សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ គម្រោងអភិវឌ្ឍន៍អាកាសយានដ្ឋានអន្តរជាតិតេជោ បន្តលក់សញ្ញាប័ណ្ណមានបុគ្គលធានាជាបន្តបន្ទាប់ដល់ធនាគារ និងក្រុមហ៊ុនផ្សេងៗនៅក្នុងប្រទេសកម្ពុជា ជាក់ស្ដែងនៅថ្ងៃទី០៤ មេសា ២០២២ ក្រុមហ៊ុនអភិវឌ្ឍន៍អាកាសយានដ្ឋានអន្តរជាតិមួយនេះ បានចុះហត្ថលេខាជាមួយក្រុមហ៊ុន Medtecs International Corporation Limited (“Medtecs”) ដែលគ្រប់គ្រងតំបន់សេដ្ឋកិច្ចពិសេស Manhattan ( មេនហាតធេន ) ក្នុងការលក់សញ្ញាប័ណ្ណមានបុគ្គលធានាតម្លៃ ៣លានដុល្លារអាមេរិក ។
យោងតាមសេចក្ដីប្រកាសរបស់ក្រុមហ៊ុន OCIC បានឱ្យដឹងថា ក្រុមហ៊ុន Medtecs បានចុះកិច្ចព្រមព្រៀងសញ្ញាប័ណ្ណមានបុគ្គលធានានៃគម្រោងអាកាសយានដ្ឋានអន្តរជាតិតេជោ ជាមួយនឹងក្រុមហ៊ុន CAIC ដើម្បីចូលរួមចំណែកក្នុងគម្រោងសាងសង់អាកាសយានដ្ឋានអន្តរជាតិតេជោ ដែលជាគម្រោងគាំទ្រដោយរាជរដ្ឋាភិបាលនៃព្រះរាជាណាចក្រកម្ពុជាក្នុងការអភិវឌ្ឍន៍អាកាសយានដ្ឋានអន្តរជាតិទំនើប ដែលនឹងជួយជំរុញដល់វិស័យសេដ្ឋកិច្ច និងទេសចរណ៍។
ពិធីចុះហត្ថលេខានេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់អ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុន OCIC និងវត្តមានលោកប្រធានក្រុមប្រឹក្សាភិបាល Yang និងលោក ឆារស៍ វ៉ាន់ Charles Vann ជាសមាជិកក្រុមប្រឹក្សាភិបាលនៃក្រុមហ៊ុន CAIC ។ ថវិកាដែលបានមកពីការវិនិយោគលើសញ្ញាប័ណ្ណមានបុគ្គលធានានេះនឹងត្រូវប្រើប្រាស់សម្រាប់ការសាងសង់ និងការអភិវឌ្ឍគម្រោងសាងសង់អាកាសយានដ្ឋានអន្តរជាតិតេជោ។
ក្នុងរយៈ២ទសវត្សរ៍ចុងក្រោយនេះក្រុមហ៊ុន Medtecs បានដឹកនាំការអភិវឌ្ឍន៍ និងវិនិយោគសំខាន់ៗជាច្រើនក្នុងព្រះរាជាណាចក្រកម្ពុជា ក្រុមហ៊ុន Medtecs មិនត្រឹមតែជួយសម្រួលដល់វិនិយោគិនបរទេស ក៏ដូចជាក្រុមហ៊ុនពហុជាតិសាសន៍ប៉ុណ្ណោះទេ ថែមទាំងបានបង្កើតនូវឱកាសការងារក្នុងស្រុក ដែលជួយលើកកម្ពស់ដល់ការរីកចម្រើននៃព្រះរាជាណាចក្រកម្ពុជា។
ក្រុមហ៊ុន Medtecs បានចាប់ផ្តើមធ្វើប្រតិបត្តិការនៅក្នុងប្រទេសកម្ពុជាក្នុងឆ្នាំ១៩៩៩ ជាមួយនឹងរោងចក្រផលិតដែលធំបំផុតក្នុងស្រុកដែលជំរុញដល់ការនាំចេញវាយនភណ្ឌវេជ្ជសាស្ត្រ និងឧបករណ៍ការពារផ្ទាល់ខ្លួន PPE ក្នុងឆ្នាំ១៩៩៩ ដែលគិតមកដល់សព្វថ្ងៃនេះមានបុគ្គលិកបម្រើការជាង ៤ ០០០ នាក់នៅរោងចក្ររបស់ខ្លួននាខេត្តកំពង់ចាម។
ក្រោមការអញ្ជើញពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លោកអគ្គនាយក Yang បានចាប់ផ្តើមតំបន់សេដ្ឋកិច្ចពិសេស Manhattan (MSEZ) ដែលជាតំបន់សេដ្ឋកិច្ចពិសេសធំបំផុតនៅព្រះរាជាណាចក្រកម្ពុជា មានកម្លាំងពលកម្មឧស្សាហកម្មស្មើនឹង ៥% នៅក្នុងប្រទេស (បច្ចុប្បន្នចំនួនបុគ្គលិកសរុបនៅក្នុងតំបន់មានជាង ៣៥ ០០០នាក់) និងចូលរួមចំណែកជាង ៦% នៃការនាំចេញរបស់ព្រះរាជាណាចក្រកម្ពុជា។ នៅក្នុងឆ្នាំទី២ ពាក់កណ្តាលឆ្នាំ២០២១ ក្រុមហ៊ុន Medtecs បានចាប់ផ្តើមការសាងសង់ក្នុងតំបន់សេដ្ឋកិច្ចពិសេស Manhattan(MSEZ)ជាមួយនឹងរោងចក្រផលិតដែលបំពាក់ដោយមុខងារផលិតស័្វយប្រវត្តិពេញលេញសម្រាប់ការផលិតស្រោមដៃ Nitrile ដែលជាសម្ភារៈប្រើប្រាស់ក្នុងវិស័យវេជ្ជសាស្ត្រកម្រិតខ្ពស់។ ក្រោយការសាងសង់រួចរាល់រោងចក្រនេះនឹងក្លាយជាមជ្ឈមណ្ឌលផលិតក្នុងស្រុកដំបូងគេក្នុងប្រទេសសម្រាប់ការផលិតស្រោមដៃ Nitrile កម្រិតវេជ្ជសាស្ត្រ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល១៣ឆ្នាំ ពន្ធដារបង្កើនការប្រមូលចំណូលពីជាង ៧០០លានដុល្លារ ដល់ ៣,៥៧ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/05/2026
ក្នុងរយៈពេល១៣ឆ្នាំកន្លងមកនេះ ពន្ធដារ បានបង្កើនការប្រមូលចំណូលពីប្រមាណជាង៧០០លានដុល្លារអាម៉េរិក ដល់ជាង ៣,៥៧ពាន់លានដុល្លារអាម៉េរិក ដោយបានរួមចំណែកដល់ការកសាងសេដ្ឋកិច្ចកម្ពុជាឱ្យកាន់តែរីកចម្រើនឡើង
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content