សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អគារការិយាល័យថ្មីមួយត្រូវបានដាក់សម្ពោធឱ្យប្រើប្រាស់ជាផ្លូវការនៅក្នុងតំបន់ដែលកំពុងមានការអភិវឌ្ឍលើវិស័យលំនៅឋាន និងពាណិជ្ជកម្ម ហើយអគារការិយាល័យមួយនេះនឹងចូលរួមចំណែកដល់ការផ្គត់ផ្គង់ការិយាល័យសម្រាប់ម្ចាស់ក្រុមហ៊ុនសហគ្រាសដែលមានតម្រូវការ ។
អគារការិយាល័យ ៣៤៥ ដ៏ប្រណិត និងទំនើប បានបើកសម្ពោធជាផ្លូវការ ស្ថិតក្នុងខណ្ឌទួលគោក រាជធានីភ្នំពេញ ដែលជាតំបន់ពាណិជ្ជកម្មចំរុះដ៏មានសក្ដានុពល និងកំពុងតែរីកចម្រើនឥតឈប់ឈរក្នុងវិស័យអចលនទ្រព្យ កាលពីថ្ងៃទី២១ ខែមករា ២០២៤ ដោយមានការចូលរួមពីភ្ញៀវកិត្តិយស គណៈគ្រប់គ្រង ថ្នាក់ដឹកនាំ ដៃគូរវិនិយោគិន និងភ្ញៀវផ្សេងៗទៀតយ៉ាងច្រើនកុះករ ។
អគារការិយាល័យនេះ មានកម្ពស់ ១៥ជាន់ ចែកជាបន្ទប់ការិយាល័យច្រើនប្រភេទ ក្រោមការបានរចនាយ៉ាងស្អាតប្រណិត ទំនើបទាន់សម័យ និងមានផាសុកភាព។ លើសពីនេះមានការគិតគូរយ៉ាងម៉ត់ចត់ទៅលើប្រព័ន្ធសុវត្ថិភាព ប្រព័ន្ធសន្ដិសុខ២៤ម៉ោង កន្លែងចំណតឡាន និងម៉ូតូ រួមទាំងជណ្ដើរយន្តជាច្រើន ដោយមានបន្ទប់ទឹកដាច់ដោយឡែក និង បន្ទប់ប្រជុំដ៏សម្បូរបែប ដើម្បីឆ្លើយតបទៅនឹងតម្រូវការរបស់អ្នកជួលក្នុងសម័យទំនើប។
ស្ថិតនៅក្នុងខណ្ឌទួលគោក ដែលជាតំបន់ដ៏មានសក្ដានុពលធ្វើឱ្យអគារការិយាល័យសម្រាប់ជួល ៣៤៥ នេះ កាន់តែលេចធ្លោ ដោយសារទីតាំងអំណោយផលល្អ មានការហុំព័ទ្ធជុំវិញដោយកន្លែងហាត់ប្រាណ ផ្សារទំនើប ធនាគារ ភោជនីយដ្ឋាននានាជាច្រើន ផ្ដល់ជូននូវភាពងាយស្រួលដល់អ្នកជួលអគារ និងបុគ្គលិករបស់ខ្លួនផងដែរ។
លោក ឌី រដ្ឋា នាយកគ្រប់គ្រងទូទៅនៃអគារបានមានប្រសាសន៍ថា អគារការិយាល័យ ៣៤៥ នឹងបំពេញតម្រូវការរបស់អ្នកជួលសម័យថ្មី បង្កើតជាសហគមន៍ពាណិជ្ជកម្មទំនើបមួយ សបញ្ជាក់ពីទីតាំងមួយដែលលើសពីកន្លែងធ្វើ តែជាកន្លែងដែលសម្រាប់ធ្វើកិច្ចទំនាក់ទនង បង្កើតជាសហគមន៍ល្អ ចែករំលែកគំនិត និងបទពិសោធន៍ ដើម្បីភាពរីកចម្រើនទាំងអស់គ្នា ។
គួរបញ្ជាក់ថា ទួលគោក និងកំពុងក្លាយជាតំបន់ដែលមានភាពទាក់ទាញខ្លាំងដូចនឹងតំបន់នៅកណ្ដាលក្រុងបឹងកេងកងដែរ ដោយតម្លៃដីធ្លីនៅក្នុងខណ្ឌទួលគោកបានហក់ឡើងជាបន្តបន្ទាប់ អគារខ្ពស់ៗនៅក្នុងទឹកដីនៃខណ្ឌមួយនេះ ក៏ឃើញថារីកលូតលាស់ឡើងជាបន្តបន្ទាប់ ដោយបណ្ដុំអាជីវកម្មជាច្រើនក៏បានបោះទីតាំងនៅតំបន់នោះដើម្បីបំពេញតម្រូវការប្រជាពលរដ្ឋដែលមានកំណើនកាន់តែច្រើនឡើង ៕
Account
Security
Favourite Content