សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សក្ដានុពលដីធ្លីនៅតំបន់ជុំវិញរាជធានីភ្នំពេញឃើញថាបន្តមានកំណើនខ្ពស់ ហើយតម្លៃដីធ្លីនៅជុំវិញរាជធានីភ្នំពេញចម្ងាយប្រមាណ ៥០គីឡូម៉ែត្រគឺមានតម្លៃកាន់តែខ្ពស់ និងអាចបន្តកើនឡើងបន្ថែមទៀត ដែលជាឱកាសសម្រាប់អ្នកវិនិយោគក្នុងការទទួលបានប្រាក់ចំណេញនៅពេលអនាគត។
លោកឧកញ៉ា សំ សុខនឿន ប្រធានសមាគមអចលនទ្រព្យសកល (GRA)បានមានប្រសាសន៍កាលពីពេលកន្លងមកនេះថា តម្លៃដីធ្លីនៅជុំវិញរាជធានីភ្នំពេញតាមដងផ្លូវជាតិសំខាន់ៗមានតម្លៃមិនក្រោម១០០ដុល្លារទេក្នុងមួយម៉ែត្រការ៉េ ដូចជាផ្លូវជាតិលេខ៤ ចំងាយ៥០ម៉ែត្រចេញពីភ្នំពេញ ផ្លូវជាតិលេខ១ លេខ២ លេខ៣ លេខ៥ និងលេខ៦ជាដើម។
លោកឧកញ៉ាបន្តថា តែសម្រាប់ដីនៅផ្លូវក្នុង ឬជាប់ផ្លូវតូចៗតម្លៃមិនសូវខ្ពស់តែយ៉ាងណាក៏នៅតែមានសក្ដានុពល និងមានតម្រូវការដូចគ្នានៅពេលអនាគតខាងមុខនេះ ខណៈការអភិវឌ្ឍរាជធានីភ្នំពេញ កាន់តែសាយភាយទៅកាន់តំបន់ជាយៗរាជធានី។
លោក ឌឹត ចណ្ណា អគ្គនាយកក្រុមហ៊ុនអចលនទ្រព្យ Lucky ក៏បានឱ្យដឹងផងដែរថា ដីធ្លីនៅជុំវិញក្រុងភ្នំពេញនៅតែមានសក្ដានុពល ទោះបីស្ថិតនៅក្នុងវិបត្តិនៃជំងឺកូវីដ១៩ក្ដី ហើយនៅពេលអនាគតដីធ្លីនៅតំបន់ជុំវិញក្រុងនឹងនៅតែមានសក្ដានុពលនិងមានតម្លៃកាន់តែខ្ពស់ ជាពិសេសស្របទៅតាមផែនការរបស់រាជរដ្ឋាភិបាលក្នុងការពង្រីកផ្ទៃដីនៃវិសាលភាពរាជធានីភ្នំពេញ។
លោកបន្តថា តំបន់នៅជុំវិញក្រុងភ្នំពេញ សុទ្ធតែមានការទាក់ទាញនិងសក្ដានុពលគ្រាន់តែការអភិវឌ្ឍមានភាពខុសគ្នាតិចតួច គឺវាអាស្រ័យទៅលើទំនោររបស់ប្រជាពលរដ្ឋក្នុងការងាកទៅកាន់តំបន់មួយណា ។
អ្នកស្រី អាន សុធីតា អគ្គនាយកក្រុមហ៊ុនអចលនទ្រព្យ PropNex Cambodia ក៏បានឱ្យដឹងថាតំបន់ខាងត្បូងមានការអភិវឌ្ឍលើវិស័យលំនៅឋានច្រើនជាងគេ ដោយសារតែតំបន់នេះមានការអភិវឌ្ឍទៅលើហេដ្ឋារចនាសម្ព័ន្ធច្រើនខ្វាត់ខ្វែង និងមានការអភិវឌ្ឍទៅលើផ្សារទំនើប ការអភិវឌ្ឍផ្លូវក្រវ៉ាត់ក្រុង និងជាពិសេសព្រលានយន្តហោះអន្តរជាតិតេជោ ។ អ្នកស្រីបន្តថា តម្លៃដីធ្លីនៅជិតៗក្រុង ប្រហែលជាមិនទាន់ឡើងថ្លៃទេនៅក្នុងរយៈពេលប៉ុន្មានឆ្នាំខាងមុខនេះ ពីព្រោះតម្លៃបានខ្ពស់រួចទៅហើយ ប៉ុន្តែនៅពេលអនាគតនឹងអាចបន្តឡើងបន្ថែមទៀត។ សម្រាប់ដីធ្លីដែលងាកចេញពីក្រុងភ្នំពេញបន្តិច នឹងអាចហក់ឡើងបន្ថែមទៀតនៅពេលឆាប់ៗនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content