សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តំបន់នៅតាមបណ្ដោយផ្លូវព្រៃស ចាប់ពីផ្លូវទំនប់៧មករា ដល់ផ្លូវ២១៧ ចំការដូង ក្នុងរយៈពេលប៉ុន្មានឆ្នាំចុងក្រោយនេះ មានការអភិវឌ្ឍលើវិស័យលំនៅឋានកាន់តែច្រើនគួរឱ្យកត់សម្គាល់ ដោយក្នុងនោះ មានក្រុមហ៊ុនអភិវឌ្ឍន៍លំនៅឋានតូចធំជាច្រើនបានចូលទៅអភិវឌ្ឍន៍ សាងសង់យ៉ាងសកម្ម ។ លោកអ្នកដឹងទេថា តើមានកត្តាអ្វីដែលជំរុញឱ្យតំបន់ផ្លូវព្រៃសមានការទាក់ទាញសម្រាប់ការអភិវឌ្ឍលំនៅឋានបែបនេះ ?
បើតាមការសង្កេតជាក់ស្ដែង ក្នុងរយៈពេលប៉ុន្មានឆ្នាំចុងក្រោនយនេះ តំបន់ភាគខាងត្បូងរាជធានីភ្នំពេញ មានការអភិវឌ្ឍគួរឱ្យកត់សម្គាល់ ខណៈដែលរាជរដ្ឋាភិបាលបានសាងសង់ហេដ្ឋារចនាសម្ព័ន្ធថ្មីៗ និងកាន់តែធំទូលាយផ្តល់ភាពងាយស្រួលសម្រាប់ពលរដ្ឋក្នុងការធ្វើដំណើរ ។ ក្រៅពីនេះ តំបន់នោះ ក៏មានផ្សារទំនើប សាលារៀន ជាពិសេស មន្ទីរពេទ្យដ៏ធំមួយ គឺមន្ទីរពេទ្យហ្លួងម៉ែ ដែលស្ថិតនៅក្នុងតំបន់ព្រៃស និងក្បែរផ្លូវព្រៃសនេះតែម្ដង ។
អ្វីដែលគួរឱ្យកត់សម្គាល់ទៀតនោះ ផ្លូវព្រៃស ជាផ្លូវដែលតភ្ជាប់ផ្លូវសំខាន់ៗជាច្រើន ដូចជា ផ្លូវក្រវាត់ក្រុងទី២ ដែលអាចតភ្ជាប់ទៅកាន់ផ្លូវ២១៧ ផ្លូវ៦០ម៉ែត្ រនិងផ្សារទំនើប អ៊ីអនមានជ័័យផងដែរ ។ ផ្លូវនេះ ក៏អាចតភ្ជាប់ទៅកាន់ផ្លូវសំខាន់ៗនៅក្នុងតំបន់ និងទៅកាន់ផ្លូវជាតិលេខ៣ លេខ២ និងវិថីស៊ីជីនពីង ( ផ្លូវក្រវាត់ក្រុងទី៣) ដែរ ។
នៅមិនទាន់អស់ទេ តំបន់ព្រៃស ក៏នៅមិនឆ្ងាយពីអាកាសយានដ្ឋានអន្តរជាតិតេជោ ដែលជាអាកាសយានដ្ឋានថ្មី គ្រោងនឹងបើកប្រតិបត្តិការហោះហើរនៅថ្ងៃទី០៩ ខែកញ្ញា ឆ្នាំ ២០២៥ និងបើកសម្ពោធជាផ្លូវការ នៅថ្ងៃទី២០ ខែតុលា ឆ្នាំ២០២៥ ខាងមុខ ក្រោយអធិបតីភាពសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។
បើតាមអ្នកជំនាញអចលនទ្រព្យបានមើលឃើញថា ទីតាំង ឬតំបន់ណាដែលមានការអភិវឌ្ឍន៍ហេដ្ឋារចនាសម្ព័ន្ធ ដូចជា ផ្លូវ ទឹក ភ្លើងអគ្គិសនី តំបន់ ឬទីតាំងនោះនឹងមានការទាក់ទាញមនុស្សទៅរស់នៅកាន់តែច្រើន ហើយវិនិយោគិនក៏សម្លឹងមើលឃើញពីការវិនិយោគលើលំនៅឋានដើម្បីបំពេញតម្រូវការរបស់ពលរដ្ឋផងដែរ ។
អ្នកស្រី អាន សុធីតា នាយិកាក្រុមហ៊ុនអចលនទ្រព្យ PropNex Cambodia ធ្លាប់បានលើកឡើងថា តំបន់ប៉ែកខាងត្បូង មានការអភិវឌ្ឍលើហេដ្ឋារចនាសម្ព័ន្ធច្រើន ដូចជាផ្លូវក្រវាត់ក្រុង ទី២ ទី៣ និងផ្លូវជាច្រើនខ្សែទៀតនៅក្នុងតំបន់ ។ ក្រៅពីនេះ មានផ្សារទំនើប សាលារៀន មន្ទីរពេទ្យ ដែលបានទាក់ទាញអ្នកវិនិយោគទៅអភិវឌ្ឍលំនៅឋានដើម្បីផ្គត់ផ្គង់ច្រើនជាងមុន ។
គួរបញ្ជាក់ថា តំបន់ប៉ែកខាងត្បូងភ្នំពេញត្រូវបានរាជរដ្ឋាភិបាលបានដាក់ផែនការអភិវឌ្ឍហេដ្ឋារចនាសម្ព័ន្ធថ្មីៗ និងបានចំណាយថវិកាកែប្រែតំបន់នេះឱ្យល្អប្រសើរ ដោយសង់ប្រលាយរំដោះទឹក ដើម្បីបង្ការ ការជនលិច សាងសង់ផ្លូវខ្វាត់ខ្វែង ដើម្បីទាក់ទាញ និងជំរុញវិនិយោគិនទៅបណ្ដាក់ទុនវិនិយោគបន្ថែមទៀត ។ ជាលទ្ធផលបានបង្ហាញឱ្យឃើញថា អ្នកវិនិយោគជាច្រើន ជាពិសេសវិនិយោគិនក្នុងស្រុក បានជ្រើសរើសយកទីតាំងប៉ែកខាងត្បូង ក្នុងនោះ ក៏មានតំបន់ព្រៃសផងដែរ សម្រាប់គម្រោងអភិវឌ្ឍន៍លំនៅឋាន ដែលមានទាំងលំនៅឋានតម្លៃមធ្យម និងគម្រោងលំនៅឋានតម្លៃថ្លៃ ៕
Account
Security
Favourite Content