សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងដែនដី នគរូបនីយកម្ម និងសំណង់ បានប្រកាសថា នឹងពន្លឿនការដោះស្រាយ ដើម្បីអភិវឌ្ឍន៍ភូមិដ្ឋានជូនពលរដ្ឋរស់នៅក្នុងតំបន់រមណីយដ្ឋានអង្គរ ដើម្បីឱ្យពួកគាត់មានលំនៅដ្ឋានល្អស្អាត សមរម្យ ក៏ដូចជាមានជីវភាពរស់នៅបានប្រសើរ។
ឯកឧត្តមឧបនាយករដ្ឋមន្ត្រីបានបញ្ជាក់នៅក្នុងកិច្ចប្រជុំស្តីពីដំណើការរៀបចំដែនដី និងនគរូបនីយកម្ម តំបន់រមណីយដ្ឋានអង្គរកាលពីពេលថ្មីៗនេះថា «ជំហ៊ាននេះគឺទៅមុខហើយ អត់មានថយក្រោយទេៗ សម្រាប់ខ្ញុំការធ្វើនេះគឺការរៀបចំស្រុកទេស ស្រុកអង្គរយើងនេះឱ្យបានល្អ ហើយឱ្យបានចប់រឿងតែម្តង។ ខ្ញុំនឹងផ្ញើលិខិតទៅអង្គការយូណេស្កូ ដើម្បីស្នើឱ្យមានការចូលរួមផ្តល់ជំនួយបច្ចេកទេសក្នុងការកសាងផ្លូវ រៀបចំហេដ្ឋារចនាសម្ព័ន្ឋភូមិ ដោយមានការចូលរួមពីអាជ្ញាធរ រួមនឹងក្រុមការងារក៍ដូចជាប្រជាពលរដ្ឋរស់នៅក្នុងតំបន់អង្គរតែម្តង»។
យ៉ាងណាក្តី មន្រ្តីជាន់ខ្ពស់អាជ្ញាធរអប្សរា បានបញ្ជាក់ដោយលើកឡើងថា នេះជាសិទ្ធិសម្រេចរបស់ថ្នាក់ដឹកនាំ ដែលអាជ្ញាធរមានតែត្រៀមខ្លួនចាំអនុវត្តតាមគោលការណ៍រដ្ឋាភិបាលដែលបានដាក់ចេញតែប៉ុណ្ណោះ។
យោងតាមខ្លឹមសារនៃសេចក្តីប្រកាសរបស់អាជ្ញាធរអប្សរា កាលពីខែធ្នូ ឆ្នាំ២០២៤ ឆ្លើយតបនឹងការលើកឡើងរបស់អង្គការសិទ្ធិមនុស្សបានឱ្យដឹងថា ក្នុងរយៈកាល៣០ឆ្នាំកន្លងមកនេះ អាជ្ញាធរជាតិអប្សរាតែងតែយកចិត្តទុកដាក់ខ្ពស់លើកិច្ចការអភិវឌ្ឍន៍ប្រកបដោយចីរភាពសហគមន៍ និងការរស់នៅរបស់ប្រជាពលរដ្ឋចំនួន១១៤ភូមិ ដែលរស់នៅយូរលង់ណាស់មកហើយក្នុងតំបន់រមណីយដ្ឋានអង្គរ។
តាមការឱ្យដឹងពីអាជ្ញាធរអប្សរាបានបញ្ជាក់ថា បច្ចុប្បន្នបុគ្គលិកចំនួន៧៤% ដែលកំពុងបំពេញការងារនៅក្នុងអាជ្ញាធរជាតិអប្សរាគឺជាប្រជាពលរដ្ឋរស់នៅក្នុងតំបន់អង្គរ៕
វិន ឈុនហ៊ាត
Account
Security
Favourite Content