សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផ្អែកតាមរបាយការណ៍របស់ក្រសួងរៀបចំដែនដីនគរូបនីយកម្ម និងសំណង់បានបង្ហាញថា ក្នុងរយៈពេល៥ខែទុនក្នុងវិស័យសំណង់បានធ្លាក់ចុះរហូតដល់៦០ភាគរយធៀបនឹងរយៈពេលដូចគ្នាក្នុងឆ្នាំ២០២១កន្លងទៅ ប៉ុន្តែការធ្លាក់ចុះទុន និងគម្រោងសាងសង់ក្នុងរយៈពេលដើមឆ្នាំ២០២២នេះ វានឹងប៉ះពាល់ដល់វិស័យនេះទាំងមូលឡើយ ។
លោកឧកញ៉ាបណ្ឌិត គីម ហ៊ាង ប្រធាន KW Cambodia បានមានប្រសាសន៍ឱ្យដឹងថា ការធ្លាក់ចុះនេះនឹងមិនប៉ះពាល់ដល់វិស័យនេះទាំងមូលនោះទេ តែវាប៉ះពាល់ត្រឹមតែបុគ្គល និងអ្នកអភិវឌ្ឍន៍ដែលមិនមានទុនគ្រប់គ្រាន់តែប៉ុណ្ណោះ ។
លោកបន្តថា ៖
“យើងទទួលស្គាល់ថាក្នុងរយៈពេលប៉ុន្មានខែនេះ ពិតជាមានការធ្លាក់ចុះមែន ប៉ុន្តែការជាប់គាំងលើគម្រោងសាងសង់មួយចំនួនគឺជារឿងបុគ្គល ដោយសារតែគម្រោងខ្លះស្ទើរទាំងទុនវិនិយោគស្ទើរទាំងបទពិសោធន៍ ទាំងក្រុមលក់ និងការសាងសង់ តែការជាប់គាំងនៃគម្រោងមួយចំនួននេះ មិនប៉ះពាល់ដល់ឧស្សាហកម្មសំណង់ទាំងមូលនៅកម្ពុជាឡើយ ខណៈគម្រោងខ្លះទៀតគេនៅបន្តដំណើរការសាងសង់ ការលក់និងចេញគម្រោងថ្មីៗជាបន្តបន្ទាប់”
លោកឧកញ៉ាបន្ថែមថា ៖
“នៅពេលគម្រោងសាងសង់លក់មិនដាច់ គេនឹងអត់សាងសង់បន្ថែមដូច្នេះហើយទើបធ្វើឱ្យការវិនិយោគទៅលើគម្រោងថ្មីៗមិនមានច្រើននៅក្នុងឆ្នាំនេះ ប៉ុន្មានគម្រោងខ្លះទៀតគេលក់បានជាហូរហែហើយគេក៏ចេញគម្រោងថ្មីៗជាបន្តបន្ទាប់ ដូច្នេះហើយសម្រាប់បច្ចុប្បន្ននេះអ្នកណាខ្លះអ្នកពូកែ នៅតែទទួលបានការគាំទ្រ និងអភិវឌ្ឍន៍គម្រោងថ្មីៗ”
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA)បានមានប្រសាសន៍ផងដែរថា ផលប៉ះពាល់ពីសង្គ្រាមរុស្ស៊ី និងអ៊ុយក្រែនជៀសមិនផុតទេ ប៉ុន្តែវាមិនប៉ះពាល់ខ្លាំងដល់កម្ពុជាធ្ងន់ធ្ងរនោះឡើយ ដោយសារវិនិយោគិនក្នុងស្រុកបានចាប់ផ្ដើមបញ្ចេញទុនក្នុងការវិនិយោគអចលនទ្រព្យ និងសំណង់ឡើងវិញ ជាពិសេសនៅដើមឆ្នាំ២០២២នេះ ប៉ុន្តែសម្រាប់វិនិយោគិនមកពីបរទេសគឺត្រូវការពេលវេលាបន្តិចដើម្បីទាក់ទាញពួកគេឱ្យត្រលប់មកកាន់កម្ពុជាជាថ្មី ។
លោកបន្តថា វិនិយោគិនបរទេសបានចូលមកឡើងតែក្នុងចំនួនតិចតួចនៅឡើយ ហើយរំពឹងថានៅក្នុងរយៈពេលកន្លះឆ្នាំទៀតពួកគេនឹងចាប់ផ្ដើមសិក្សាស្វែងយល់ពីសក្ដានុលនៃការវិនិយោគនៅក្នុងប្រទេសកម្ពុជា ខណៈវិនិយោគិនក្នុងស្រុកក៏បាន និងកំពុងបញ្ចេញសកម្មភាព និងបានត្រៀមខ្លួនរួចជាស្រេចក្នុងការស្វាគមន៍វិនិយយោគិនបរទេស ជាពិសេសវិនិយោគិនមកពីប្រទេសចិន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content