រដ្ឋលេខាធិការ​អាកាសចរស៊ីវិល​ទទួលស្គាល់​ពីភាពចាំបាច់ និងផែនការ​អភិវឌ្ឍ​ព្រលានយន្តហោះលើ​កោះរ៉ុង​ខេត្តព្រះសីហនុ​

ភ្នំពេញ ៖ នៅទីបំផុត​គម្រោងអភិវឌ្ឍន៍ព្រលានយន្តហោះអន្តរជាតិ​​អេកូទេសចរណ៍​កោះរ៉ុង​នៅតំបន់អភិវឌ្ឍន៍​កោះ​រ៉ុង ក្រុង​កោះរ៉ុង ខេត្តព្រះសីហនុ ដែលគ្រោង​នឹង​ចំណាយ​ទឹកប្រាក់សាងសង់​ប្រមាណ ៣០០លានដុល្លារ​ អភិវឌ្ឍន៍​ដោយក្រុមហ៊ុន​រ៉ូយ៉ាល់​គ្រុប ត្រូវ​បានរដ្ឋលេខាធិការដ្ឋានអាកាស​ចរស៊ីវិលទទួលស្គាល់​ពីភាពចាំបាច់ និងផែ​នការ​មេ​រួច​រាល់​ហើយ ។​

នៅក្នុងសេចក្ដី​ប្រកាស​ព័ត៌មាន​រួម​រវាង​រដ្ឋលេខាធិការ​ដ្ឋាន​អាកាសចរស៊ីវិល និងក្រុមហ៊ុន​រ៉ូយ៉ាល់​គ្រុប កោះរ៉ុង​ឌីវេឡុបមេន​ ខមភេនី​ បានឱ្យដឹងថា គម្រោង​នេះ ត្រូវបាន​ភាគី​ទាំង​ចុះហត្ថលេខា​លើអនុស្សរណៈ​ទទួ​ល​ស្គា​​ល់​​ផែ​ន​ការ​​​​រួច​​​រាល់​កាលពីព្រឹកថ្ងៃទី​១៨ ខែមករា ឆ្នាំ២០២៣ ។

យោងតាមសេចក្ដីប្រកាសព័ត៌មានដដែលឱ្យដឹងថា គម្រោង​សាងសង់អាកាស​ដ្ឋានអន្តរជាតិកោះរ៉ុង​ ជា​គម្រោ​ង​លំដាប់ 4C នៅលើ​តំបន់អភិវឌ្ឍន៍កោះរ៉ុង​ ត្រូវ​ចំណាយទឹកប្រាក់៣០០លានដុល្លារ​អាមេរិក នឹង​ត្រូវ​បញ្ចប់​​សាងសង់​ក្នុង​រយៈ​ពេល​៥ឆ្នាំ​ ។​

សេចក្ដីប្រកាស​ឱ្យដឹងទៀតថា កាលពីថ្ងៃទី​២៨ ខែកុម្ភៈ ឆ្នាំ២០០៨​ ក្រុមហ៊ុនរ៉ូយ៉ាល់​គ្រុ​បខូអិលធីឌី បាន​ចុះ​ហត្ថ​​លេខាជួល​កោះរ៉ុង​ជាមួយក្រុមប្រឹក្សាអភិវឌ្ឍន៍​កម្ពុជា ដែលជា​ភាគី​តំណាងឱ្យរាជរដ្ឋាភិបាល​កម្ពុជា ដើម្បី​អភិវឌ្ឍ​ន៍​ជា​តំបន់​អភិវឌ្ឍន៍​ពាណិជ្ជកម្ម រមណីយដ្ឋាន​ទេសចរណ៍ធម្មជាំតិ រួមទាំង​ហេដ្ឋារចនាសម្ព័ន្ធអាកាស​យាន​ដ្ឋាន​ផងដែរ ។​

ឯកឧត្តម​បណ្ឌិត ម៉ៅ ហាវណ្ណាល់​ រដ្ឋមន្ត្រីទទួលបន្ទុក​រដ្ឋលេខាធិការ​ដ្ឋាន​អាកាសចរស៊ីវិល បានមាន​ប្រ​​សា​ស​​​ន៍​ថា​​​ គម្រោងអភិវឌ្ឍន៍នេះ​ ស្ថិតនៅក្នុងក្របខ័ណ្ឌ​នៃការ​វិនិយោគ​ពហុបំណង​រួម​សម្រាប់​ក្រុង​កោះរ៉ុង​ទាំង​មូល ដែលជាការ​វិនិយោគរបស់​វិស័យឯកជន ហើយមានលក្ខណៈស្រដៀង​គ្នា​នឹង​ការ​វិនិយោគ​របស់​ក្រុម​ហ៊ុនយូ​ញៀន​ នៅតំបន់តារាសាគរ​ដែរ ។ ម្យ៉ាងទៀត គម្រោងនេះ​ក៏មានសង្គតិ​ភាព​ជាមួយ​នឹង​ចក្ខុវិស័យ​ផែន​ការ​គោលនយោបាយ​ និងទិសដៅយុទ្ធសាស្ត្រ​អភិវឌ្ឍន៍​របស់រាជរដ្ឋាភិបាល ។

ឯកឧត្តម​បណ្ឌិត​បានបន្តថា​ អាកាស​យានដ្ឋាន​ដែល​បម្រុង​នឹង​សាងសង់​នេះ ជា​អាកាស​យានដ្ឋាន​អន្ត​រ​ជាតិ​ថ្មីទី៤​ ដែលបានធ្វើការ​វិនិយោគ​ដោយមានការ​ចូលរួម​ពីវិស័យ​ឯកជន បន្ទាប់ពីអាកាស​យានដ្ឋាន​អន្តរជាតិ​តា​រា​​សា​គ​រ អាកាស​យានដ្ឋានអន្តរជាតិ​សៀមរាប​អង្គ និង​អាកាស​យានដ្ឋានអន្តរជាតិ​តេជោ ។

គួរ​បញ្ជាក់ថា​ ក្រោយផ្លូវល្បឿនលឿនភ្នំពេញ ក្រុងព្រះសីហនុ​បានដាក់​ដំណើរការ​ជាផ្លូវ​ការ​ ឃើញថា​សកម្មភាព​ និងការទាក់ទាញ​ការ​វិនិយោគ​នានា​ក្នុងខេត្តព្រះសីហនុ​ចាប់ផ្ដើម​មានជា​បន្តបន្ទាប់ ជាក់ស្ដែង​កាលពីពេលថ្មីៗនេះក៏មានក្រុម​ហ៊ុន​បរទេស​មួយ​បង្ហាញពីគម្រោងវិនិយោគខ្សែរ៉កជិះ​មើលទេសភាព​ក្នុង​ខេត្តព្រះសីហនុ ដែល​គម្រោង​វិនិយោគនេះ មិនទាន់មាននៅក្នុងប្រទេស​កម្ពុជា​នៅឡើយ​ ។ ក្រៅពីនេះ ក៏មា​​​នគម្រោង​ជាច្រើនទៀត​ដែល​នឹងធ្វើឱ្យ​ខេត្តព្រះសីហនុ​កាន់តែមានភាពទាក់ទាញកាន់តែខ្លាំង​ឡើងបន្ថែ​មទៀត ។

សម្រាប់រាជរដ្ឋាភិបាល​កម្ពុជា​ក៏បាន​សាងសង់នូវហេដ្ឋារចនាសម្ព័ន្ធ ក្នុង​ខេត្តមួយ​នេះ​ជាច្រើនខ្សែ​ផងដែរ ដើម្បីសម្រួលដល់​ចរាចរណ៍ ទាំង​ទេសចរ​ជាតិអន្តរជាតិ​និងប្រជាពលរដ្ឋ​រស់​នៅក្នុង​តំបន់នោះផ្ទាល់​ផងដែរ ហើយបច្ចុប្បន្ន​រដ្ឋាភិបាលក៏បានបន្ត​សាងសង់​ផ្លូវ​ថ្មីៗបន្តបន្ទាប់​នៅក្នុង​តំបន់​នោះដើម្បីបំពេញតម្រូវការ​ប្រើប្រាស់​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។