិជាមួយនឹងយោធាអ៊ុយក្រែនផង។ ប៉ុន្តែរហូតមកដល់ឆ្នាំ២០២៣ស្ថានភាពបានផ្លាស់ប្តូរស្ទើរ១៨០ដឺក្រេ ទាំងនៅលើសមរភូមិយោធា និងសមរភូមិពាណិជ្ជកម្ម ដោយរដ្ឋាភិបាលទីក្រុងមូស្គូបានទទួលជោគជ័យយ៉ាងគួរឲ្យភ្ញាក់ផ្អើល ដណ្តើមបានទីតាំងកាន់កាប់ជាច្រើន និងធ្វើឲ្យកំណើនសេដ្ឋកិច្ចជាតិត្រឡប់មកវិញជាបន្តបន្ទាប់។

ផលិតផលក្នុងស្រុកសរុបរបស់រុស្ស៊ីកាលពីឆ្នាំ២០២២បានដាំក្បាលចុះដល់ ២,១ភាគរយ ប៉ុន្តែបានងើបមកវិញយ៉ាងមានសន្ទុះខ្លាំងក្លាដល់ទៅ ២,២ភាគរយដូចទៅនឹងអ្វីដែលប្រធានាធិបតីរុស្ស៊ីលោក Vladimir Putin ធ្លាប់បានអះអាងកាលពីរដូវក្តៅឆ្នាំ២០២៣ថា នឹងនាំឲ្យសេដ្ឋកិច្ចរុស្ស៊ីហក់ឡើងទៅតំណែងដ៏ខ្ពស់មួយក្នុងចំណោមប្រទេសមហាអំណាចសេដ្ឋកិច្ចលើពិភពលោក។

ជាក់ស្តែង អតីតរដ្ឋមន្ត្រីការបរទេសអូទ្រីស លោកស្រី Karin Kneissl បានលើកឡើងកាលពីចុងសប្តាហ៍កន្លងមកនេះថា​ អ្វីដែលជាការព្យាករណ៍របស់លោក Putin គឺជាការពិតតាមរយៈកំណើនសេដ្ឋកិច្ចបច្ចុប្បន្នរបស់រុស្ស៊ីគឺអាចវ៉ាដាច់អាល្លឺម៉ង់ក្លាយជាប្រទេសមានសេដ្ឋកិច្ចខ្លាំងជាងគេទី៥របស់ពិភពលោកដោយផ្អែកលើអត្រានៃអំណាចនាំការបញ្ជាទិញ ឬហៅថា Purchasing Power Parity (PPP) ។

នៅក្នុងបទសម្ភាសន៍ថ្មីមួយជាមួយអ្នកកាសែត Flavio von Witzleben កាលពីពេលកន្លងមកនេះ លោកស្រី Kneissl បានវាយតម្លៃទៅលើលទ្ធផលរបស់រុស្ស៊ីកាលពីឆ្នាំមុន ដោយកត់សម្គាល់ថា រុស្ស៊ីបានទទួលលទ្ធផលខ្លាំងទាំងនៅលើសមរភូមិក្នុងការប្រយុទ្ធជាមួយអ៊ុយក្រែន និងទាំងទៅលើវិស័យសេដ្ឋកិច្ចផងដែរ។

កាលពីថ្ងៃចន្ទដើមសប្តាហ៍នេះដែរ ប្រធានាធិបតីរុស្ស៊ី លោក Vladimir Putin ក្នុងឳកាសនៃការសម្ពោធដាក់ឲ្យប្រើប្រាស់មន្ទីរពេទ្យថ្មីមួយកន្លែងនាទីក្រុងមូស្គូក៏បានធ្វើការប្រកាសគួរឲ្យរីករាយសម្រាប់ប្រទេសរុស្ស៊ីដែរថា សេដ្ឋកិច្ចដ៏រឹងម៉ាំកំពុងបន្តទាំងក្នុងឆ្នាំ២០២៣ ទាំងនៅក្នុងឆ្នាំ២០២៤។

មេដឹកនាំរុស្ស៊ីរូបនេះបានថ្លែងថា ៖

«យើងមិនដែលឃើញស្ថានភាពរុស្ស៊ីដូចនេះពីមុនមកទេ ខណៈពេលដែលយើងធ្លាប់រកចំណូលបានពីការលក់ប្រេង និងឧស្ម័ន ប៉ុន្តែឆ្នាំ២០២៣ គឺជាឆ្នាំដំបូងដែលវិស័យផលិតកម្មរបស់យើងរីកចម្រើនលឿនជាងមុន និងទទួលបានប្រាក់ចំណូលកាន់តែច្រើន។ វាមានន័យថាយើងកំពុងក្លាយជាសាក្សីនៃការផ្លាស់ប្តូររចនាសម្ព័ន្ធក្នុងសេដ្ឋកិច្ចរបស់យើងនៅក្នងពេលនេះ»។

លោក Putin បានទទួលស្គាល់ថា សេដ្ឋកិច្ចរបស់រុស្ស៊ីបានធ្លាក់ចុះកាលពីឆ្នាំ២០២២ ដល់ទៅ ២,១ភាគរយ ប៉ុន្តែជឿជាក់ថា នឹងមានកំណើនសរុប ៣,៥ភាគរយក្នុងឆ្នាំ២០២៣។ លើសពីនេះ អ្វីដែលគួរគួរឲ្យភ្ញាក់ផ្អើលនោះ លោកបានអះអាងថា វិស័យផលិតកម្មបានដើរតួជំនួសវិស័យថាមពលនៅក្នុងការលើកកំពស់សេដ្ឋកិច្ចជាតិក្នុងរយៈពេលកន្លងមកនេះ។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល