សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើទោះបីជានៅតំបន់បណ្ដោយផ្លូវ៦០ម៉ែត្រមានភាពទាក់ទាញ និងអំណោយផលដល់ការវិនិយោគ រួមជាមួយនឹងសកម្មភាពអភិវឌ្ឍសំណង់ច្រើនជាងមុនក្ដី ប៉ុន្តែសម្រាប់តម្លៃដីធ្លីនៅតំបន់សក្ដានុពលមួយនេះ ហាក់មិនមានកំណើនបន្ថែមនោះទេ ពោលគឺក្នុងរយៈកាលប្រមាណ៣ឆ្នាំចុងក្រោយនេះស្ថិតនៅក្នុងសភាពទ្រឹង ហើយអាចបន្តរហូតដល់៣ឆ្នាំខាងមុខទៀតទើបអាចមានសន្ទុះតម្លៃឡើងវិញ។
អ្នកស្រី អាន សុធីតា អគ្គនាយិកាក្រុមហ៊ុនអចលនទ្រព្យ PropNex Cambodia បានមានប្រសាសន៍ប្រាប់ AMS តាមទូរសព្ទឱ្យដឹងថា ដីនៅតំបន់តាមបណ្ដោយផ្លូវ៦០ម៉ែត្រអត់មានឡើងថ្លៃទៀតទេ ក្នុងរយៈពេលប្រមាណ២-៣ឆ្នាំកន្លងមកនេះ។ តម្លៃដីធ្លីនៅតំបន់នេះ មានសន្ទុះឡើងខ្លាំងក្នុងអំឡុងឆ្នាំ ២០១៧ ឬឆ្នាំ ២០១៨ ហើយក្រោយមកទៀត តម្លៃដីធ្លីនៅតំបន់នោះបន្តរក្សាតម្លៃថេររហូតមកដល់បច្ចុប្បន្ននេះ ។
អ្នកស្រីបន្តថា ទោះបីជាកម្ពុជាបានជួបវិបត្តិនឹងកូវីដ-១៩ក្ដី ក៏ដីធ្លីនៅតំបន់ផ្លូវ៦០ម៉ែត្រ និងតំបន់ដទៃទៀតមិនមានការធ្លាក់ចុះថ្លៃដែរ ។ បច្ចុប្បន្ននេះតម្លៃដីធ្លីនៅតាមបណ្ដោយផ្លូវ៦០ម៉ែត្រ ក្នុងចន្លោះ ១ ៨០០ដុល្លារអាមេរិក ទៅ ២ ៥០០ដុល្លារអាមេរិកក្នុងមួយម៉ែត្រការ៉េ ដោយអាស្រ័យលើទីតាំងនៅជិតក្រុង ជិតតំបន់អភិវឌ្ឍន៍ជាដើម។
អ្នកស្រី ធីតា បានបញ្ជាក់ថា ៖
“តម្លៃនេះមិនអាចវាយតម្លៃបានថា ជាតម្លៃក្នុងចំណុចកំពូលទេ ដូច្នេះនៅពេល២-៣ឆ្នាំខាងមុខ ដីធ្លីនៅតំបន់ផ្លូវ៦០ម៉ែត្រនឹងងើបឡើងបន្តទៀត នៅពេលមានតម្រូវការប្រើប្រាស់ដីធ្លីកាន់តែខ្លាំង តែយ៉ាងណាអត្រានៃការឡើងថ្លៃក៏មិនខ្ពស់ដែរ ។ អ្នកទិញដីនៅតំបន់ផ្លូវ៦០ម៉ែត្រភាគច្រើនគឺមិនទិញទុកចំណេញទេ គឺទិញដើម្បីទុកអភិវឌ្ឍន៍ទៅតាមគម្រោងផែនការរបស់ពួកគេ ដូចជាសាងសង់ផ្សារទំនើប សង់ខុនដូ និងអគារខ្ពស់ៗផ្សេងទៀតជាដើម”
លោក សន សៀប នាយកប្រតិបត្តិនៃក្រុមហ៊ុនអចលនទ្រព្យ Key Real Estate ធ្លាប់បានលើកឡើងកាលពីពេលកន្លងមកថា ដីធ្លីនៅតំបន់ជិតៗក្រុង នឹងមិនបន្តឡើងថ្លៃខ្ពស់ទៀតទេ ពីព្រោះថាវាបានឡើងថ្លៃខ្ពស់ស្រាប់ទៅហើយ ។ អ្នកវិនិយោគដីធ្លី មិនគួរបោះទុនវិនិយោគដីធ្លីសម្រាប់ទុកចំណេញនៅតំបន់ជិតៗក្រុង ឬតំបន់ដែលមានតម្លៃខ្ពស់នោះឡើយ តែអាចទៅរកតំបន់ណានៅឆ្ងាយពីទីក្រុងបន្តិចទើបអាចចំណេញ ។
លោកបានលើកឡើងទៀតថា តំបន់ផ្លូវ៦០ម៉ែត្រជាតំបន់មានការទាក់ទាញមួយលើការអភិវឌ្ឍអចលនទ្រព្យ ដោយបច្ចុប្បន្ននេះ មានគម្រោងជាច្រើនបានចាប់ផ្ដើមអភិវឌ្ឍន៍ជាបន្តបន្ទាប់ទោះបីជាស្ថិតនៅក្នុងវិបត្តិកូវីដ១៩ក៏ដោយ ។ សូមរំលឹកថា តំបន់ប៉ែកខាងត្បូងភ្នំពេញ ដែលមានផ្លូវ៦០ម៉ែត្រផងដែរនោះ បាន និងកំពុងទាក់ទាញការអភិវឌ្ឍលំនៅឋានកាន់តែខ្លាំង ដោយក្នុងនោះរាជរដ្ឋាភិបាលក៏បានជំរុញការអភិវឌ្ឍហេដ្ឋានរចនាសម្ព័ន្ធ រួមមានផ្លូវក្រវាត់ក្រុងទី៣ និងព្រលានយន្តហោះអន្តរជាតិតេជោផងដែរ ជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ស្វែងយល់ពីឫសគល់ប្រវត្តិសាស្ត្រដែលសហរដ្ឋអាម៉េរិក និងសម្ព័ន្ធមិត្តមិនអាចផ្តួលរំលំរបបដឹកនាំអ៊ីរ៉ង់
Top News, ព្រឹត្តិការណ៍, សេដ្ឋកិច្ច
• 17/07/2026
ក្រុមអ្នកវិភាគភូមិសាស្ត្រនយោបាយ គូសបញ្ជាក់ថា ការព្យាយាមប្រើប្រាស់សម្ពាធយោធា និង ការដាក់ទណ្ឌកម្មសេដ្ឋកិច្ចនានាដើម្បីបង្ខំឱ្យអ៊ីរ៉ង់ផ្លាស់ប្តូររបបដឹកនាំគឺជារឿងដ៏លំបាកបំផុត ដោយសារតែរបបបច្ចុប្បន្នត្រូវបានកសាងឡើងនៅលើទ្រឹស្តីការពារខ្លួន និងការចងចាំដ៏ឈឺចាប់នៃការជ្រៀតជ្រែកពីបរទេសអស់រយៈពេលជាង ២ សតវត្សរ៍កន្លងមក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
នៅត្រឹមត្រីមាសទី១ ឆ្នាំ២០២៦ តម្លៃដីធ្លីនៅខណ្ឌដូនពេញ នៅតែទ្រឹងដូចគ្នាក្នុងឆ្នាំ២០២៥
តស់ ! មកស្គាល់ពីតំបន់ដីដែលមានតម្លៃទាបជាងគេក្នុងរាជធានីភ្នំពេញ សម្រាប់អ្នកវិនិយោគពិចារណាទិញទុកចំណេញ
Account
Security
Favourite Content